破產聯盟

 找回密碼
 註冊
查看: 410|回復: 2

希望有心人士解答我朋友,關於李周同埋生活費

[複製鏈接]
發表於 10-7-2024 00:14:51 來自手機 | 顯示全部樓層 |閱讀模式
我自己都係破產人士 不過我早早已經判咗俾破產主任
近來有位親戚都面臨破產 佢唔係好識用上網嘅嘢 所以代佢想問問大家幫忙

佢收入扣咗MPF之後係16000左右(洗碗工作)
佢有兩個小朋友同丈夫離異 一人跟一個 冇贍養費
佢尋日上咗去李周 我親戚唔係好識處理文件亦都唔係善於同人溝通嘅人 佢傾完之後 本身話要每個月還4000 後來我親戚同佢講 小朋友嚟緊讀書第一年係幼稚園要交學費 因為我親戚阿媽64歲 最近有病 想休息返一年所以決定都唔會請工人唯有報讀書 減輕佢阿媽 然後就批咗每個月還3500 後來佢同我討論呢件事 我問佢有冇寫埋要養阿媽 佢話唔知道要寫埋以為贍養人淨係寫小朋友 然後我叫佢打電話過去講 佢話跟佢嗰個人同佢講 佢阿媽未夠歲數退休唔需要贍養費 而且我睇佢份副本文件 我發現佢嘅單據上面嘅差餉水電煤明明除返開嘅價錢都比人哋減到唔啱

但係我親戚係一個比較。。冇咁靈活嘅人 落得破產餘地都係俾人呃錢 呢啲就唔方便多講 所以佢已經簽咗份嘢 而家打電話去 跟佢嗰個好明顯已經唔想改 我見我親戚其實都辛苦 我亦都喺度爬文睇過 見又有人話李周唔批父母贍養費個原因會係因為年紀大可以拎生果金 其實我親戚阿媽都64歲 所以都係覺得有啲留難我個親戚

所以想請教各位,其實咁樣係唔係合理?
因為我自己同佢嘅狀況並不同 我生活費高過佢
阿爸阿媽嘅贍養費都寫足晒 一樣未夠65歲
而且佢簽咗文件 我親戚有諗過 不如搵返份冇咁長時間人工低啲嘅工 多啲時間自己湊小朋友好過了

亦都想問問簽咗文件,其實係咪已經完全冇得再更改
我唔知可唔可以代我親戚打電話過去問 我親戚尋日去完之後今朝打咗一次電話過去 跟進佢個位聽咗電話講咗兩句就同佢講話要開會跟住cut咗佢線
發表於 10-7-2024 08:31:15 來自手機 | 顯示全部樓層
1. 第一年跟李周仲簽埋名,生活費好難再增加,除非加咗好多人工,要求增加生活費都要等第二年。
2. 你跟破署果位主任可能手鬆d,之前睇過有同學同佢情況差唔多,1大帶1細,跟破署都係批咗萬鬆d。而李周同石仔都係睇你幾錢收入去計上繳幾多%,實際支出金額其實唔會點認真睇,總之就要你上繳。
3. 佢有交差餉=有樓自住,需唔需要供樓當交租? 如果喺無租金嘅情況下,生活費點都少咗幾千啦。但如果佢有出錢,一陣李周又話佢對層樓有貢獻,又屈佢萬幾當贖樓費。小心李周遲d可能會問佢層樓屬於邊個,佢有無幫手供過。
4. 佢唔想上繳咁多,只有轉搵d出現金唔報稅嘅工,再寫信通知李周,話阿媽邊度邊度唔舒服要照顧佢,又要湊小朋友返學放學,唔可能再繼續返工,由幾時開始暫定上繳,直至阿媽好噃,有醫生紙証明最好畀埋。不過寫完,預李周會隔一年半載關心慰問吓佢。
發表於 10-7-2024 11:54:34 | 顯示全部樓層
12000生活費,單親仲又老又嫩…?
您需要登錄後才可以回帖 登錄 | 註冊

本版積分規則

小黑屋|破產聯盟

free web stats

GMT+8, 25-7-2024 03:31 , Processed in 0.044307 second(s), 20 queries .

Powered by Discuz! X3

© 2001-2013 Comsenz Inc.

���ٻظ� 返回頂部 �����б�