找回密码
 註冊
查看: 1280|回复: 18

有冇C兄有相同情況?

[复制链接]
发表于 9-6-2024 02:21:24 来自手机 | 显示全部楼层 |阅读模式
小弟剛頒左令,約左下個月初交文件俾永聯,未知是否需要外判,目前暫跟主任。我係資不抵債才申破,有物業跟身,我6C同我講呢D情況都係會開債權會,外判機會好高,想問下有冇c兄係有相同情況?最終係唔係外判,判左俾邊位?另外如果目前尚未有工作,而日常開支接近4萬(因為租金2萬),同埋供養2個細路,呢D支出係家姐出的,想問下到時傾生活費,唔知會唔會令到主任頭痕?因為冇工作又支出甘多,主任會點諗呢?
发表于 9-6-2024 09:09:36 | 显示全部楼层
爬文見你呢啲case似要開大會,判兩大。
你開支大而無收入,頭痕的是你,第一租金是否能批足是一大問題,佢有可能認為2萬係太貴;二由於無收入,佢無錢賺,有可能會留難你俾壓力你。

師兄TG我,時間同你差唔多,我都想知事實係點。
 楼主| 发表于 9-6-2024 10:50:13 来自手机 | 显示全部楼层
欠一百萬 發表於 9-6-2024 02:39
甚麼物業?

物業宜家出租,估價约390萬, 欠頭按銀行大約220萬,渣乜50萬,係大乜財務業主私人贷款50万,K現50萬,U乜20萬,仲有D卡數大約10萬,二线大約70萬
 楼主| 发表于 9-6-2024 10:57:02 来自手机 | 显示全部楼层
cftong 發表於 9-6-2024 09:09
爬文見你呢啲case似要開大會,判兩大。
你開支大而無收入,頭痕的是你,第一租金是否能批足是一大問題,佢 ...

佢會點樣留難我?第一我年紀大,又冇乜學歷,比較難揾野做, 第二我嘅日常支出我屋企人肯幫我負責, 第三我本來都冇諗住申破嘅,所以 半年前已經簽咗新屋租約,半年後過左梗約我就唔租喇,咁當然係搵啲價錢比較平啲嘅屋嚟租啦。 咁由於我又冇嘢做,都唔預佢會點樣批啲租金畀我啦 ,咁佢都仲想我點呢?
发表于 9-6-2024 12:29:48 | 显示全部楼层
hung2233 發表於 9-6-2024 10:57
佢會點樣留難我?第一我年紀大,又冇乜學歷,比較難揾野做, 第二我嘅日常支出我屋企人肯幫我負責, 第三 ...

我都同你一樣想法。但睇左咁多師兄分享,似乎冇錢上繳就煩了。
发表于 9-6-2024 13:00:25 来自手机 | 显示全部楼层
cftong 發表於 9-6-2024 12:29
我都同你一樣想法。但睇左咁多師兄分享,似乎冇錢上繳就煩了。

我係咁諗嘅生活都成問題 ????去邊度攞錢上繳呢? 就算返工搵嘅錢都唔多,咁當然本人都會去搵嘢做嘅,但係 所得到嘅收入 都係要先維持生活, 所以希望可以遇到個 有同理心嘅外判啦???? 另外仲有啲保險供緊嘅如果屋企人幫忙供 係唔係可以 呢? 唉!搞到今時今日申破 真係逼不得已㗎, 希望有c兄可以答到我呢個問題啦唔該曬
发表于 9-6-2024 13:01:39 来自手机 | 显示全部楼层
而家我仲未去提交26頁 咁想問一問 開大會係 喺提交26頁之前呢,定係26頁之後呢
发表于 9-6-2024 15:51:25 | 显示全部楼层
hung2233 發表於 9-6-2024 10:50
物業宜家出租,估價约390萬, 欠頭按銀行大約220萬,渣乜50萬,係大乜財務業主私人贷款50万,K現50萬,U ...

物業有出租,咁租金就係你的收入啦.
 楼主| 发表于 9-6-2024 16:46:34 来自手机 | 显示全部楼层
呢個收入都唔夠交我宜家租金。 而且頭按銀行都會沒收呢個物業
发表于 9-6-2024 17:14:45 来自手机 | 显示全部楼层
hung2233 發表於 9-6-2024 16:46
呢個收入都唔夠交我宜家租金。 而且頭按銀行都會沒收呢個物業

1. 既然入咗學就唔好擔心跟邊個啦,跟邊個都唔輪到我哋控制話事,平常心去面對啦。
2. 物業果度遲吓應該會充公,拍賣後扣除欠債同行政費,有多先會畀噃你,不過你欠咁多錢,應該都無錢退。
3. 雖然你依家失業但有家人資助,你租山頂住都仲得。但到你搵到工有收入時,受託人就會按你收入去評估有幾多生活費,若果佢批個租金少過你實際交租嘅錢,你有家人資助去抵消返條數,就可以繼續住,最緊要係有家人幫你去交租啫。
发表于 9-6-2024 17:25:02 来自手机 | 显示全部楼层
fk003 發表於 9-6-2024 13:00
我係咁諗嘅生活都成問題 ????去邊度攞錢上繳呢? 就算返工搵嘅錢都唔多,咁當然本人都會去搵嘢做嘅,但係 ...

上繳幾多都要睇你幾多收入同幾多合理支出,收入唔多,可能象徵式要你上繳一千幾百,唔駛太擔心。
保險果度如有現金價值係會被充公,唔好嘥錢繼續去供。你想日後有保障,就搵家人出名出錢去買過份,你只做受保人。
发表于 9-6-2024 17:31:39 来自手机 | 显示全部楼层
fk003 發表於 9-6-2024 13:01
而家我仲未去提交26頁 咁想問一問 開大會係 喺提交26頁之前呢,定係26頁之後呢 ...

開大會係交26頁之後,交26頁係要喺成功頒令後5日內約時間去交,而開大會就要睇吓頒令後有無債權人提出,若果要開,一般頒令後個零月就會收到信通知。
 楼主| 发表于 9-6-2024 17:39:09 来自手机 | 显示全部楼层
Anmi2019 發表於 9-6-2024 17:31
開大會係交26頁之後,交26頁係要喺成功頒令後5日內約時間去交,而開大會就要睇吓頒令後有無債權人提出, ...

唔該曬師兄嘅 回答謝謝 !依師兄咁睇我呢個情況 係唔係一定會開大會呢?如果債權人冇提出開大會係咪唔使開呢?
 楼主| 发表于 9-6-2024 17:44:39 来自手机 | 显示全部楼层
hung2233 發表於 9-6-2024 17:39
唔該曬師兄嘅 回答謝謝 !依師兄咁睇我呢個情況 係唔係一定會開大會呢?如果債權人冇提出開大會係咪唔使 ...

補充多一样, 我本身係無限公司僱主 公司喺我申破時亦都同事辦理結業登記了, 26頁入面就話要提供公司三年帳册,其實由頭到尾都冇諗住要申請破產點會有帳册呢?而且係無限公司咁呢個點算? 我打電話去約時間嘅時候 我同佢講公司冇帳册,佢話如果有稅單帶埋稅單過嚟,咁我就有稅單嘅咁样唔知過唔過到關呢?
发表于 9-6-2024 17:51:31 来自手机 | 显示全部楼层
hung2233 發表於 9-6-2024 17:39
唔該曬師兄嘅 回答謝謝 !依師兄咁睇我呢個情況 係唔係一定會開大會呢?如果債權人冇提出開大會係咪唔使 ...

唔知,開唔開大會睇債權人。無人提出=唔駛開,破署主任會跟噃
发表于 9-6-2024 17:56:27 来自手机 | 显示全部楼层
本帖最後由 Anmi2019 於 9-6-2024 17:59 編輯
hung2233 發表於 9-6-2024 17:44
補充多一样, 我本身係無限公司僱主 公司喺我申破時亦都同事辦理結業登記了, 26頁入面就話要提供公司三 ...

無帳簿,無出入數記錄咁憑咩數目去報稅?你有稅單就照交先,睇噃案例無留帳簿日後會上庭罰2千。記得交過咩自己影多份留底,日後萬一受託人話無咗記錄/被人問噃,都知自己交過寫過咩。
 楼主| 发表于 9-6-2024 18:25:51 来自手机 | 显示全部楼层
Anmi2019 發表於 9-6-2024 17:56
無帳簿,無出入數記錄咁憑咩數目去報稅?你有稅單就照交先,睇噃案例無留帳簿日後會上庭罰2千。記得交過咩 ...

唔該晒,c兄
发表于 10-6-2024 01:18:41 | 显示全部楼层
hung2233 發表於 9-6-2024 17:39
唔該曬師兄嘅 回答謝謝 !依師兄咁睇我呢個情況 係唔係一定會開大會呢?如果債權人冇提出開大會係咪唔使 ...

我估債權人實開,雖然唔知係以咩標準去決定,但我估欠債一定數目,斷估都會開。因為開大會意味着會搵兩大外判招呼你。


您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 16-11-2026 21:32 , Processed in 0.039667 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表