預備入學，好多問題，好多野要面對

tg207207

因為網賭，欠下一身債，數冚數，銀行，一二線扣底加埋130萬，每月要還既錢㔾經系月薪三倍，根本搞唔掂，想唔舉手都唔得。打算係到問清楚啲嘢過幾日就去三姓。

以下有啲問題，希望各師兄師姐比啲意見。謝謝！

先講下小小背景，本人40零歲，月入四萬幾，已婚有一子，因為網賭，周圍借貸，當自己每月入息唔夠嘅時候，就周圍借，數冚數，越碌越大。銀行，財務，同二三線，接近30間，沒有電話數。而家，因為想入學，呢份工都唔打算做，因為面對唔到公司啲人，已同老闆坦白。

問題一，使唔使轉電話？因為現在用緊的電話號碼，是公司的會計用佢名義開比我的，但我怕黑財會起到佢地址，變相害咗人。又有諗過如果換左電話，財務咪更加直接揾資詢人？連呢個咁簡單既問題我都未諗得掂！

問題二，我係二三線財務借貸時，都係比舊既地址證明，現在㔾搬上公屋，但水電煤單都係我名，佢哋會查到我新屋地址嗎？但銀行一線財個啲都有我新地址，例如邦人呀，x錢包個啲，不過聽講個啲追數手法相對温和，但係怕一線同二三線撞埋同一個收數公司，資料亙通！

問題三，我打算装cam，但公屋好似話唔得，有冇人知？同埋邊度有得買？

我都打算舉手後唔做嘢住，等收左正式領先，起碼叫做守住屋企。

問題四，會唔會有人問我點解欠咁多，我應該點講？冇理由講網賭掛，咁咪衰多樣？我都知系犯法，就係因為太方便，整死自己。

問題五，有爬文睇過講話可能要我攞翻所有銀行既月結單，因為網賭，我啲錢轉黎轉去一個月分分鐘成7.80萬，到時點解釋？

咁次真係死路一條，迫死自己！

想做返個人

我覺得唔洗諗咁多, 去舉左手先, 之後有問題先再慢慢拆

另外其實你唔洗講自己衰網賭, 你話賭錢就得啦, 就話過大海輸左

新手要入學

師兄，問題二、三答到你。
問題二: 你舉手要報地址，份呈請(即係臨時令)第一頁就已經show咗出嚟，當你fax/寄俾債主就會知你地址。

問題三: 我都係爬文，公屋裝cam，冇人投訴就可以

新手要入學

新手要入學 發表於 25-8-2023 10:01
師兄，問題二、三答到你。
問題二: 你舉手要報地址，份呈請(即係臨時令)第一頁就已經show咗出嚟，當你fax/ ...

鴨記平平地都買到cam

新手要入學

nakamura

樓主你又係俾果D網賭百家樂害死？

a981142

4萬幾比好多人都好,自己搞死自己

mirror0822

大把人網賭申破，d破產主任見慣晒可以照直講。

tg207207

新手要入學 發表於 25-8-2023 10:01
師兄，問題二、三答到你。
問題二: 你舉手要報地址，份呈請(即係臨時令)第一頁就已經show咗出嚟，當你fax/ ...

咁就死得，我純對唔會報新地址，舊地址我重有辦法收到信，咁樣得唔得，比個啲財仔知道我新地址重唔死得呀

tg207207

差人過百萬 發表於 25-8-2023 11:57
師兄 你幾多間二線。 一線財同銀行都唔怕 最怕二線。你太太有咩反應？  大家同道天涯淪落人。 ...

二線卄間左右，太太未知，打算過幾日講。

新手要入學

tg207207 發表於 25-8-2023 20:18
咁就死得，我純對唔會報新地址，舊地址我重有辦法收到信，咁樣得唔得，比個啲財仔知道我新地址重唔死得呀 ...

師兄，我都係搬咗屋先舉手，搬嗰陣都冇諗住申破…我係自己搵6c搞嘅，份呈請係有show地址…至於係咪個個一樣有地址show出嚟，同係咪報收到信嘅地址都得，我就唔清楚喇…

破定唔破

快d破 拿拿聲破，成個人會正面番哂，同開心哂 加輕鬆哂

nakamura

tg207207 發表於 25-8-2023 20:19
二線卄間左右，太太未知，打算過幾日講。

樓主你網賭乜嘢搞到欠咁多？

tg207207

新手要入學 發表於 25-8-2023 21:35
師兄，我都係搬咗屋先舉手，搬嗰陣都冇諗住申破…我係自己搵6c搞嘅，份呈請係有show地址…至於係咪個個一 ...

你意思係咪借錢時同現在地址唔一樣？咁你比舊地址既財仔有冇揾到你？

tg207207

都係決定用翻舊地址收信先

tg207207

等最後見破產主任先更新個地址