找回密码
 註冊
查看: 6489|回复: 24

追數一問

[复制链接]
发表于 26-7-2023 15:23:11 来自手机 | 显示全部楼层 |阅读模式
各位好,我想請教各位師兄,我搵破產公司幫我搞破產,上星期喺律師樓宣誓,7月24日出文件,有紅印嗰份,跟住佢地fax咗去啲財務公司,同埋一間幫安x追我數嘅收數公司,間收數公司馬生話我玩佢地,之前話還而家又唔還,不停話我玩佢地,仲話一定會搵人上我屋企,佢仲話發毒誓一定會有人上嚟,仲同我講咗幾次佢地做收數唔會驚啲警察,好似暗示話即使我報警都無用,我同佢講就算我有錢都唔可以還,佢話唔還就要受,我想問下,其實我而家係咪無乜嘢可以做,等破產令出,連報警都無用?
发表于 26-7-2023 15:57:22 来自手机 | 显示全部楼层
錄佢音跟住報警。
发表于 26-7-2023 15:58:39 来自手机 | 显示全部楼层
日日打去安x客服中心同佢講,講咩你自己安排啦
 楼主| 发表于 26-7-2023 16:15:22 来自手机 | 显示全部楼层
越吻越傷心 發表於 26-7-2023 15:57
錄佢音跟住報警。

其實我有錄音,錄到佢話會有人上屋企,但報警會受理?佢講到明唔驚警察
 楼主| 发表于 26-7-2023 16:16:28 来自手机 | 显示全部楼层
越吻越傷心 發表於 26-7-2023 15:58
日日打去安x客服中心同佢講,講咩你自己安排啦

師兄,可否比多啲提示要講乜嘢?
发表于 26-7-2023 17:17:18 | 显示全部楼层
send email加埋錄音比財仔, CC埋比比以下部門作出投訴:
(1)香港警務處牌照課放債人牌照組
(2)公司註冊處放債人註冊小組
(3)香港金融管理局

根據破產條例 - SECT 42 節錄 (1),(3)
對財產產權處置的限制
(1)凡任何人被判定破產,則該人在本條適用的期間內作出的任何財產產權處置均屬無效,但如該財產產權處置是或曾是在法院同意下作出的或事後經由或曾經經由法院追認的,則在該同意的或該追認的範圍內屬例外。
(3)本條適用於自提出要求作出破產令的呈請當日開始並以破產人的產業歸屬受託人為終止的期間。
发表于 26-7-2023 19:26:36 来自手机 | 显示全部楼层
咪同安仔講我破左,不過你哋有人上門追數,又話X丫Z,我現在好害怕,跟住叫高層再聽,重複又重複以上對話,我而家好驚,千祈唔好俾佢收線,日日都打,有時間又打
发表于 26-7-2023 20:09:04 | 显示全部楼层
我都有欠呢間,1線2線加埋15間,6月28日宣誓完,律師幫我通知,我就封哂佢地電話,之後我就日日 email比佢地,煩爆佢地,有3間 email 回覆話再滋擾佢地就報警,到現在只收到2封信放門口,寄信就頭1星期有,現在乜都冇,所以唔駛埋佢地,最緊要唔好聽和覆電話,唔駛驚
发表于 26-7-2023 20:12:44 来自手机 | 显示全部楼层
師兄 你唔洗理果d收數傻仔,一咪靠嚇!
 楼主| 发表于 26-7-2023 20:33:43 来自手机 | 显示全部楼层
iambroken 發表於 26-7-2023 17:17
send email加埋錄音比財仔, CC埋比比以下部門作出投訴:
(1)香港警務處牌照課放債人牌照組
(2)公司註冊處放 ...

多謝師兄回覆,其實我想問下,佢繼續上門追數係咪合法,因為有啲人又話佢地只要一上門拍門就已經犯法,但收數同安信都話未有破產令之前佢地係會繼續追數,而收數公司話我玩佢地話有得還又無還,仲搞破產,講到明一定有人上門。唉!其實我都唔想搞到破產呢一步,我比個男人害到好慘,2018年同個男人搞緊結婚,期間個男人叫我幫佢借錢,我當時有問佢點解佢唔去借,佢話因為結婚啲事已經借咗啲錢,所以我先會幫佢,仲用我名幫佢出咗部車,後來佢仲搞到我比人告話我盜用咗人地啲資料上車會,啲料係佢比我嘅,但因為我係車主結果要我受仲坐埋監,佢無再供部車,但欠下政府三萬幾蚊違例泊車罰款,當時我真係萬念俱灰,坐完監我改電話搬埋,希望有新開始,所以啲財務一直搵我唔到,但最近唔知點解佢地知道我老豆個地址,可能因為我啲稅單同銀行信係報老豆個地址所以搵到我,而我老豆將我電話同地址講咗比收數知,所以佢地先搵到我,唉!把心一橫搞破產。。。咁都好嘅,因為呢幾年都因為欠債同罰款嘅事而唔安落,搞破產總算有個了結,而家只係擔心收數搵上門,因為屋企長時間得我同BB喺度,我擔心會嚇親BB,我擔心佢地會有激烈行為,唔好意思,打咗咁長篇,希望都悶親各位
 楼主| 发表于 26-7-2023 20:35:43 来自手机 | 显示全部楼层
越吻越傷心 發表於 26-7-2023 19:26
咪同安仔講我破左,不過你哋有人上門追數,又話X丫Z,我現在好害怕,跟住叫高層再聽,重複又重複以上對話, ...

真係得?佢地會唔會告我滋擾
 楼主| 发表于 26-7-2023 20:39:43 来自手机 | 显示全部楼层
daniel116442 發表於 26-7-2023 20:09
我都有欠呢間,1線2線加埋15間,6月28日宣誓完,律師幫我通知,我就封哂佢地電話,之後我就日日 email比佢 ...

咁你安x有無覆你啲乜嘢?因為我條數已經交咗比收數公司跟,而我都有打過去安信,安信話未有破產令之前都會繼續追數喎,有嗰張臨時頒佈令係無用。。。
发表于 26-7-2023 20:45:05 | 显示全部楼层
SHYM 發表於 26-7-2023 20:39
咁你安x有無覆你啲乜嘢?因為我條數已經交咗比收數公司跟,而我都有打過去安信,安信話未有破產令之前都 ...

佢地大你,想你還錢,間間財仔都係咁,知你攪破產,會用盡辦法要你還錢,總之電話,訊息,唔駛覆唔駛聽,咁佢地就冇機會嚇你
发表于 26-7-2023 21:43:42 来自手机 | 显示全部楼层
SHYM 發表於 26-7-2023 20:39
咁你安x有無覆你啲乜嘢?因為我條數已經交咗比收數公司跟,而我都有打過去安信,安信話未有破產令之前都 ...

真係唔駛驚佢地最多上門拍門放地追數信,你一頒令冇耐就會停手,你有工作都可能要上繳比主任或外判去還錢比債權人,只不過收數如果追到你條數未多的收入。你估佢得你一個債仔追數,你又唔係欠非法放數,唔駛太擔心佢地的收數。
发表于 26-7-2023 21:53:16 来自手机 | 显示全部楼层
SHYM 發表於 26-7-2023 16:15
其實我有錄音,錄到佢話會有人上屋企,但報警會受理?佢講到明唔驚警察 ...

佢地上門口唔做犯法野當然唔怕警察,因為警察冇冇得做野只有叫佢哋離開,所以你怕未唔好亂咁應門。你借左錢冇還係事實,佢地追你還錢都冇辦法,只要佢地冇做刑事罪行都冇事。你最好等領令後再騷擾你就去警察放債人牌照科報案話收到收數公司騷擾
发表于 27-7-2023 08:53:37 | 显示全部楼层
SHYM 發表於 26-7-2023 20:33
多謝師兄回覆,其實我想問下,佢繼續上門追數係咪合法,因為有啲人又話佢地只要一上門拍門就已經犯法,但 ...

我唔知你住公屋定私樓啦
首先佢無得業主同意就係非法闖私人地方:可能干犯遊蕩罪,最高可判監2年
如果懷疑有不軌企圖或甚至前來「踩線」,可能被控企圖爆竊,最高刑罰為入獄3年
闖入時毀壞門鎖或鐵閘,亦可被控以刑事毀壞罪, 最高可判監10年。

全部都其實報得警,唔好聽警察話咩頒令前追數係合法,佢地唔想做野啫
最緊要有証據,所以建議你買CAM裝門口
 楼主| 发表于 27-7-2023 10:59:18 来自手机 | 显示全部楼层
多謝各位師兄意見,唉!我而家真係擔心佢地上嚟,我今日都會裝個CAM喺門口,我想問下宣誓後最快幾耐有破產令?我同老公商量過,佢話去住酒店先,如果我暫住酒店兩個星期夠唔夠?
发表于 27-7-2023 11:32:16 | 显示全部楼层
本帖最後由 iambroken 於 27-7-2023 11:39 編輯
SHYM 發表於 27-7-2023 10:59
多謝各位師兄意見,唉!我而家真係擔心佢地上嚟,我今日都會裝個CAM喺門口,我想問下宣誓後最快幾耐有破產 ...

6星期左右頒令,實物就再等多排先有
住乜鬼酒店丫.慳返啲錢啦
同樓下看更單聲唔好放人入嚟 ,拍片報警仲好
发表于 27-7-2023 12:10:23 来自手机 | 显示全部楼层
SHYM 發表於 27-7-2023 10:59
多謝各位師兄意見,唉!我而家真係擔心佢地上嚟,我今日都會裝個CAM喺門口,我想問下宣誓後最快幾耐有破產 ...

你冇借二三線扣底財仔同大耳窿駛鬼搬屋,佢地唔會做得太過火,佢地都係打工只係做的野交差
 楼主| 发表于 27-7-2023 12:59:39 来自手机 | 显示全部楼层
iambroken 發表於 27-7-2023 11:32
6星期左右頒令,實物就再等多排先有
住乜鬼酒店丫.慳返啲錢啦
同樓下看更單聲唔好放人入嚟 ,拍片報警仲好 ...

我本身租私樓住,已同樓下保安單聲,師兄我想問下,你話實物要等下先有,你意思指文件?另外,係咪頒令嗰日會有另一個no.比我?到時係咪唔洗等實物都可以通知啲追數已頒令,咁佢地唔可以再追?
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 19-11-2026 07:36 , Processed in 0.037836 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表