|
|
发表于 13-5-2023 04:25:12
|
显示全部楼层
本帖最後由 Anmi2019 於 13-5-2023 04:53 編輯
受託人查冊到破產人報住個地址係由配偶名幾時已買, 就會要求配偶提交証明去證實佢對層樓從來無付出過錢先得. 真係釘契就唔會, 可能屈佢畀2至3萬啦. 有案例係跟李周, 層樓由未拍拖時嘅老公同奶奶已買, 破產人婚後先入住, 李周話佢雖然無畀過錢供樓, 但有理由懷疑佢有幫手交水電煤, 對層樓有貢獻過, 屈佢要畀2萬幾.
你先搵吓以下記錄:
1. 當年買樓記錄, 例如而你名開嘅支票, 上律師樓簽賣買時多數開票, 試吓問律師樓有無留底存檔.
2. 由你銀行戶口轉帳每月供款, 近幾年幾期交嘅水電煤, 管理費...... 嘅交易記錄. 搵到幾多就幾多, 再喺空白位置寫清楚喺咩嚟(如交乜費乜費).
之後搵張白紙先寫清楚破產人個名XXX, 破產檔案號碼(佢個no.) , 下面就開始寫由買樓至依家嘅流程. 如層樓幾時由你畀幾多錢首期去買, 之後每月由你銀行戶口轉帳幾多錢去供, 幾多錢交乜費乜費......
最後要寫特此聲明破產人XXX 由本人XXX幾時買樓至今(2023年X月X日)從未為此物業作出一切/任何有關金錢上之付出.
本人姓名(你個名):
簽名:
本人聯絡電話號碼:
日期:
記住你所寫嘅任何嘢都屬於聲明/供詞, 有法律效力, 唔好作嘢, 畀破署/受託人查到作/假, 佢可以告你. 仲有你現時人工幾多, 足唔足夠証明到你而個人財力去供樓同交乜費乜費.
|
|