追數問題!

joyi28

各位好!我係破聯睇佐好多資料,加上比啲財仔日日追數,
終於下定决心係上星期五慍律師搞破產了!
搞到咁只好怪自己不善理財,又唔想父母擔心唯有行這條路!
不過好多師兄都話一日未上庭頒令,啲財仔都會照追數,
因我欠邦人兩期數怕會搵人上門收,真係唔知點算!

lok196305

你呈請後會有個No,叫你律師FAX俾所有欠債銀及財務公司就ok.如果佢地仲追數可投訴佢地.

msn9043

電話要聽,千祺唔要同銀仔及財仔"妥協",好快從見天日啦!

lok196305

原帖由 msn9814 於 2009-8-25 09:10 發表
電話要聽,千祺唔要同銀仔及財仔"妥協",好快從見天日啦!

無錯.不過呈請後銀行基本唔追,細間財務未頒聆前有機會仲追架,你唔使理佢.

雲佬

明{:3_44:}

301

邦人如果知你呈請左,
絕對唔會追數上門.

(唔好話我話既)


現今追數行為真係文明左好多,
當然係指正規財仔及銀行啦.

*祇要看本聯盟既債主臨門,
今年比較,每月比每月水靜河飛就知.

事實上,
現世代銀行及財仔已學精左,學乖左,
一句講晒:為免損將來自已收益(攤還債款).
尤其知破產者仍有工作或資產(如公積金等).
幾乎以禮相待添.
但不排除細小之財仔急功近利,
在你頒令前盡量刮你.

我破解後已若干年,
之後亦協辦過親人同事等申破.
追數公司質數比以前亦提高很多.

我破解後,從環聯報告才得知:
我眾多共二十幾個債權人內,
祇有幾個獲得我四年內之扣款.
其他仍然懸空成撇賬戶口.
(大家唔好o甘天真,以為平均分派喇,
試想想如果平均分配,會嘥幾多資源及時間).
法例規定債權人對攤派債款不得異議或上訴,

所以債權人絕不能得罪破產管理處,
債務人如受追數之辱,
應紀錄下稍後報告主任知.

正所謂:唔打無把握既仗,
收數者已知破產者已呈請,
仲浪費車錢時間來找你為乜.
(收數公司可能已不接來做)

其實上門收數者仲驚過你,
怕你發窮惡也.

(而家財仔好多行呢路:軟硬兼施,勸你和解及取消申請破產),
游說你續供期數或有優惠,
中唔中計你自己決定咯.


:lol

joyi28

多謝各位寶貴意見!
唯有頂到上庭頒令!