找回密码
 註冊
查看: 4785|回复: 33

請教:剩返一年先來比外判話我爭佢哋八萬幾供款⋯⋯

[复制链接]
发表于 15-1-2022 06:09:15 来自手机 | 显示全部楼层 |阅读模式
外判咗王+石,本來一路都係做銀行工搵四五萬,但因為失業,18年11尾申破。外判批收人19k支出19.5k,唔需要供款,淨係要每年交年報。

上年11月佢哋話我爭佢哋八萬幾供款冇供過,一向跟我case個人走咗。之前幾年報表嘅總收入同總支出啱啱打個和,當中有時失業,有時搵多過19k。尤其是上年7月返新工後,人工雖然2萬幾,但要交返之前啲欠租。21年拉上補下break個even。

徵詢過破產管理署嘅意見後,我寫咗封email同好多supporting document去,話我有心解決件事,不過八萬幾真係供唔起 (因為管理處叫我點都還一兩三萬,等啲外判有數交差,否則佢哋會玩嘢)。之後佢哋打返嚟話我啲數好亂,約我下個禮拜要上佢哋Office度傾。同時間我喺電話度話俾佢哋知因為我住緊嘅套房俾業主逼遷,早兩日要搵地方搬,簽咗約,租金比之前貴咗約4k,就係我人工多咗嗰4k。我亦有解釋,基於人身安全理由,我一個女仔唔可以再住劏房。佢哋知道我已經簽咗新租約,相信會喺個meeting傾埋。我預備到時錄音,佢哋成日唔認數,費事口同鼻拗。

出post前爬文先知道原來一直以來外判都係用月/季結,但係我邊有可能喺呢11個月內還八萬幾?再者,多出嚟嘅人工我都冇得點淨,交完欠租仲有電話欠費⋯⋯

請各位師兄俾啲意見!
发表于 15-1-2022 08:25:40 | 显示全部楼层
1. 3年欠8萬幾,每月平均2千幾,失業/人工多過佢批嘅19.5k時有無即時通知石仔? 雙糧花紅有無上繳過?
2. 唔理你年報填到條數有幾靚,總之每月收入多過佢批生活費個數就要上繳,除非你有要求增加生活費。你仲要未得佢同意批准前私自租貴咗,根本自己做蟲。
到時上去識衰仔,唔好拗咁多,如果8萬幾肯減到1半(可能性好低)/唔加你時,夠期後還清哂d數就算,都當贏喇。
发表于 15-1-2022 16:49:39 | 显示全部楼层
8月限期還哂, 還唔哂加監 {:4_176:}
发表于 16-1-2022 10:25:45 来自手机 | 显示全部楼层
石仔真係最仆街係呢樣,出曬名
 楼主| 发表于 16-1-2022 13:52:41 来自手机 | 显示全部楼层
Anmi2019 發表於 15-1-2022 08:25
1. 3年欠8萬幾,每月平均2千幾,失業/人工多過佢批嘅19.5k時有無即時通知石仔? 雙糧花紅有無上繳過?
2. 唔 ...

唔好意思,睇返啲文件,原來外判係20年中先批嘅19.5k,但佢嗰八萬幾係有包括20年中之前嘅數。

1.  失業冇通知,收入自批後冇多過,直至上年六月返新工。有打電話通知外判,佢當時仲話多咗4k啫,11月年報交返齊文件就得(就係呢個人已經走咗,而家冇人認頭)。冇派過雙糧花紅,不過政府前年派嗰一萬蚊冇上繳。

2. 因為我問過人話外判冇權唔俾我搬,只要通知返佢哋就得。

如原post,多咗收入嘅時候必要嘅支出亦都多咗,例如欠租,咁嗰八萬幾唔係自己落晒袋喎,咁野蠻嘅咩?

請問多唔多師兄加監?加係咪又四年?如果上庭呢?
发表于 16-1-2022 21:27:51 来自手机 | 显示全部楼层
Cynonll 發表於 16-1-2022 13:52
唔好意思,睇返啲文件,原來外判係20年中先批嘅19.5k,但佢嗰八萬幾係有包括20年中之前嘅數。

1.  失業 ...

一早講過啦
唔好俾人入位
加人工要出聲、想保留就要申請
唔可以自己袋
政府津貼都係
(我4年真係好乖,就算朋友借俾我我都上報,畢業時順利畢業,只會多入錢唔會少入)
 楼主| 发表于 16-1-2022 23:12:26 来自手机 | 显示全部楼层
阿三妹妹 發表於 16-1-2022 21:27
一早講過啦
唔好俾人入位
加人工要出聲、想保留就要申請

我都話我有打電話俾外判講話我轉工加咗人工,然後佢話 “4千蚊到啫,扣埋MPF差唔多,你年尾年報時記住交番齊啲文件” 但而家呢個人離咗職,冇人認頭
发表于 17-1-2022 00:53:31 来自手机 | 显示全部楼层
我都喺臨畢業前4個月石仔先嚟玩嘢,呢間嘢真喺好 貝戔!
发表于 17-1-2022 07:46:45 来自手机 | 显示全部楼层
我而家呢度剛剛出左12K花紅,起初諗住留起用左先講,但見各位咁多後果,怕且都係唔用
发表于 17-1-2022 07:51:03 来自手机 | 显示全部楼层
同埋我都諗住問石仔可否留部分自用,睇佢批唔批
发表于 17-1-2022 07:56:01 来自手机 | 显示全部楼层
Cynonll 發表於 16-1-2022 13:52
唔好意思,睇返啲文件,原來外判係20年中先批嘅19.5k,但佢嗰八萬幾係有包括20年中之前嘅數。

1.  失業 ...

1. 照你咁講真係唔咁數喎,21年6月先開始多4k(當要你上繳),7個月×4k=28k,再加政府1萬都係38k,何來8萬幾呢?你最好帶齊銀行記錄、當時填過果張#每月收支表、佢批你生活費簽果張紙同3份已交年報(有關文件帶多好過帶少),到時同佢對清楚啦。

2. 外判係無權唔畀你搬,但有權限制你用幾多錢去搬。你依家好明顯就加咗人工果4k去搵樓,唔好當外判蠢,按金+上期最少已經比以前用多咗8k,到你畢業後唔租時會退噃畀你,可以自己袋,佢實炸型,自己諗好點解話。

3. 邊個話收入多咗支出就一定會多咗? 想增加生活費要同受託人申請r㗎,想賺幾多駛幾多? 你好似忘記咗破梗產喎。失業而欠租係你問題,佢係唔會理,你當時失業都無通知佢,應該都無提出過之後如有收入點填噃d租啦。

4. 真正加監/加期要上庭等官判,只要你還噃欠款(可分期)就無事啦。
发表于 17-1-2022 08:03:38 来自手机 | 显示全部楼层
Cynonll 發表於 16-1-2022 23:12
我都話我有打電話俾外判講話我轉工加咗人工,然後佢話 “4千蚊到啫,扣埋MPF差唔多,你年尾年報時記住交 ...

唉… 口講無憑呀,4千扣完mpf都仲有3千8,條友講就豪,當時你又無寫噃張紙過去做証明啦?
发表于 17-1-2022 08:07:05 来自手机 | 显示全部楼层
sosadnow 發表於 17-1-2022 07:51
同埋我都諗住問石仔可否留部分自用,睇佢批唔批

梗係問咗r咗先,55/64/73都好,之後記得補噃張紙過去話批咗幾多呀
 楼主| 发表于 17-1-2022 20:21:54 来自手机 | 显示全部楼层
wai3330 發表於 17-1-2022 00:53
我都喺臨畢業前4個月石仔先嚟玩嘢,呢間嘢真喺好 貝戔!

可唔可以share多啲?佢哋點玩嘢?後尾點?
发表于 17-1-2022 20:30:01 | 显示全部楼层
唔順氣, 去出傳票駁回佢, 反對佢話你欠8萬囉{:4_176:}
 楼主| 发表于 17-1-2022 21:10:15 来自手机 | 显示全部楼层
Anmi2019 發表於 17-1-2022 07:56
1. 照你咁講真係唔咁數喎,21年6月先開始多4k(當要你上繳),7個月×4k=28k,再加政府1萬都係38k,何來8萬 ...

之前已經問咗佢哋話八萬幾由呢幾個月得出嚟:
11 12月2018,3 8 10月2019,6-8月2020,6-8月 2021

我已經 Print番晒呢三年嚟嘅銀行statement,圈晒所有入息(人工加政府津貼),但都計唔到條數。兩三萬我預咗,但絕對冇可能八萬幾。另外, 19K呢個入息佢哋喺二零年批㗎,但八萬幾係包括埋20年前嘅數,有冇得傾?因為批19K嘅時候佢哋出埋信confirm我每月供款 $0。

已經同佢哋講咗新屋兩個月按金係朋友借,所以舊屋退咗按金要俾返我呢個朋友。朋友簽名嘅兩按一上支票我影低咗個copy。

譬如我上年因為新入職,所以六月人工係七月出,七月人工又係七月出,外判就當我七月嘅四萬幾收入有兩萬幾需要上繳。呢個case,我有公司糧單證明,可唔可以傾得返呢四萬幾其實有兩萬幾係屬於六月?
 楼主| 发表于 17-1-2022 21:15:53 来自手机 | 显示全部楼层
Anmi2019 發表於 17-1-2022 08:03
唉… 口講無憑呀,4千扣完mpf都仲有3千8,條友講就豪,當時你又無寫噃張紙過去做証明啦? ...

乜嘢都冇證明,因為冇expect 會咁….

當最壞打算, 八萬幾冇得減,係咪只要我同佢哋傾得掂分期幾耐可以清晒就OK? 另外本身我而家人工多咗,點都要上繳 ,咁上繳嘅錢係咪會扣翻嗰八萬幾,定還是上繳還上繳,八萬幾要另外自己供?
 楼主| 发表于 17-1-2022 21:54:45 来自手机 | 显示全部楼层
欠一百萬 發表於 17-1-2022 20:30
唔順氣, 去出傳票駁回佢, 反對佢話你欠8萬囉

我真係有諗過,但問破產管理署之前主任嘅意見,佢話冇未見過有人會為咗八萬幾上庭,佢對上嗰隻case係為咗500萬花紅先上庭…
发表于 17-1-2022 22:41:29 | 显示全部楼层
Cynonll 發表於 17-1-2022 21:15
乜嘢都冇證明,因為冇expect 會咁….

當最壞打算, 八萬幾冇得減,係咪只要我同佢哋傾得掂分期幾耐可以 ...

上繳還上繳, 8萬係欠款, 兩條數.

傾好左就依時還夠數, 唔好再生枝節, 到時唔夠數, 佢唔找你, 直接反對你, 得個搞字.
发表于 17-1-2022 22:42:34 | 显示全部楼层
Cynonll 發表於 17-1-2022 21:54
我真係有諗過,但問破產管理署之前主任嘅意見,佢話冇未見過有人會為咗八萬幾上庭,佢對上嗰隻case係為咗 ...

隔離POST , 同學還十萬添啦 {:4_179:}
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 21-11-2026 11:33 , Processed in 0.038637 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表