找回密码
 註冊
查看: 2369|回复: 10

咁既情況 應唔應該入學?

[复制链接]
发表于 22-4-2021 21:53:05 | 显示全部楼层 |阅读模式
本帖最後由 comeonjames886 於 22-4-2021 21:58 編輯

自從幾個月前 因為無左份工同埋借無可借就自此無還過 同埋走數但係今日突然意識到咁樣走數落去唔係辦法 希望各位指點一下
走之前我同屋企人搬左 同埋轉埋電話 暫時都無事
但係呢幾日我發現原來之前住個到一個星期比人貼幾次大字報 先意識到問題嚴重性
係咪入左學之後就唔會再有呢d情況發生?我借個d全部都係有牌財務公司
我意識到如果未來想係香港正正常常生活落去 入學先係最好辦法,咁樣走落去都無用
本來以為走開幾年再返黎就無問題 但係好似係我太天真
其實而家我只係想係香港安安定定咁生活   唔想日日擔驚受怕
一共借左3x萬左右 分開好多間細財同大財  所以邊個上門邊個無上我都唔清楚了
我真係好後悔以前自己亂咁借錢 唔怕死 覺得借完先算 到時先算咁 結果而家一個月要還4-5萬
明明自己人工先得萬幾   因為好多細財分得幾個月 谷大左條供款額
可能入學4年 先可以改過自身, 但係我對入學都仲有好多疑問同擔心 所以開post問問各位師兄師姐
1.入左學之後   係咪所有持牌既財務公司都唔可以再追數?
2.假設間財務公司賣左條數出去比d無牌既追數公司 咁破產有無用?
3.生活費大約可以批到幾多 同屋企人住 同埋  我屋企人仲做緊野?
4.以前讀書個陣有借學貸   咁仲要唔要還?我上網睇過話會追彌償人 但係佢都破左產   咁仲要唔要還?
5.破左產有d咩做得有d咩唔做得?係咪破左就唔會再有財務公司搵我   唔會再比人追債
6.我見有會計師樓話收錢幫人砌個生活費表同搞破產,話會砌到收入=支出  每個月唔洗比錢d外判  係咪伏黎?7.同埋我聽人講話咩 你申請破產   破產處會公佈你d個人資料出黎  比人睇   例如你個名地址電話身份證之類
想問問係咪真,如果係真   咁我轉左地址同電話咪白費?
8.如果我破產前轉左電話地址   咁我申請破產用舊地址定新地址好?如果我申請破產個陣用新地址,d財務公司會唔會有辦法知道?
唔該曬各位師兄師姐

p.s唔知我上面講既野有無犯版規   如有的話 多多見諒




发表于 23-4-2021 00:03:18 来自手机 | 显示全部楼层
問得好.有D我都想知
发表于 23-4-2021 00:44:59 | 显示全部楼层
1. 成功頒令後,你所有報咗落呈請書度嘅債權人(黑財/電話數唔計),都唔可以再追。
2. 如果間間都咁樣講又追到,咁破嚟真係無用。無牌=唔合法,搵差佬搞掂佢哋。
3. 單身失業基本批到4千幾~5千,在職就再+租金水電煤÷有工作嘅屋企人數。詳情自己再爬吓其他有關生活費嘅文。
4. 唔清楚,不過欠政府錢一定會要你還清。
5. 你想做d咩先?
6. 你都識講條數係砌出嚟,批幾多上繳幾多,都要等受託人決定。基於私隱權,只會公佈你全名同身份證號碼頭4個字,另外畀錢喺破署查果d,唔清楚會睇到咩。
7. 申請破產要用新地址(要夾噃你報生活費嘅單據)+聯絡到你嘅電話號碼。財仔多數經電訊商/保險佬收賣你d料,唔想畀人搵到你,咪搵其他人幫你開個新囉。
 楼主| 发表于 23-4-2021 01:16:05 | 显示全部楼层
Anmi2019 發表於 23-4-2021 00:44
1. 成功頒令後,你所有報咗落呈請書度嘅債權人(黑財/電話數唔計),都唔可以再追。
2. 如果間間都咁樣講又追 ...

1.請問黑財係指咩?扣底但係有放債人牌照算唔算黑財
4.咁我破產期間都要還比政府?成件事好奇怪
5.以前聽講話去旅行唔得 搭的屎唔得 呢樣唔買得 個樣又唔做得咁..
6.哇 如果比錢可以係破產管理處查到我新地址,而我又未正式頒令 咁咪..
7.申請破產個陣咁快就要報生活費?其實水電個d唔係我名 電話用儲值卡 銀行都係舊地址

唔該曬師兄回覆
发表于 23-4-2021 02:18:16 | 显示全部楼层
1. 黑財=扣底, 借1萬, 實收得7,8千.
4. 破產都要交稅啦, 你報埋條數落去, 我估債權人會幫你安排點還. 之前有同學問過依個問題, 要搵搵佢個post.
5. 申報有人請, 唔係你出錢去咪飛得囉. 另外無人咁得閒每日跟你行蹤, 要買嘢咪現兜兜囉. 入去https://www.oro.gov.hk/cht/publications/bankguide.htm 睇咗破產簡介先.
6. 入去 https://www.gov.hk/tc/business/r ... ptcy/compulsory.htm 畀80蚊, 睇吓睇到咩;P
7. 入去 https://www.oro.gov.hk/cht/publications/debtor.htm#2 下載28c(申請入學就要填), 睇吓P.11~G表~經濟能力說明書先. 只要你報住喺果度, D開支單唔係你名, 都報得.
发表于 23-4-2021 03:24:19 | 显示全部楼层
本帖最後由 欠一百萬 於 23-4-2021 03:39 編輯
comeonjames886 發表於 23-4-2021 01:16
1.請問黑財係指咩?扣底但係有放債人牌照算唔算黑財
4.咁我破產期間都要還比政府?成件事好奇怪
5.以前聽講 ...

破產案係高等法院CASE, 你的債權人有好多途徑可以得知你的資料. 就算街外人都可以知, 如果唔係, 破產後點解會收到顧問公司信搵食., 話幫你填年報, 幫你拎不反對信.

16.
破產令的刊登
每項破產令的公告,均須述明債務人的姓名、地址及描述、破產令的日期及呈請的日期,並由破產管理署署長在憲報刊登。
 楼主| 发表于 23-4-2021 11:46:11 | 显示全部楼层
Anmi2019 發表於 23-4-2021 02:18
1. 黑財=扣底, 借1萬, 實收得7,8千.
4. 破產都要交稅啦, 你報埋條數落去, 我估債權人會幫你安排點還. 之前 ...

1.黑財破左會照追?但係佢有牌 ga wor ...因為我有1間係扣底
 楼主| 发表于 23-4-2021 11:47:36 | 显示全部楼层
欠一百萬 發表於 23-4-2021 03:24
破產案係高等法院CASE, 你的債權人有好多途徑可以得知你的資料. 就算街外人都可以知, 如果唔係, 破產後點 ...

wa...咁咪全世界都知道你住邊..呢個係頒左令之後先會公佈?
咁頒左令之後佢都唔可以追la..咁公佈個地址應該安全?
 楼主| 发表于 23-4-2021 12:40:05 | 显示全部楼层
頭先上網研究過,我就算破產都唔可以用新既屋企地址黎申請破產
我驚d財仔知道新地址之後會瘋狂上門 咁就好麻煩 我同屋企人搬都係想避開佢地追數
可能會用住舊地址黎申請破產先,然後申請一個迷你倉信箱同郵政轉遞黎收信 咁破產處寄過黎既信就去左迷你倉
咁我就唔洗用新地址申請破產 避免比d財仔知道我新地址..因為我驚就算頒左令 d財仔唔順氣 知道我新地址都照搞我就麻煩
(我追返以前dpost見到話 債權人(財仔)會知道你最新既資料咁 例如電話地址之類..唔知係咪真)
不過係怕生活費批唔到租金比我 因為我同屋企人住 但係又唔可以報屋企人地址..
唉好麻煩 好後悔點解會搞到咁..
想問問咁樣行唔行得通 唔該大家
发表于 23-4-2021 20:33:22 来自手机 | 显示全部楼层
欠一百萬 發表於 23-4-2021 03:24
破產案係高等法院CASE, 你的債權人有好多途徑可以得知你的資料. 就算街外人都可以知, 如果唔係, 破產後點 ...

破條16. 係咁寫,但依家登報/政府份憲報已經唔會登埋地址喇
 楼主| 发表于 23-4-2021 22:31:27 | 显示全部楼层
Anmi2019 發表於 23-4-2021 20:33
破條16. 係咁寫,但依家登報/政府份憲報已經唔會登埋地址喇

唉 到時先算
暫時都係打算用舊地址申請破產先
跟住頒左令就將通訊地址轉去迷你倉信箱
100%唔好搞到屋企人
等陣d財仔唔gur 破左都照搞我就麻煩
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 21-11-2026 04:25 , Processed in 0.034662 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表