保險問題一問

錯誤決定 · 發表於 5-3-2021 21:10:49

本人剛入學2020年12月正式頒令，但我有一份類似係意外保險，每月供$400，份保險條款係當我供完10年後就吾洗供，到第15年就可以拎返100年供左既錢，因為本人正常供到2022年(現時太太每月用佢既pps幫我交)但拎到錢就要等到2027，咁我入學時就冇申報，因為當時律師話破產期內冇錢拎到就冇問題，想問下大家清吾清楚?會吾會有問題?

欠一百萬 · 發表於 5-3-2021 21:16:58

[到第15年就可以拎返100年供左既錢]

錯誤決定 · 發表於 6-3-2021 00:03:21

sorry 打錯，應該係第15年就可以拎返之前供左10年既錢

欠一百萬 · 發表於 6-3-2021 00:31:41

錯誤決定發表於 6-3-2021 00:03
sorry 打錯，應該係第15年就可以拎返之前供左10年既錢

你份保單詳細條款係點, 你再睇清楚. 我覺得你呢D係每年派紅利的保單. 而且係儲蓄保險. 並非一份簡單鈍意外保險(有意外發生就會賠, 無事就年年付保費, 無錢取回) .

好簡單, 你份保單供左幾耐? 你問一下你個agent, 結束保單有冇錢比返你就知.

Anmi2019 · 發表於 6-3-2021 15:12:38

份保應該有每年派紅利，你可以睇噃最近期寄畀你份結算表，有無寫可贖回價值係幾多。如有寫贖回價值，依個價值就屬於你破產期內嘅資產，唔理你邊個畀錢供，受託人都會充公。

Anmi2019 · 發表於 6-3-2021 15:14:40

咁你無報，受託人查唔查到就另一個問題喇

錯誤決定 · 發表於 10-3-2021 03:38:55

份保單冇紅利的，每年完結亦沒有錢俾返我，只係講供夠10年後就吾洗再供，而且等多5年後就可以拎返之前10年供既款項。其實簡單問句，我們有保單係身，佢地點都會查得到是嗎？如果最後點都會充公或要求我取消，咁我就吾繼續供

ccwa · 發表於 10-3-2021 03:54:12

咁你宜家供左幾多年？就當佢check唔到先，但前提下4年內大吉利是要claim $ 出黎D$依然係充公，除非你唸住自己白供呢4年仲要係你自己生活費入面暗啞底咁俾。但check唔check到要問下其他同學意見，但如果我係你我會揀cut左佢

錯誤決定 · 發表於 10-3-2021 04:03:25

ccwa 發表於 10-3-2021 03:54
咁你宜家供左幾多年？就當佢check唔到先，但前提下4年內大吉利是要claim $ 出黎D$依然係充公，除非你唸住自 ...

因為我已經供左8年幾，其實仲有年幾就供完，但因供完仲要等多5年先拎到本金，而理論上到時都已經解破，所以我先有咁既諗法繼續供埋去，而事不離實我破產期內真你吾會收到任何金錢

欠一百萬 · 發表於 10-3-2021 04:11:57

本帖最後由欠一百萬於 10-3-2021 04:22 編輯

錯誤決定發表於 10-3-2021 04:03
因為我已經供左8年幾，其實仲有年幾就供完，但因供完仲要等多5年先拎到本金，而理論上到時都已經解破，所 ...

咁即係你份單有現金價值囉.

你問清楚你個保險經記. 10年後唔駛再供, 咁11年至15年用咩來支付你份保單呀. 呢5年點樣仍然受保障?我覺得唔會有保險係不用付費依然受保障.

錯誤決定 · 發表於 10-3-2021 04:41:39

欠一百萬發表於 10-3-2021 04:11
咁即係你份單有現金價值囉.

其實呢份保單係係銀行職員推銷我買，都冇話有咩經紀之分，咁其實係咪應該要取消左去呢？

錯誤決定 · 發表於 10-3-2021 04:44:08

欠一百萬發表於 10-3-2021 04:11
咁即係你份單有現金價值囉.

其實呢份保險係銀行職員sell我既，所以我都吾記得係邊個職員，都冇話咩經紀之分，其實係咪取消左去會好d呢？最大問題係我破前都有差呢間銀行錢，係咪一定會查到呢？

欠一百萬 · 發表於 10-3-2021 05:00:50

錯誤決定發表於 10-3-2021 04:44
其實呢份保險係銀行職員sell我既，所以我都吾記得係邊個職員，都冇話咩經紀之分，其實係咪取消左去會好d ...

你現在點取消保單呀? 你取消會有錢退回? 你所有資產都歸受托人管啦. 你連上報都無報其實已是隱瞞了.

三思而後行.

錯誤決定 · 發表於 10-3-2021 21:54:08

欠一百萬發表於 10-3-2021 05:00
你現在點取消保單呀? 你取消會有錢退回? 你所有資產都歸受托人管啦. 你連上報都無報其實已是隱瞞了.

三 ...

因當時律師講話冇現金價值，所以一心單純地諗破產期內真係唔會有錢拎返，咁講而家咪兩頭吾到岸

Anmi2019 · 發表於 11-3-2021 00:09:53

你有無拎噃份每年結算表睇?

Anmi2019 · 發表於 11-3-2021 00:33:09

我果時份保險同你差唔多，之前每年完結都無錢派，話第十年之後唔駛畀錢供，再過幾年之後先可以拎噃幾多錢…… 因我差唔多到第十年前(好似差2，3個月)諗住離開香港，所以搵咗經紀問，佢覆我可以拎噃約全部供款嘅8成。所以我先覺得你份保險係屬於有紅利/現金價值。

Anmi2019 · 發表於 11-3-2021 00:45:32

銀行職員sell，授保公司唔一定係噃果間銀行。你先照百萬師兄教，聯絡相關保險公司(睇噃年結表)先，問佢如果想取消保單可以拎噃幾多錢。如果佢答你無錢拎，你咪停供囉。如果佢答可以拎噃幾多，你當得個知字。

Anmi2019 · 發表於 11-3-2021 00:47:48

萬一查到，律師都教咗你啦

錯誤決定 · 發表於 12-3-2021 03:35:23

Anmi2019 發表於 11-3-2021 00:45
銀行職員sell，授保公司唔一定係噃果間銀行。你先照百萬師兄教，聯絡相關保險公司(睇噃年結表)先，問佢如果 ...

我睇過喇，如果第9年未到就取消就冇錢可以拎，到左第9年先取消就有7成錢拎返（但我仲有幾個月先夠9年），咁係咪要而家取消左去呢？

錯誤決定 · 發表於 12-3-2021 03:36:01

Anmi2019 發表於 11-3-2021 00:47
萬一查到，律師都教咗你啦

我已經冇律師跟了

		自動登錄	找回密碼
密碼			註冊