找回密码
 註冊
查看: 3407|回复: 10

家人幫手還左40萬,唔洗破產。洗心革面做人

[复制链接]
发表于 24-11-2019 17:30:42 来自手机 | 显示全部楼层 |阅读模式
係15年,果陣唔諗係咁借。家人知道左。幫我還左40萬。。兩年後。自己又心痕,又走去借。結果家人又幫我還左30萬。。到今日幾日前既事。終於爆煲。家人到最後知道。家人知道當然傷心。已經係第三次。。本來想破產,但家人話唔想我拿住破產個名,所以將層樓按左比銀行,層樓之前已經按左2百萬,而家按上按。到最後決定賣樓來幫我清左個loan。。當初我踏入去財仔時心已經知道再借一定又會欠幾廿個。但最後都係借左。之後就越踩越深。扣底既,銀行既,電話既,都借雲曬。。人工20000差不多拿來還錢都唔夠比。。大家都知佢地係半個月一次。當您一間交2000。一個月都要交4000。我最後借左20間財仔。。根本無能力還。。前兩日,家人拿左果50萬係旺角係咁派。。自己睇見到心痛。Aexx借90000 Ux80000。仲有其他既唔講。有時會諗點解我衰到咁家人都唔放棄我。由其係我妹。佢講左一句。爸媽終有一個會離開我地兩個,到果陣係呢個世界上得返我呢個有血緣既親人,唔想睇住我死,想拉返我返來。話而家大佬,我對您好陌生。我以前既大佬去左邊。。講到呢到自己都眼酸酸。。如果係其他父母可能已經一早放棄左我,但佢地無。一而再,再而三救我。而我就係外邊不停咁闖禍。要醒啦。我對自己講,終有一日我要憑自本事將層樓買返返來。。鼓勵自己同時亦向跟我之前處境一樣既人。行錯路每一個人都會,錯一次兩次三次唔緊要,死係解決唔到問題,嘗試同家人坦白,紙包唔住火。係個火未大既時候,最好既係同家人坦白,自己無能力,我相信家人一定會去支持您。電視成日講借定唔借呢句話,而家我會將佢改做。。借定唔借,還得到都唔好借。。而自己醒覺到家人重要,之前一直忽略佢地,醒啦。。自己亦都決定離開香港,下個月去菲律賓跟我舅父學做生意,我知道自己好幸運,有對對自己不離不棄父母同細妹,好好對待自己親人,朋友死黨對自己點好點好,但一有事只有自己最親既人係唔會離自己而去。呢個係我係呢件事上比我最深深體會到既一件事。
 楼主| 发表于 24-11-2019 17:33:02 来自手机 | 显示全部楼层
本來已經講左要申請,但家人幫手要賣樓來幫我還債,內心真係好難受
发表于 24-11-2019 19:24:16 来自手机 | 显示全部楼层
從今以後決心改過就是對家人最好的回報!師兄!加油
发表于 24-11-2019 20:26:16 来自手机 | 显示全部楼层
咁你一定要洗心革面從新做人報答你的家人,唔好再錯了
发表于 25-11-2019 00:17:28 来自手机 | 显示全部楼层
最蠢是賣樓還債,你捱 4 年吧,你唔捱呢 4年係唔會知錯。 還樓買唔返,你會好自責。
发表于 25-11-2019 00:28:24 来自手机 | 显示全部楼层
你有咁好既家人要好好珍惜,改過先好,唔好再令佢地失望....唔係個個人咁好彩有咁好既家人架.....
发表于 25-11-2019 00:33:09 来自手机 | 显示全部楼层
想當年我破產既時候,俾間二線財仔追Loan 要一次過還六萬,我同家人傾,家人話一蚊都唔會借俾我,(我有半邊物業權)我叫另一半邊既業權人(阿叔)簽個名將我既債務按入樓按到,我會負責供,佢地口吻一至叫我,一係破產,一係去死,得兩條路選擇, 所以唔係人人都會咁好彩,有咁好既家人幫手
发表于 25-11-2019 01:22:04 来自手机 | 显示全部楼层
kpchg4 發表於 25-11-2019 00:17
最蠢是賣樓還債,你捱 4 年吧,你唔捱呢 4年係唔會知錯。 還樓買唔返,你會好自責。 ...

師兄,,我同意你睇法,
我當年家人都想幫我找清唔好破產,
最後我選擇入學。。。
雖然最後幾月有手尾跟。。。
发表于 25-11-2019 15:37:33 来自手机 | 显示全部楼层
你屋企人真好,你要好好珍惜,我今年7月已經入學,2年前都試過問屋企人借,冇人肯借比我,我不是賭錢做成。其實都係借20萬左右,我能夠每月還5千,唔使4年可以還哂,可惜我冇你咁好的親人,雖然你哋可以講人哋唔係老馮要幫你,但係我覺得屋企人直情係冇情,所以我已經斷絕來往。係到希望你重新出發,重新做人。
发表于 25-11-2019 16:45:06 | 显示全部楼层
家人幫債仔還債!

1. 怕只怕"愛你变成害你".

--相信在這Group内也有賭徒,大家心中有數家人幫你還了多少次債務.  到頭來,故事只是重演又重演.
--核心問題從沒有解決---賭博問题

做家人的宜理性分析你的賭徒家人,是否有得救先?

如覺得他暫時未清醒, 不宜不理性地賣樓還債.

幸好香港還是文明地方.可破產解決.

讓債仔自己承担後果,多角度思考,看看有沒有轉機?

家人提供關懷,愛心,衣食住便可.

(如樓都賣了,下次又出事,家人已無能力提供住所給債仔了.)
发表于 26-11-2019 05:38:36 来自手机 | 显示全部楼层
Ching, 你比好多好多人幸福得多,珍惜家人呀
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 19-11-2026 23:47 , Processed in 0.028018 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表