緊急長文～真心求教～有關廢止破產令+贖樓～under 外判

Tunababe

各位好！我現在正於水深火熱之中，真的希望得到大家寶貴意見！

我與弟弟聯名共有一層樓，是父母留下。

本來一直相安無事，直到有一天我收到信，邀請我買回半層樓的業權，我才知道弟弟於十年前破產了！我好震驚⋯但弟弟是我最親的親人⋯憤怒傷心的同時，還是要處理。

因為弟弟在破產前擁有半層樓業權，在破產的同時，令我層樓有半層被釘契⋯⋯

我當時非常無助，弟弟也承認自己於十年前瞞著我破產。現時我們同住，每天擔心層樓會被強拍。現時樓價咁高，如果我地連呢個蝸居都冇埋，我真係唔知點算！

當我嘗試上網找多些資料

發現更唔好彩嘅係

弟弟的case由外判律師樓處理，應該會比under破署難搞

冷靜過後，我同弟弟嘗試聯絡破署，佢地亦叫我同外判受托人聯略

我層樓市值約400萬

還錢應該會比買返一半化算

於是，我同受托人溝通

指我希望幫細佬還錢贖返層樓

受托人唔肯比欠債list我

只肯比一個大約的breakdown

細佬當年破產

欠下四間銀行大約共50萬咭數（從細佬口中得知）

外判同我開價還115萬（50萬本金+40萬息+25萬雜費）

外判指只要清在條數，佢地會幫我攞到曬文件證明，再由我自己出面找律師做廢止破產令+起釘

我真係嚇呆左，因為冇諗過條數咁大

其實呢條數，我用曬我所有積蓄同埋向親友借，應該搞得掂

（當然，贖樓後要按樓還債）

另外我再嘗試問出面律師

有私人律師行指佢地可以代表幫我同欠債銀行講價（當然要比服務費）

另外大約3-4萬，做埋廢止破產令

我想問各位

我應該向受托人直接還債（115萬）

定找私人律師處理？

因為之前同破署絢問，佢地指我得一條路

就係同受托人商量

而私人律師指受托人是不會為細佬同銀行講價

所以條數先咁大

會否有有經驗的師兄師姐能給予我意見？

感謝大家耐心看完長文

萬分感激！

eddykung044

以下來容來自網上轉發

AE,渣打0%/ 星展本來開8%，可傾到1%/ 大新，
大新，中銀開8%可減少少，我估5-6%/ 中銀建行大約開20% 可傾至12-13%/ 恒生約5-6% 因為佢一囗價，我唔識計/ HSBC 約8% 最後佢肯減
Aeon 終於找我了！感恩！至於息口個職員話各人不同，我個case 跟政府8%！
Citibank企得都好硬，3倍利息差唔多年息廿幾厘
渣打 & Chase都一樣幾乎冇收利息
渣兜銀行 =  還欠款本金 + (少量行政費用)     (Good Bank)
A醫         =  還欠款本金 + (少量行政費用)     (Good Bank)
花其銀行 =  還欠款本金 + (年息27%) x12年  (勁貴利息)
建切銀行 =  還欠款本金 + (年息8%) x12年    (Court rate)
永享 本金加收3年息
UA  本金 X 4 倍，可以傾到減 1/3
BEA 收回本金不收息。
永隆 收回本金不收息
安信 本金加 8% 利息 X 年期
大新 本金加8% 利息 X 年期 （可以求情）
CITi 如LOAN 會是 本金加 8% 利息 X年期
Chase 和 standard 只收回本金
由與債權人議價、清還債款及利息、收齊不反對廢止破產令信件, 直至搵6C搞呈請破署有關文件、刊憲, 而家排期到下個月初上庭, 需時差不多接近半年, 6C費用約四萬, 現時只希望過程能夠順利完結吧。

溫馨提示: 與債權人議好條件及清償欠款後, 最重要是要留意核實債權人發出的「不反對廢止破產令」信件的內容, 如有沒有註明「不反對廢止破產令」的字句、 破產人資料、破產檔案資料、戶口號碼及金額, 如有錯漏就要儘快要求債權人作出更正, 否則有可能會影響整個呈請進度時間及額外費用。

有一點亦要留意, 如果當年申請老破時所填報債權人嘅資料, 因為經過若干年後, 有些債權人(銀行/財仔)或者已經俾別人收購、易名等, 導致出現債權人名稱或戶口號碼前後不符, 所以還欠款時就要小心搞清楚, 因為到呈請廢止令時, 破署是會要求証明兩者關係的証明文件, 否則破署會不接受有關的廢破呈請, 間接影響到進度的時間
今日法庭批準咗我廢止破產令申請，6C跟住會去田土廳攪埋個取消釘契登記
希望幫到樓主

skanska

師兄你好，我都係同你差不多的個案，留名等大神覆先

eddykung044

破產前擁有半層樓業權咁你弟弟入學前無申報到?
人都已經解破,十年後先追唔合羅輯
莫非當初無申報到最近先發現要佢俾返應付欠債
如果真係要咁
你問清楚後最好去民政事務署搵當值律師免費法律咨詢
睇下有無方法解決問題
但是你弟弟唔好隱瞞問題先真

Tunababe

eddykung044 發表於 16-12-2017 06:32
破產前擁有半層樓業權咁你弟弟入學前無申報到?
人都已經解破,十年後先追唔合羅輯
莫非當初無申報到最近先發 ...

感謝你回覆呀！你提醒左我可以找免費法律諮詢。
雖然弟弟已經過了破產期，但只要在佢破產時有物業，佢所持有的物業便會被釘契，而物業權益會歸破產案受托人。呢一點即使解破後，亦唔會改變。
雖然成件事我好突然好難接受，但其實好合理。欠左債，如果冇錢還卻又有物業，唔通一句破產就可以又唔還債又保有物業？當決定破產，其實等如放棄曬自己所有物業的業權。所以，有物業的人決定破產，真係要諗清楚。
衣家唔係欠債銀行追我弟弟還錢，係細佬希望贖返自己半層樓。以我在網上睇唔同嘅人分享，以前如果解左破，你只可選擇按市價向受托人買返。贖樓（還返曬所有錢+起釘）係呢兩年因為香港樓超顛，還錢（本金+息）點都扺過買返半層。
感謝你的留言，細佬已經將成件事和盤托出，現在希望我地可以盡快解決解決

admin

有會員自行搞掂

Tunababe

admin 發表於 16-12-2017 11:09
有會員自行搞掂

感謝你的回覆呀！我真的需呢方面的分享

Tunababe

admin 發表於 16-12-2017 11:09
有會員自行搞掂

非常感謝你的留言，因為我真的很需要這方面的分享

flypig

十年後追無問題。由頒令一刻，你細佬的業權已轉移到破署手上。至於 50萬，十年後來個double 唔算高,信用卡30+%,而且複息。你可以同外判講價，但債主 俾係人情，唔俾係道理。宜家欠幾個債主??欠得多好難搞，欠得少就易搞好多。

flypig

http://hkiva.org/forum.php?mod=forumdisplay&fid=88

flypig

其實只欠四間，可以逐間上去傾。
試下By pass 外判(唔肯定一定得),睇下對方點講，收幾多。
呢部分完成，仲花幾萬搞廢破令，呢部分一定要經律師。
我唔知外判有無講 佢收費幾多，還俾債主幾多?無breakdown 的話，呢單野就要爭取by pass 外判。

Tunababe

flypig 發表於 16-12-2017 14:23
其實只欠四間，可以逐間上去傾。
試下By pass 外判(唔肯定一定得),睇下對方點講，收幾多。
呢部分完成，仲 ...

你好呀！萬分感謝你的留言留言

samam2015

建議先打電話聯絡負責你個案嘅主任，問清楚你是否可以直接與各債權人議價? (過去呢幾年係可以，但問清楚也無妨)，再問主任是否一定要先知會外判? 你亦可順便問破署主任能否給你一份各債權人於破署登記在案的欠款明細表(明細表會列明你弟弟當年申破的真正債權人數目及欠款(但該欠額是不包括各項截數後所產生的利息、行政費等額外費用)、亦會有已更新的債權人名稱(舊債權人已賣盤至新債權人的聯絡資料)等。你聯絡破署主任，了解清楚還款細節後，才部署如何與債權人議價相信比較好d，希望你順利。

Tunababe

eddykung044 發表於 16-12-2017 22:09
以下來容來自網上轉發

AE,渣打0%/ 星展本來開8%，可傾到1%/ 大新，

非常感謝eddykung044你的回覆和資訊
幸運的是細佬冇欠才仔，亦冇中花奇
參考完你的資料，假如我能自行議息，真係慳到好多
好多謝你回覆呀！

Tunababe

samam2015 發表於 17-12-2017 01:55
建議先打電話聯絡負責你個案嘅主任，問清楚你是否可以直接與各債權人議價? (過去呢幾年係可以，但問清楚也 ...

Samsam2015 萬分感激您的回覆呀！在上網看資料的時候，您分享的贖樓過程比左我好大的鼓勵同幫助！睇完您的回覆，我大慨有計劃點做

eddykung044

最重要幫到你
其實破產後有多D人同你分享經驗
你自己想法都唔會太灰