破產FAQ 09 - 申請方法及律師費

admin

Question:
我想問如果申請破產是否一定要律師代辦，如果是申請人自己辦理有冇問題？
因為我見律師費都要$4500好貴，申請得破產又點會有咁多錢呀．

Answer:
其實你可以去破產管理處或政府刊物消售處買本指南睇睇, i.e. 《 債務人破產呈請程序簡介》

http://www.oro.gov.hk/

http://www.oro.gov.hk/cht/faq/faq.htm

不過份申請表吾算太難填(《債務人破產呈請書(破產(表格)規則的表格3)》和《資產負債狀況說明 書(債務人呈請) （破產(表格)規則的表格28C）》).如果你有齊晒近12-24個月的銀行及財務公司的月結單會易填少少,因要影印晒有關文件交上法庭.

呢兩份表吾係太難填,反而係果一個收支表會有少少煩,因日後破產管理處會根據呢個表來同你傾日後的開支,即係你填得太少,有錢剩時要還債;填得太多,個官又吾會批比你.

反而搵律師幫你搞呢d法律文件會好d,雖然貴左少少,起碼吾駛傷腦筋,有吾需要擔心會搞錯法律程序,最重要係可以平穩過渡.錢可以第日慢慢搵番,最重要係留得青山在.

如果你現時有份工做及收入相算過得去,不如申請「個人自願安排 (IVA) (Individual Voluntary Arrangement)」,起碼可以分多年慢慢還清D錢,而吾駛令個人信貸記錄的record花左,起碼沒有破產的限制及不會通知通知僱主和家人.而且破產期間及破產期完結後會有好多不便及限制,你睇番我之前分享便會明白.

如果你因爛賭而搞到今時今日,可考慮向志願機構求助:
明愛展晴中心求助
電話﹕24997828