二線財仔(追數問題)

kkf1222

(我已入紙)有三間一線財務，但係我有四間二線財仔共欠太约4萬，四間我都有供個2，3期比佢地，但現在真的供不起，仁會否上門追嗎？同佢地打電話黎，我應該聽嗎？好苦腦！求給意見！

kit430168

樓主，千祈唔好呀，你我各不相識，以前点樣唔啱做錯事都好，雖然搞到破產，但绝對唔係绝路牙，積極面對之後日子囉，可能同家人或身邊人反目，不過咪讓時間沖淡囉，有陣時以為冇路行，原來行下行下又會見到出路，我都俾屋企人鬧，俾D追數搞到冇左份工，禁咪重新黎過囉，經過多次認錯，屋企人都慢慢原諒左我，我亦積極去搵返份工，我份工以前搵三萬，宜家萬四咋，我都冇放棄，始終自己搞出大頭佛，就自己承擔後果，冇得怨天怨地，將來行返正條路好快雨過天晴啦，造傻事咪仲對唔住自己屋企人

kkf1222

妳果D都係二線財仔吖

Owen1234

邊4間？

kkf1222

有X，領x，駿x，比xx

admin

kkf1222 發表於 9-1-2017 00:10
有X，領x，駿x，比xx

樓主，你奶野了。

人地問你，你就答。

kkf1222

咁可點吖

admin

kkf1222 發表於 9-1-2017 00:37
咁可點吖

你等下呢度無間道起你底羅

kit430168

如果屋企人都知道咪由佢打囉，d收數一定會兇你，不過十居其九都係吹水，上唔上門就睇個別收數喇，又話破左都要你還，其實唔洗理佢，4萬幾一定唔會還啦，頒左令就冇事架喇

largelarge

电话就紧，上门未必，因你已两三期。既然你已入纸，坚持吧！努力。

kit430168

師兄，有時如果真係走到破產最後一步都冇得諗禁多，煮到埋黎就食啦，好過個個月撲水還债仲大壓力啦，屋企人咪慢慢解釋囉，我都俾身邊人鬧到七彩，有時自己闖左禍都真係要反省一下，破左之後你會雨過天清，咪重新做人囉，追唔追數已經係後話啦，除非你d財仔係非法贵利啦，如果唔係，只不過係d二線有牌財務，佢地都唔會殺人放火既，兇下你就一定在所難免啦！努力面對啦，我都同你情況一樣，我都經歷過，最緊要重新定立將來，未來日子仲有大把路可以行，加油

kkf1222

每日都擔心吊膽，好灰，唉！

kit430168

kkf1222 發表於 17-1-2017 18:33
每日都擔心吊膽，好灰，唉！

有冇上門牙，樓主

kkf1222

不想講吖，現在只覺得好灰，前路好迷網！

kit430168

都入左纸，就唔好諗禁多喇，等頒令之後就冇事架喇，我上個月都係禁，今個月剛頒令，d財仔日日打黎，又send信息话上門又這樣又那樣，我同佢講$就一定唔會還，要打要殺你咪上黎囉，我都阻止唔到你架，我話$就冇喇，打交我就未驚過，鐘意就上黎，最终打多一兩次都冇再搞我，其實哩d收數人士都係打份工，兇下你就必然，只要堅持唔還其實佢都冇計

kit430168

kkf1222 發表於 17-1-2017 19:28
妳果D都係二線財仔吖

三間二線

kit430168

kit430168 發表於 17-1-2017 19:31
三間二線

如果唔介意就留電話，可以開解下，我絕冇其他用意，只不過知道喺哩段時間係好烦好多野諗，自己都經歴過，放心啦，好快雨過天晴，哩度好多師兄都欠二線啦，只要唔係大耳O就問題不大

kkf1222

其實我真係有諗過造傻事，不用煩啦，

admin

kit430168 發表於 17-1-2017 19:37
如果唔介意就留電話，可以開解下，我絕冇其他用意，只不過知道喺哩段時間係好烦好多野諗，自己都經歴過， ...

我介意！而家先警告你一次！唔好話我無講。


----------------------------------
呢度如果無無間，我就死都唔信！

呢度如果無人扮"朋友"，做中介，我死都唔信。

呢度好多會員都係有煩惱先上來，好容易會中計。拿我唔一定話你。

做得呢度 admin，我只有用嚴厲的手法去保護呢度的會員！

---------------------------------
我唔明點解D人係要羅人電話， whats up， you cheat 先至可以分享，先可以開解。如果會員能夠證明到自已係有專業資格，我會比佢咁做。

如果有會員一時開解，分享錯左，咁點？開解錯變左叫佢去死，咁點？

上討論區，就要想同人私下分享，咁不如去 shake 1 shake 啦，上乜討論區！

---------------------------------

老實講，我識殺馬李呀會的干事，我找佢去開解會好好多！

其實我做過轉介去佢地度！

Tt123

admin 發表於 17-1-2017 21:58
我介意！而家先警告你一次！唔好話我無講。

同意做法