想問做廢止破產的程序

mickeyminne

之前個post有提過我亞媽想經顧問做廢止破產，親身經歷果啲所謂顧問真係呃你啲錢！氹你借財仔！好彩冇中計！而家我想幫亞媽親自去做，請問我怎樣聯絡債權人呢？電話傾或是寫信？求指點，謝謝！

admin

kee-kee 發表於 22-12-2015 15:46
你可以先聯絡破產署，確認下債權人係邊個
然後再睇下每個債權人要還幾多錢，幾多利息
自己聯絡債權人還或者 ...

低下次記得要寫埋地址，電話，聯絡方法。因為…

好快會被 ban

kee-kee

你可以先聯絡破產署，確認下債權人係邊個
然後再睇下每個債權人要還幾多錢，幾多利息
自己聯絡債權人還或者搵律師幫手都得

無論如何都要盡快還清欠款同利息
律師可以幫你寫信就還款及利息總額與債權人討價還價，然後由律師向法庭申請廢止破產令
之前交由有相當經驗的律師朋友處理，好快就搞掂，收費亦相當合理

301

解鈴唯須繫鈴人,
已經頒令在守行為期間當然找"主任"署理.

私自找債權人聯絡於理點合 !

DW123

好簡單，同你個主任 / 外判聯絡左先

flypig

打去 XX BANK,要 搵負責 呢樣野同事...
跟住 MAKE 個APPOINTMENT..........

admin

可唔可以寫下，佢地點呃你？比會員有所得知

honey

你搵主任先取舉債証明，我當時上網打每間熱缐再找的！有問題可在此post 再問

samam2015

我建議你係破聯集中一個Post討論，等大家更清楚你個case過程，容易俾你多d經驗分享。

honey

樓主應該完哂四年，但都要搵主任架

mickeyminne

DW123 發表於 18-12-2015 09:46
好簡單，同你個主任 / 外判聯絡左先

請問咩叫外判？

mickeyminne

admin 發表於 18-12-2015 11:04
可唔可以寫下，佢地點呃你？比會員有所得知

好，我現在响街，返到家先慢慢打

flypig

301 發表於 18-12-2015 12:35
解鈴唯須繫鈴人,
已經頒令在守行為期間當然找"主任"署理.

樓主阿媽解破N年..
古仔:
http://www.hkiva.org/forum.php?m ... &extra=page%3D1

flypig

mickeyminne 發表於 18-12-2015 14:15
請問咩叫外判？

在破期間,負責 個案的,可以係主任/外判.....

samam2015

外判係破署將你破產嘅case外判俾佢授權嘅會計師事務所、律師事務所之類嘅私人公司跟進。

samam2015

樓主若果係破署主任跟進個案嘅話，問題會比較易解決好多。

samam2015

係度長氣講多句，我問過破署，答覆: 田土廳釘咗契嘅物業，破署唔會做任何臨時起釘動作， 一定要清繳債權人所有欠款，得到所有債權人簽發的不反對廢止破產令函件，然後向破署及法庭呈請廢止破產令，再於辦理田土廳解除釘契後，物業才可以向財務機構作出借貸按偈，若果樓主不經這個程序能獲得貸款，相信都係屬於坊間一些私人財務公司借貸，風險及利息相對較大，請量力及小心為要。

mickeyminne

講講背景先，亞媽在2002年破產的，當時欠8間銀行信用咭數，共大約$230000，有層己補地價既居屋，大約2010供完。當時我媽破產我係不知道的！ 是咁的，上年破產處出過信比我老豆，叫佢賣回我媽另一半既業權，咁我老豆回信話佢知冇咁多錢，跟住佢再出信話可以要強制拍賣等等（而我就是在呢一刻先知，因為佢哋怕冇左層樓，所以講晒所有嘢比我知）。其實我對呢樣真係零知識，咁我就問朋友，個個朋友都話唔會冇得住既，最壞既結果咪如果我老豆不在，就應該先會拍賣，咁我哋就冇再同破產處聯絡。咁岩我亞媽前幾日收到xx顧問公司既單張話可以幫到破產人仕贖回樓等等啦，咁我就幫我亞媽打去問吓，個位小姐其實都敎識左我關於破產後既問題，原來可以還錢比債權人就可以取回半個業權，咁我就上網查吓啦，好彩比我發現到呢個論壇。當日我都响呢到問過各位，得到既回覆都係叫我唔好信，咁我就同亞媽講唔好喇，但亞媽話想試吓，咁我第日就陪佢倆老上左去。 上到去，有個女人（叫做顧問喎）同我哋傾，佢一坐低就叫我亞媽比啲破產資料佢睇，跟住佢就計數啦，一計就話粗略咁計照8%要還86萬，佢話因為都隔左13年等等啲門面說話，咁跟住問我哋想點，我哋話唔想借財仔，仲有咩辦法，跟住佢問我哋有冇人可以做到按揭（即係銀行底冇花）買回果半個業權，佢話我哋層樓估價係316萬，佢叫我做（因為我係佢個女），我話唔會，因為我話要借158萬仲唔抵啦！跟住佢就入正題，佢話當然還比債權人最著數，咁就開始同我哋計喇。

mickeyminne

大家等多一陣，轉頭先再打

mickeyminne

首先第一部份要財仔借，佢一開條數就要借100萬，我當時比佢嚇左一跳，條數佢係咁計： 6萬（我老豆現在UA條數，是半年前借，因為大廈要維修，佢借左呢筆錢） 6萬+3萬 =9萬 律師費 30000x8 =24萬利息（佢話攪廢止大約8個月） 10萬+10萬 顧問費（第一部份借財仔100萬的10%+第二部份銀行按揭100萬的10%） 剩餘的41萬就還債權人，佢話好有信心同債權人傾到喎（人諗你一開始又話要86萬，真係嚇鬼佬咩！） 第二部份就係做左廢止之後就上銀行做100萬按揭冚返第一部份既財仔數，做14年按揭，每月供款7 咁當然我哋唔制啦，我話我哋要商量，落街食個飯先，咁果女人都冇咩逼我哋，共係我哋走左半粒鐘打過一次比我亞媽，我亞媽就話唔做喇！

mickeyminne

好彩冇比佢哋氹到

mickeyminne

samam2015 發表於 18-12-2015 16:13
樓主若果係破署主任跟進個案嘅話，問題會比較易解決好多。

我諗係破署主任跟，因為我跟據佢寄比我老豆封信上既電話打去（我扮亞媽打去），我問佢係咪還晒錢比債權人就可以取回業權，佢話係。個主任好好人，佢仲敎我，還完錢給銀行，銀行就會有封信，收到銀行呢封信就要揾律師，佢仲提我，律師唔怕揾多幾間問，因為間間唔到收費，夾吓價會好啲，仲話佢哋破署會寫一個報告，呢份報告大約收費要15000-20000左右。