債權人如加埋親人及朋友(真係有借錢), 有冇影響?

heart

如題。

佢地(作為債權人) 會唔會收到破管署嘅信?

samuel8892000

一定會

Alex2233

你填埋上去，破署通知佢都好正常，佢係債權人之一


反而我想問

你填既目的係乜

想佢地第時可以分番還款？

301

又會,  又唔會.

如果4年期內有供款的,
主任在最後一年前就會去信所有曾列表之債權人自我申報.
當然,
破期內老破從無上繳過,
就無信俾任何債權人咯.

cc4321

原則上會知,如果你唔想佢地知咁填黎做咩

orewa_j

樓主有欠親友錢？

heart

多謝咁多位師兄回應, 係度覆哂咁多問題:

有欠幾間錢莊, 又有欠親友。
目的本想俾破管署知, 我唔係唔想還, 但乜都借盡了!
亦想萬一4年內有穩定收入要還, 佢地都分可以分到d。
另親友嗰筆係一世嘅, 目的唔係想4年完結。

唔係唔想佢地知, 佢地都知, 因佢地都有家人, 唔想佢地幫我而令佢地出現任何不便情況。 就算無家人, 郵差派信可能會俾管理員望到, 唔想佢地鑑界! 封信上無寫係債權人定債務人。

我考慮緊寫落去有冇用, 諗任過兩日就要上武當山。

另又突然想起, 如寫左落去, 錢莊債權人會唔會知? 如佢地睇到便可能估到其他"個人債權人"同我嘅關係, 唔知錢莊會唔會係呢度諗辦法, 影響到佢地!!!

flypig

樓主想太多。
1 寫埋所有權債人無問題
2 破署要寄信俾佢地，你控制唔到。話之佢。3 錢莊邊得閒搞埋其他的債權人，佢無position做呢樣野。唔通佢打電話俾佢地？？亦無咩好傾。
如果你決定左，就照去！！

heart

flypig 發表於 21-10-2015 01:01
樓主想太多。
1 寫埋所有權債人無問題
2 破署要寄信俾佢地，你控制唔到。話之佢。3 錢莊邊得閒搞埋其他的債 ...

Thank you! flypig 兄, 對準備入伍人仕, 你每一次回覆都令我地少左一些混亂感及清楚一些跟住點做.

因已去到呢個地步, 自己衰自己事, 已決定入伍, 反而無咁忐忑; 但唔想令幫過我嘅人產生不必要嘅影響!

如果佢地會分到錢, 咁就應該唔使考慮咁多, 但似乎分到嘅機會接近零(睇其他帖所講), 咁寫落去好似無乜實際用途?  反而有機會帶來佢地嘅不便。

有冇Ching 有類似情況可以分享下!

orewa_j

師兄其實會唔會請教下6c?始終6c意見比較實在。如有任何答案請回來分享下。         不過，師兄你同親友借的，有冇任何紀錄？

heart

orewa_j 發表於 21-10-2015 23:06
師兄其實會唔會請教下6c?始終6c意見比較實在。如有任何答案請回來分享下。         不過，師兄你同親友借的 ...

我唔想再有多餘支出, 又唔使請假, 諗住自己攪, 冇搵6c!

大部份(8-9成)都係經銀行入數, 只有少部份冇紀錄!

orewa_j

師兄你問的問題，我都曾經問過，不過冇確定的答案，可能呢度冇類似的個案。我準備申破，亦會問6c，有什麼回覆會上來post

heart

orewa_j 發表於 21-10-2015 23:22
師兄你問的問題，我都曾經問過，不過冇確定的答案，可能呢度冇類似的個案。我準備申破，亦會問6c，有什麼回 ...

已為你已經攪掂左。
Thanks for sharing!

orewa_j

我case比較麻煩，自己搞搞唔掂，所以一定要揾6c幫手

heart

有冇Ching 有類似情況 (債權人表內包括親友), 可以分享下!

hohochi

除左入數紀錄可能還需要借據

heart

hohochi 發表於 22-10-2015 14:06
除左入數紀錄可能還需要借據

呢個唔難處理, 不過重點唔係呢度!

重點係:
1) 有冇意想不到嘅問題出現?
2) 除左佢地可能會收到破管處嘅信外, 有冇其他野會對佢地帶來不便?
3) 對佢地 (或破產人本身) 有冇實際用途 (如有冇人試過分到錢)?

kungfu

3) 對佢地 (或破產人本身) 有冇實際用途 (如有冇人試過分到錢)?

原則上所有無抵押債權人按債項金額比例收回欠款。

hohochi

heart 發表於 22-10-2015 14:17
呢個唔難處理, 不過重點唔係呢度!

重點係:

在變賣破產人的資產及扣除有關行政開支後，受託人 / 破產管理署職員便會以派發債款形式把剩餘款項分發給各債權人。至於破產人於破產期內的收入，在扣除其本人及其家庭成員的合理生活開支後，有關餘款亦會被分發給各債權人。   
http://www.hkclic.org/tc/topics/ ... inding_up/all.shtml

債權人能未必能取回所有欠款，而只能按各自的債項比例取回部分欠款，但某些債項( 如欠薪或遣散費) 將會獲優先償還。
http://www.hkclic.org/glossary.html#by_way_of_dividends

hohochi

一般情況下，破產者如有資產或上繳可供還債，分發次序大致上如何！首先能取回的是欠政府的債，如稅項、罰款等，然後是破產管理署或受託人收取的行政費用，然後是有抵押債權人，最後是其他所有已登記在破產令上的債權人！而最後那部分是會按債務數目比例去分配，並非依時間先後，亦不會先還款給大銀行或某一債權人！
http://cecimak1995.blogspot.hk/2014/07/blog-post_30.html


通常破產者欠政府的債會最先獲得歸還，其次是員工欠薪（如有），接著是有抵押債權人，最後才是其他所有合約債務的債權人！
假設該破產者無欠政府債，無欠員工薪金，無債權人持有抵押品，則其他所有債權人將按債務比例獲受託人平均發放還款！
http://cecimak1995.blogspot.hk/2015/04/blog-post_11.html