找回密码
 註冊
查看: 1130|回复: 3

又系小弟啦 又有幾個問題

[复制链接]
发表于 23-10-2014 02:55:41 | 显示全部楼层 |阅读模式
話說我九月尾呈請左等緊頒令 我想問大約幾耐收到信 (自從上次得知顧問十個有九個都廢既,我開始努力系度爬文 日日都上黎睇 荒廢工作 ,開始發覺當初咁都比佢呃到真系好on居 唔知系咪果時真系比啲數搞到個人荒哂 .話說果時我打去大眾借錢 諗住做一筆清 點知後尾借唔到 之後就出現左個應該系大眾某部門既經理 佢同我講我呢個情況只有搞破產 因為無銀行會肯借錢比我。 之後話可以幫我搞 包埋會計化數化到唔使還加埋律師費四年報表 4萬蚊 當時低b到竟然信左佢 連最值錢隻勞都賣埋比錢佢 再將我pass比某間後來我發現比人投訴過既顧問公司。直到搵到呢個論壇之如夢初 醒 真系好憎自己蠢到咁 呢排越諗越唔抵 最嬲就系我明知破產都要交稅我特登問個顧問使唔使交 條pk夠膽死答我唔使 我真系覺得我笨比你呃我無得怨 但都唔好點條黑路比人牙 我真系極度懷疑果幾年報表會唔會幫我填。做人做到咁無良心發埋啲災難財 真系有衝動想搵生果報 起碼等人知道佢啲衰野 真系嬲到幾晚失眠。            入返正題 我想問呈請到颁令要大約幾耐,,                         聽人講話要交文件 傾生活費都系交文件傾埋嗎?             我知生活費唔滿意可以唔簽 但佢會點做。                        另外雙糧花紅大約2萬左右系咪一定無得留返?                問個顧問佢一定又話得 咩都得 4萬蚊得到啲垃圾服務。  聽聞食煙都可以加埋落生活費 真的嗎?我一日都要一包煙 咁一個月就千5蚊 好多好多問題 望師兄們解答
发表于 23-10-2014 08:12:42 | 显示全部楼层
想問呈請到颁令要大約幾耐,,
自己搞4-6星期...顧問慢幾日.因為佢/律師唔係日日將CASE 送到法庭

聽人講話要交文件 傾生活費都系交文件傾埋嗎?
先俾文件.你會寫個數,人地拎左文件睇左先.然後大家見時傾

我知生活費唔滿意可以唔簽 但佢會點做。  
最後大家不同意,法庭見.法官判.
另外雙糧花紅大約2萬左右系咪一定無得留返?   
唔一定全部上繳.好多巴打到時同 外判/主任講數要買東買西.但呢D野要睇個外判/主任 制唔制

聽聞食煙都可以加埋落生活費 真的嗎?我一日都要一包煙 咁一個月就千5蚊
你有無醫生紙證明你唔食唔得????
無的話,贈你一首舊歌,叫 : 也許不易
回复 支持 1 反对 0

使用道具 举报

发表于 23-10-2014 11:20:37 | 显示全部楼层
我呢家都等緊貨生活費~~
 楼主| 发表于 23-10-2014 18:04:14 | 显示全部楼层
咪連煙都無錢買...
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 16-11-2026 14:02 , Processed in 0.030889 second(s), 17 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表