谷底，徬徨中

落難天使 · 发表于 21-3-2014 11:34:33

事情:我老公係呢3年半裡面不善理財，數"及"數，(2間銀行+3間財務共37萬)搞到上星期要申請破產，3年半裡面我全不知情他的欠債問題，直至過完年我開始收到財務追數電話，我問他(老公)他又話自己搞掂處理梗，我原本以為他真的正常搵律師老破啦…原來不是，他真的蠢到不得了。因為係1月中嘅時候，他為咗想把事情隱瞞我，他糊裡糊塗及徬徨中去了旺角一間所謂嘅財務顧問公司，點知果個所謂顧問叫他搞老破啦…，我老公話無錢，果顧問就話無問題我擔保你去兩間2，3線財務借，一共分別2間借了共6萬，但只取了5萬2千幾，跟著接返顧問公司，顧問就叫老公比哂5萬佢，我老公照比啦…十幾分鐘後顧問就比咗律師樓資料我老公，叫我老公明天去律師樓搞老破就得啦…錢顧問轉頭會過比律師果邊!…接著…果律師都o.k. 叫我老公將果兩間2，3線財務照報老破，一供咗第2期，10日後上去佢度宣誓，下午已經入了法庭排期，第二朝一早就Fax咗法庭聆訊期比我哋，但3日後2，3線果2間電話就不停打嚟，期間因為我老公工作中收不到電話，班PK就連我亞爸亞媽，大哥，奶奶，姑拉都騷擾不停(電話)，我好驚，好徬徨，因為我有個4歲半嘅小朋友，有無朋友同我故事一樣，幫手提點下我，感激…

flypig · 发表于 24-4-2014 21:09:57

本帖最後由 flypig 於 25-4-2014 11:13 編輯

落難天使發表於 23-4-2014 02:32
果2間3線打電話嚟，最奇怪其中一間完全無打電話比我老公而係直接打嚟叫我名，問我"你老公破咗產啫，你無破 ...

你話有咩搵你老公喇.呢D電話預左,你愈驚,對方會步步進逼...
直到佢FEEL 到你係唔會俾錢佢地,先會停.

2/3線係麻煩架.你嬲同驚都無用.世上最惡係發窮惡,無咩大不了.

以後電話裝錄音.你想一下就明.2/3線竟然唔敢講斬你全家,淨係講咁唔駛還??? 其實佢都無咩料到.
同佢都驚俾告你恐嚇.;P

落難天使 · 发表于 21-3-2014 11:35:58

而家連埋果2間2，3財務欠債其44萬:'(

smallcat · 发表于 21-3-2014 12:10:46

本帖最後由 smallcat 於 21-3-2014 12:42 編輯

:o:o 唔係又係旺仔中心個間掛?:o

落難天使 · 发表于 21-3-2014 12:15:24

我無問老公果間嘢係邊，我只聽過好似叫皇朝顧問

落難天使 · 发表于 21-3-2014 12:18:22

初初知道時，差啲同埋個女去自剎，
好驚出咗破產令仲有手尾跟咋!

smallcat · 发表于 21-3-2014 12:23:52

落難天使發表於 21-3-2014 12:15
我無問老公果間嘢係邊，我只聽過好似叫皇朝顧問

咁就唔係其實好多中介公司

smallcat · 发表于 21-3-2014 12:25:23

落難天使發表於 21-3-2014 12:18
初初知道時，差啲同埋個女去自剎，
好驚出咗破產令仲有手尾跟咋!

千萬別做傻事, 香港有法律, 我唔知你老公被轉介去乜財仔, 3線成點

但你老公破左產, 佢地都應該無乎, 問題係頒令前不停用電話騷擾你地屋企人就無計

flypig · 发表于 21-3-2014 14:05:42

他糊裡糊塗及徬徨中去了旺角一間所謂嘅財務顧問公司

朋友介紹?? 報紙廣告?? COLD CALL???
呢度好似有版民類似情況.令人不明有幾點:
1 60K 唔係細數,你先生係唔係一早預左唔還俾人??
2 你先生都破產,對方隨時無錢收.咁係唔係破署個9K+ 佢都包埋? 包埋就隨時連個9K 都蝕.
3 律C 同2/3線財務有咩關係?? 係合作 PARTNER/ 同一公司??

你呢D CASE 都無咩計.申了破就唔理得咁多了.以後人地打電話黎就錄音.有恐嚇就報警.

冰山雪蓮 · 发表于 21-3-2014 14:26:26

呈請後至頒令前我覺得系一個追數期。呢段時間約有5星期，好多欠2、3線財仔數嘅破產人刀少不免被佢哋滋擾！就似妳嘅情況一樣。至於呢段時間可以点做，其實真系冇乜辨法(因佢哋冇話要斬、要殺等恐嚇字眼)！我只有一個吾系辦法嘅辦法，就系可能嘅話，就先入番(一期)數比佢哋，等到下期再追你嘅時候，妳老公已經頒令啦！

落難天使 · 发表于 21-3-2014 14:37:02

我老公話當日好煩惱好亂，唔知點…想自己搞掂唔想比我知，就行到所謂果間顧問公司門口望望下，就有個人走出嚟話傾下!
1)我老公無唸過呢60k唔還㗎，仲同我講呢6，7個月比唔到家用我，想供呢2間㗎!但他將問題話比律師聽，律師話如果你唔報埋呢2間就無法律保障，到時你仲麻煩!
2，3)全數包哂，之後無比過任何費用。我唸律師同呢2間2，3線財務係無直接關係，而律師樓同呢間所謂顧問公司唔多唔小都有牽連。
不過，呢個律師都好快，7號宣誓，下午入法庭，8號比咗聆訊日期同號碼，10號幫我哋出信同Email 比銀行同財務，11號下午只係得2，3線果兩間電話騷擾啫!

落難天使 · 发表于 21-3-2014 14:39:50

仲有，係律師樓我哋都有電話錄音!因為初時我驚他們一條龍服務，玩嘢果種，但我重複幾次聽返呢個律師說話，都o.k.

落難天使 · 发表于 21-3-2014 15:09:42

果2間我哋已經供咗2期，其中一間2期再加1期利息，但14號已經凍結咗戶口!

落難天使 · 发表于 21-3-2014 15:10:44

點解我老公會咁on 9呀！我好辛苦，好難受!

MEIMEI · 发表于 21-3-2014 15:34:21

定D嚟, 唔洗驚.

落難天使 · 发表于 21-3-2014 15:59:42

我想問下，7號宣誓，14號戶口被凍結，17號律師幫我老公做戶口解凍，想問下趕唔趕到27號出糧日呢…仲有係咪出同入只可一次，定直到聆令先再凍結呢…，我好亂呀！我唔食，我女都要食同交學費啦！

301 · 发表于 21-3-2014 16:03:41

本帖最後由 301 於 21-3-2014 19:14 編輯

你既情況正常,
入紙後頒令前滋擾難免.

如過分須報警外,
忍無可忍咪行開陣咯,
但電話要照聽.
應左電話唔好斷線但放低,
然后可做其他自己野.:lol

追數者都係揾啖飯食姐.

老破之路早已經為想做傻事既人鋪設,
勿再返回頭走歪路 !:shutup:

301 · 发表于 21-3-2014 16:14:11

落難天使發表於 21-3-2014 15:59
我想問下，7號宣誓，14號戶口被凍結，17號律師幫我老公做戶口解凍，想問下趕唔趕到27號出糧日呢…仲有係咪 ...

正確,
理論上無問題.

但"生剎權"仍在銀行.
銀行非一定百分百合作.
(包括時間上,你急佢唔急):curse:

落難天使 · 发表于 21-3-2014 17:56:24

唔該你哋，仲有一個問題想問係咪而家唔可以開新戶口，要等領令後先可以!

301 · 发表于 21-3-2014 18:53:08

冇錯，
頒令後才開新戶口。

flypig · 发表于 22-3-2014 19:14:31

落難天使發表於 21-3-2014 14:37
我老公話當日好煩惱好亂，唔知點…想自己搞掂唔想比我知，就行到所謂果間顧問公司門口望望下，就有個人走出 ...

滋擾難免,佢地會不停打電話唱衰你地,俾各親友,開頭十分難受,因為人要面樹要皮.
不過既然面已落,你可以反客為主,以後飲茶唔埋單,開口借錢都無問題.;P

最後,宜家唔係80年代尾, 淋火水好少.大數都會出下ID CARD O既,你D CASE 未必喇.因為人工都係錢.

你應該供10K 1期.供左2-3期,對方收了20K-30K.成本15K. 仲有少少執.可能算數.

		自动登录	找回密码
密码			註冊

谷底，徬徨中

相关帖子

浏览过的版块