|
可以說破產前小弟從無主動申請過信用咭。最先兩張咭是獅子銀行預批的基本 visa 和 master, 信用額多少已忘記了, 但最後分別是$250,000和$300,000, 仍然是基本咭, 非金非白金非黑。不記得何時渣兜又預批一張金咭, 冇 limit (我知道在$300,000左右, 有D開埋)。然後東X邀請申請公司咭給授權僱員, 每張咭嘅 limit 由我指定, 但總額不超過$800,000(可以更多不過無需要)。最後又有X亨俾一張咭"任何有大學學位人士", limit $50,000, 呢張咭我差唔多未用過, 即使在環境最差的時候亦冇用它透支。$50,000挽救不了局面。
而家破產期已過, 但多少仍有落難感覺。信用咭對小弟而言是有必要的, 所以必需辦一張。老婆公司在創X已有戶口多年, 來往正常到X興主動打畀佢問使唔使借錢擴充, 想當然搞張公司咭應易如反掌, 佢哋竟然話公司咭只發畀 "privileged clients", 建議我做個定期以個人申請, 結果 ........ 妖。同步老婆向中X申請信用咭目標是幫我辦附屬咭, 結果 ........ 佢多咗廿萬信貸, 喺 Sogo 有折, 而我"一事無成"。選擇X興及X銀開始因為我同佢哋從無轇輵。
冇計於是試下老婆已經有咭嘅銀行 - 恆X(最後冇欠)同渣X(欠三十幾), 同時睇下老勢(係識咗好耐嘅老友)可唔可以幫手辦張(獅子)公司咭。結果X生, X打都出咗(信貸額 share 原額), 但仲等緊獅子。
注意: 恆X張附屬咭同主咭有唔同咭號, 相信會有兩張分開嘅月結單。渣X嗰張咭號一模一樣, 即係用過乜錢老婆都會知道, 各位好玩嘅朋友小心。
幾個月後我會再試下以個人名義再申請其他信用咭, 睇下乜嘢結果。
|
|