心情分享

990054 · 發表於 4-12-2013 14:51:38

細佬因理財不善，年幾前已開始捱還錢，託賴之前人工還撐到，
今年轉工後已入不敷支，勉強撐左三個月，手上已無分毫-月光族。
七月入世未深俾間顧問玩左三個月，呢三個月亦係我人生最剪熬既三個月，被追數，自己份新工跑數，本人性格亦頗好勝，最終，十月問朋友幫手上律師樓申破，雖然自問有點逃避責任，但老實當有臨時編號停晒要想方法找錢還錢抖下氣，到昨天頒令，今天正式交文件，感覺經歷左好多，亦了解到當真係出事要搵朋友幫手，你會好自覺排除某部分人，淨低既人真係屬於最知心既人。
我知道依家只係開始，但經歷過呢d日子，都真係無咩野嚇到我或令我覺得會困難到卻步。
師兄們努力，我都好感激有呢個地方呢度既師兄幫助同打氣！

謝拉特 · 發表於 4-12-2013 17:17:06

四年多前我都跟你一樣, 現在解破後, 今年雙糧終於是自己了

好日子 · 發表於 4-12-2013 16:39:55

機會在明天.以後好好理財.

301 · 發表於 4-12-2013 15:06:40

繼續加油,
前路大把機會,
多 d 上來分享 !

yk168 · 發表於 4-12-2013 15:27:10

師兄多謝分享, 自已親身经歷過因境, 咁...你才知道邊D係真朋友!

supremelok · 發表於 4-12-2013 16:05:55

好好把握這4年時間，儲多些錢，為將來的日子打好基礎
小第都是破產人士，初初去決定申請到搵律師到頒令，你會諗到好好多樣野，
亦要面對好多問題，但當係俾自己一個重新做人既機會，加油

豬公 · 發表於 4-12-2013 16:32:00

繼續努力工作，未來四年會受到一定的限制(金錢使用上)，要以積極態度去面對，視之為改善理財習慣的機會，加油

(四年前的我和你一樣是月光族，現在每月都有錢剩)

superlemon911 · 發表於 4-12-2013 21:38:26

當係一個重生既機會，破產前我完全係無目標，一出糧還錢已用左1半，扣埋日常開支，係完全無社交生活，而家破後個人開心左好多，開始會計劃下，4年好快過，加油

		自動登錄	找回密碼
密碼			註冊