破署焗業主賣樓

smallcat

:o  今期一仔既內容 :o

smallcat

:handshake


由於圖太細, 圖片將稍後再看怎樣更新上來, 謝謝!

smallcat

:handshake:handshake

Thank you Eleven brother 兄 將字post 上來!  係 Eleven brother 自己打字上來 :victory::handshake

dopod123

貓兄。。。你點睇法？

smallcat

dopod123 发表于 22-4-2013 13:55
貓兄。。。你點睇法？

我想問點張圖放大到A4? ;P  整唔到上來 :handshake

elevenbrother

破產管理署焗業主賣樓
有讀者早年與太太買入公屋單位，太太破產後，單位的一半業權交由破產管理署持有，多年來雙方一直無跟進，直到現時樓價高企，破產管理署忽然要求事主補錢買回一半業權，否則將向法庭申請強制令，將物業出售分錢。


九十年代初，何先生與太太及兩名子女一同居於將軍澳景林邨景榕樓一個公屋單位，實用面積約四百呎，月租約一千元。○一年，房委會推出第四期「租者置其屋計劃」將景林邨單位出售，何先生遂以十九萬元購入該單位，八成按揭月供約二千八百元，物業與太太聯名持有。
何先生是地盤泥頭車司機，何太則開設清潔服務公司接外判生意。○四年，清潔公司生意愈做愈差，何太欠下銀行貸款及工人薪金約二十萬元，最終自願申請破產，她所持有的半層樓亦由破產管理署接收。何先生憶述：「當時我同太太一齊去見破產官，佢有提議我哋將層樓俾番房委會……但我好想擁有自己物業，既然供得起都想供落去。之後一路落嚟，破產管理署都無再同我哋傾過層樓嘅事。」
何太的破產令於○八年結束，何先生亦於一○年贖回樓契，以為雨過天青，不料去年年底竟收到破產管理署的來信要求「處理」單位，更提出兩項建議：一是何先生以現時單位市價，補錢買回一半業權，二是將物業拍賣，所得款項由何先生及該署瓜分。何先生無奈之下向本刊求助：「咁多年嚟，破產管理署都無供過樓，咁都可以分一半？就算要我補錢買番層樓，點解唔用○四年（破產令生效年份）嘅市價，而要用而家最貴嘅樓價去計，好唔公平！」
事發經過


跟進：買回業權要六十萬元


何先生一家於景林邨居住超過二十年，他無奈說：「破產管理署變相逼我走，無咗層樓一家人都唔知住邊。」（江永健攝）
翻看破產管理署去年及今年兩度發出的信件，多次提議何生出價買回一半業權，否則破產管理署將向法院申請命令賣樓，所得款項由雙方瓜分，但未有提及分錢比例。根據何先生委託公證行所做的報告，其單位未補地價現時市值約一百二十萬元，買回一半業權須付六十萬元。
專家話：配偶破產　應停止供樓


房委會於○一年推出第四期「租者置其屋計劃」，將景林邨單位出售予租戶，現由業主立案法團管理屋邨事務。（郭永強攝）
律師伍家賢指出，根據《破產條例》，破產管理署接收破產人的物業乃屬永久性，該署毋須供樓，但可隨意決定何時賣樓套現，所得款項會代破產人償還債項，事主當年不應繼續供樓：「就算事主供足十成，但業權點都得一半，好唔划算，唔應該供落去。」他指出，當時最好的做法是即時買回全數業權，或將單位還給房委會只作租住，或即時停止供款令物業成為銀主盤，由銀行套現後分錢。
外判會計師行　多賣樓套現


破產管理署近年將破產個案外判予會計師行跟進，會計師行傾向將破產人物業套現還債。（王偉洪攝）
曾經處理不少同類個案的何俊仁表示，根據《分劃條例》，只要其中一方業主想出售物業，就可向法庭申請強制令：「以前破產管理署唔會做到咁盡，但近呢十年開始，破產管理署將好多個案外判俾會計師行跟進，佢哋代表債權人利益，有權將破產人資產套現還錢，而且有嘢做，佢哋先有錢收，樣樣計到盡，好多家庭被迫搬走。」他指出，法官會平衡債主與破產者的家庭利益，但根據案例，多是破管署勝訴，除非有個案打至上訴庭勝訴，才有可能改變以後的訴訟結果。
出示供款記錄　證明佔物業比重
破產管理署回覆本刊時承認，每年大約有一萬宗破產個案，其中約二成半個案由外間受託人處理，現時正與五間會計師行合作；根據《破產條例》第 74條，當還清債務及利息、訟費等開支後，如有錢剩，破產人有權取回。不過，伍家賢認為，何太當年雖欠二十萬元，但連同利息及手續費，欠款額早已上升，難以判斷還清債務後是否有錢剩；現時事主可考慮透過供款記錄，向法庭證明自己佔物業的比重較大，「希望賣樓後可以分多啲錢，不過有無着數，都要打官司至知。」

smallcat

elevenbrother 发表于 22-4-2013 15:16
破產管理署焗業主賣樓
有讀者早年與太太買入公屋單位，太太破產後，單位的一半業權交由破產管理署持有，多 ...

:loveliness::handshake  eleven brother 兄   

smallcat

dopod123 发表于 22-4-2013 13:55
貓兄。。。你點睇法？

專家話：配偶破產　應停止供樓

破產管理署接收破產人的物業乃屬永久性，該署毋須供樓，但可隨意決定何時賣樓套現，所得款項會代破產人償還債項，事主當年不應繼續供樓

「以前破產管理署唔會做到咁盡，但近呢十年開始，破產管理署將好多個案外判俾會計師行跟進，佢哋代表債權人利益，有權將破產人資產套現還錢，而且有嘢做，佢哋先有錢收，樣樣計到盡，好多家庭被迫搬走。」


即係依家所有野都係向錢看, 沒辦法的了 :handshake

先死後生

一早停供樓 把樓退回房處再租樓就無事

現在真係有排煩

bb_q_888

外判迫賣樓係一定,一日未賣佢一日收唔到尾數,
就當收回30萬,假設回饋為5%.
仍都分得15000.

破署唔怕你拖,但外判唔同...總有退休一日.

'專家話：配偶破產　應停止供樓'
咁住係邊?有時現實咁睇,住多十年....交租都係返度,
十年前買可能乜都無.

smallcat

bb_q_888 发表于 25-4-2013 16:25
外判迫賣樓係一定,一日未賣佢一日收唔到尾數,
就當收回30萬,假設回饋為5%.
仍都分得15000.

專家意思可能供落去都係得個桔, 早D拿錢走, 都無辦法咯, 有辣有唔辣  :dizzy: