好焦慮..李周接手 有無人經歷過呢間

kt1018

我都係樓都賣左都要破（不赌），日日喊，喊到眼痛先識驚去睇精神科，第1年真係好難涯，已經唔洗跑數還$，只係自己情緒過唔到，比d時間自己去適應，加油。

Uny333

Reborn818 發表於 15-7-2025 19:08
個津貼要上繳俾佢哋，其實有商榷餘地嘅，我有收入先叫做額外啫，我而家都冇收入，甘點額外收入？如果佢當 ...

講真都黐線，層樓都俾佢哋拍賣賣左 所以如果讀完中心同我講話俾津貼我，我會同返學嗰邊講一係你俾現金我，一係我唔要啦

Uny333

kt1018 發表於 15-7-2025 19:16
我都係樓都賣左都要破（不赌），日日喊，喊到眼痛先識驚去睇精神科，第1年真係好難涯，已經唔洗跑數還$，只 ...

起初未破嘅時候 自己仲喺度死頂諗住捱得到呢關 最後都係要累到全家冇咗間屋，個個要出去租樓…心疼，完全覺得自己好似累全家.. 我而家成日經常間中冇嘢，間中又好sad 對好多嘢都好無力感…我知我情緒係一定有問題….

Reborn818

Uny333 發表於 15-7-2025 20:25
講真都黐線，層樓都俾佢哋拍賣賣左 所以如果讀完中心同我講話俾津貼我，我會同返學嗰邊講一係你俾現金我 ...

政府資助嘅基金邊有得俾現金，要你俾户口佢過數的。到時問清楚小周周係唔係要你上繳嗰幾千蚊，如果佢話係，咁你就同佢講我直接唔申請津貼。

Uny333

Reborn818 發表於 15-7-2025 21:45
政府資助嘅基金邊有得俾現金，要你俾户口佢過數的。到時問清楚小周周係唔係要你上繳嗰幾千蚊，如果佢話係 ...

係 我都打算唔要 寧願只拎證書

失控的人

Uny333 發表於 16-7-2025 00:08
係 我都打算唔要 寧願只拎證書

其實你冇野做，個津貼冇理由充公你架

Uny333

失控的人 發表於 16-7-2025 19:45
其實你冇野做，個津貼冇理由充公你架

早幾日我有同朋友提起，曾經佢哋領取過一啲關於類似政府嘅一啲津貼，但係佢哋嘅情況就唔係破產，佢哋話呢一類嘅津貼 ，就算你破產都唔可以攞去俾破產處，所以同我講話我應該要同佢哋企硬，仲話我係全日制咁樣去讀呢一個課程，其實同返工冇分別…

TG@nohearthk

李周又點

你失業咪無收入, 無得上繳
搵野做 搵到野咪同佢講, 佢又唔係財仔 又唔會上門 無咩怕既
好快4 年

xxx369

敢最後個政府基金津貼洗吾洗上繳？

Uny333

TG@nohearthk 發表於 21-7-2025 17:32
李周又點

你失業咪無收入, 無得上繳

正仆街嚟㗎，啱啱打去問佢哋
佢話人哋俾錢你喎，都係收入嚟㗎喎

我話嘩咁你哋受托人玩晒啦？
我失業層樓都俾埋你哋處理我去讀書個津貼係俾我嘅，又唔係超出你哋批俾我嘅生活費都要上繳

跟住打去破產管理處一個阿叔聽電話，態度極差又係咁樣講講法

：睇返你受托人個喎，同埋你收咗錢就係就係收入

我話吓筆錢係政府 都要俾你？

跟住個阿叔勁唔耐煩 啦啦啦我冇咁樣講啊，呢啲都係要問返受托人

Uny333

xxx369 發表於 21-7-2025 21:07
敢最後個政府基金津貼洗吾洗上繳？

根據返啱啱打去佢哋兩邊都係話要俾佢哋，咁我寧願唔要啦

跟住個阿叔就話我唔要嘅話，咁有權話你唔合作㗎喎

我咪燥撚咗

我話嘩拎又話要俾你哋拎，唔拎又話俾你唔合作，咁你哋想破產死啫？

Uny333

Reborn818 發表於 15-7-2025 21:45
政府資助嘅基金邊有得俾現金，要你俾户口佢過數的。到時問清楚小周周係唔係要你上繳嗰幾千蚊，如果佢話係 ...

我啱啱打咗去問晒啦..而家好撚嘈個人情緒再度升溫
陣間去睇醫生，希望攞到張紙攞唔到就再諗辦法睇吓啲平民睇情緒嘅方法

Reborn818

唔好嬲，唔好嬲，破產處條阿叔都唔敢正面答你，咁其實咪已經話咗俾你聽嗰個答案係點囉，傻妹。你同李周講嗰陣時有冇錄音？如果冇搵日再正正經經錄低佢所講嘅嘢。重點問，政府比嘅津貼，政府俾既錢我點解要上繳俾你哋？我而家係完全冇收入，既然係咁咁不如等法庭個官話俾我聽點解。

Uny333

Reborn818 發表於 30-7-2025 13:58
唔好嬲，唔好嬲，破產處條阿叔都唔敢正面答你，咁其實咪已經話咗俾你聽嗰個答案係點囉，傻妹。你同李周講嗰 ...

周周話 譬如傷殘津貼或者拎綜援嗰啲佢哋先唔會拎其他總之而家你係無業而有第三方俾你嘅錢都當係額外收入

咁我咪話咁如果我冇拎任何嘅錢，所以冇上繳咁唔犯法吧？

佢話咁你冇拎錢，咁當然冇嘢要俾我哋

我啱啱睇完醫生情緒激動，所以攞咗轉介信了

timmoz

Uny333 發表於 30-7-2025 13:53
根據返啱啱打去佢哋兩邊都係話要俾佢哋，咁我寧願唔要啦

跟住個阿叔就話我唔要嘅話，咁有權話你唔合作㗎 ...

總之人地叫你點做就點做，配合就得，跟住佢做就屈唔到你，你唔跟佢做只會蝕底

maggie_maggie

Uny333 發表於 30-7-2025 14:54
周周話 譬如傷殘津貼或者拎綜援嗰啲佢哋先唔會拎其他總之而家你係無業而有第三方俾你嘅錢都當係額外收入
...

我睇左精神科10年,政府係好重視精神科病人,除左了解身體需要開藥,你所有野都可以同醫生講,醫生做到既,
佢一定幫你.

津貼,我有工作都有拎津貼, 我有報比主任,佢叫我年報時報比佢...

破產唔係一件壞事,係比你一次重生機會.....

精神出現問題,去普通診所睇一次醫生,再開轉介信去政府醫院睇就可以....

你覺得世界好灰唔緊要,但個腦袋要清醒

Reborn818

timmoz 發表於 30-7-2025 15:00
總之人地叫你點做就點做，配合就得，跟住佢做就屈唔到你，你唔跟佢做只會蝕底 ...

你柒你蠢你當受託人神甘拜係你既事，人哋想點你無資格指指點點，俾人抽三成你都已經夠蝕底啦，仲嘈乜啫。
唔通你甘柒，呈請後有牙齒印戶口有錢俾有凍，又要人跟你？

Reborn818

Uny333 發表於 30-7-2025 14:54
周周話 譬如傷殘津貼或者拎綜援嗰啲佢哋先唔會拎其他總之而家你係無業而有第三方俾你嘅錢都當係額外收入
...

唔好嬲，冷靜冷靜，深呼吸。
擰津貼要又銀行戶口，到時都係要問條PK擰信開，到時睇吓點先，而家先冷靜。

Uny333

timmoz 發表於 30-7-2025 15:00
總之人地叫你點做就點做，配合就得，跟住佢做就屈唔到你，你唔跟佢做只會蝕底 ...

點樣唔跟佢做啊？跟足晒啦
我冇拎唔犯法個喎，更何況我都未讀書

Uny333

maggie_maggie 發表於 30-7-2025 15:15
我睇左精神科10年,政府係好重視精神科病人,除左了解身體需要開藥,你所有野都可以同醫生講,醫生做到既,
佢 ...

我而家就係攞轉介信要去醫院睇囉，我就係覺得我情緒非常之有問題，但係我又冇錢睇私家醫生

咁我唯有同我長期病患個醫生講，咁佢啱啱都肯開俾我，因為佢見我情緒非常之激動

而家唔係淨係報俾佢，佢而家係話因為我而家無業，總之所有第三方嘅錢都要俾佢上繳

如果我係返緊工嘅，我當然明白要上繳呢個道理啦