好焦慮..李周接手 有無人經歷過呢間

Reborn818

Uny333 發表於 14-7-2025 21:55
已經日日逼自己出街行 都係咁…

以前有冇做開運動？運動係真係可以治療焦慮㗎。

Uny333

失控的人 發表於 14-7-2025 22:20
C兄，襯呢段時間你地夠唔夠資格申請公屋？申請返間公屋，到時有個安樂窩⋯⋯經濟壓力就冇咁大，幾年後又 ...

有去搞 又要去攞返以前物業嘅查冊 都有排…香港一定係新移民攞公屋先 本地人真係食得屎

Uny333

Reborn818 發表於 14-7-2025 22:38
以前有冇做開運動？運動係真係可以治療焦慮㗎。

前排又做，呢排冇做????

Uny333

timmoz 發表於 14-7-2025 22:20
政府多數好hea俾懞仔藥你食，食完會好攰，集中唔到精神，唔會有咩效果。反而心理治療私家可能幫到手。 ...

我睇過太貴了，開藥又另外計錢…負擔不起

Uny333

Reborn818 發表於 14-7-2025 22:36
你到時記得講嚴重啲啦，嗱嗱聲等佢去寫referral 去咗專科，跟住睇吓佢安排有冇需要再分流。
Lee科香港睇 ...

就係怕我而家睇緊嘅醫生唔肯開另外一個專科嘅轉介信，岩岩夜闌人靜又喊… 我覺得我就嚟又黎料

Reborn818

Uny333 發表於 15-7-2025 00:36
就係怕我而家睇緊嘅醫生唔肯開另外一個專科嘅轉介信，岩岩夜闌人靜又喊… 我覺得我就嚟又黎料 ...

咩原因你會覺得醫生唔肯呢？
香港醫療系統個程序係要咁個喎，邊有得佢唔肯？個問題只係佢肯唔肯寫急診俾你咋嘛。
我外母之前嗰排成日胃痛，其實已經諗住同佢出去私家照胃鏡，佢話睇吓政府醫生肯唔肯俾佢出去照先，結果咪寫左轉介信俾佢去腸胃科（兩星期後有得睇），跟住兩個幾月後有得照堆胃鏡。
香港醫療資源，本來就係要俾我哋香港人用㗎嘛，只係大部份人唔識方式方法，無好好利用啫。

Reborn818

唔好胡思亂想啦，開啲純音音樂聽吓，喺床到深呼吸早啲休息啦

Uny333

Reborn818 發表於 15-7-2025 00:56
咩原因你會覺得醫生唔肯呢？
香港醫療系統個程序係要咁個喎，邊有得佢唔肯？個問題只係佢肯唔肯寫急診俾 ...

因為原本我睇緊嘅科係血壓血糖方面 ，精神情緒科怕唔係佢個範疇就唔肯開轉介信

Uny333

Reborn818 發表於 15-7-2025 00:57
唔好胡思亂想啦，開啲純音音樂聽吓，喺床到深呼吸早啲休息啦

好.. 試吓… 多謝師兄鼓勵:'(

Reborn818

Uny333 發表於 15-7-2025 01:17
因為原本我睇緊嘅科係血壓血糖方面 ，精神情緒科怕唔係佢個範疇就唔肯開轉介信

...

傻豬，就係唔係佢範疇先要佢轉介。

Uny333

Reborn818 發表於 15-7-2025 01:30
傻豬，就係唔係佢範疇先要佢轉介。

月尾見醫生，希望可以，陰霾嘅情緒仍然未離開我

Reborn818

Uny333 發表於 15-7-2025 10:42
月尾見醫生，希望可以，陰霾嘅情緒仍然未離開我

月尾先見？甘耐……
我之前喺另一個post 有講點樣可以容易啲約到政府健康院門診，我重貼過嚟俾你睇。
——/————————————/————————-
或者你試下甘，你用醫管局嘅HA Go app去預約你屋企附近嘅健康院睇咗門診先，見醫生嗰陣時講到有幾嚴重得咁嚴重，一般如果嚴重個案佢肯寫urgent俾你的話，兩個禮拜左右就可以去見專科，到時就所有關於你嘅情緒問題，全部去返政府醫院跟進，咁就可以所有嘅證據，亦可以去醫院問醫療社工，睇吓有乜嘢資源可以幫助到你。
但Ha go 預約要有少少技巧（我好多朋友同事都約到講撚晒粗口），你打開個App 係預約普通科門診，通常你揀完地方之後你會見全部都係滿，其實佢個系統係，每個鐘更新一次，即係如果你要約聽日下午六點，你今日下午六點正就要入去搶（系統可預約未來24小時），一入去見滿，就再更新，玩多幾次後生仔應該唔難掌握。
外母70幾歲都學得識（佢話唔想成日煩我），所以我覺得你應該冇問題的。
人生百苦，唯有自渡。

Uny333

Reborn818 發表於 15-7-2025 13:07
月尾先見？甘耐……
我之前喺另一個post 有講點樣可以容易啲約到政府健康院門診，我重貼過嚟俾你睇。
— ...

我有睇到 但個app勁難約…頂 岩岩職業培訓打黎我返得學…佢地會唔會逼我仲緊左？陣間會唔會又話做乜讀完唔做野之類（讀完都唔係即刻有工同做唔做得黎）我而家焦慮症都出埋黎…救命

Reborn818

Uny333 發表於 15-7-2025 16:05
我有睇到 但個app勁難約…頂 岩岩職業培訓打黎我返得學…佢地會唔會逼我仲緊左？陣間會唔會又話做乜讀完 ...

向好個方面諗啦，既然排到有位就快快去返學，一來可以分散吓精神，二來又有津貼咪幾好。
ERB課程讀完又唔係識飛，佢逼你你咪叫佢介紹份工俾你囉，其實受託人真係冇你哋想像中咁大權力的，如果佢有咩唔禮貌，你大聲拍檯小佢都仲得。總之你覺得佢言語間有咩逼你，你就不停咁同佢講你排緊精神科就得㗎啦。

kt1018

4年前，我係去私人家庭醫生睇，直講因經濟問題有自殺諗法，全程喊住講，要求開轉介信睇政府精神科，之後拎封信直接去醫院掛新症

Uny333

kt1018 發表於 15-7-2025 18:58
4年前，我係去私人家庭醫生睇，直講因經濟問題有自殺諗法，全程喊住講，要求開轉介信睇政府精神科，之後拎 ...

我都有諗過，如果我嗰個醫生唔肯我係咪真係要嘥錢去私家嗰度見過醫生開張證明，另外證明又要再比多$1000即係total 3000幾4000（救命…）

kt1018

d藥食左會令個人放鬆左，好瞓d，加上時間過去接受左破產呢件事，咁個人就會慢慢好起來。

Uny333

Reborn818 發表於 15-7-2025 18:42
向好個方面諗啦，既然排到有位就快快去返學，一來可以分散吓精神，二來又有津貼咪幾好。
ERB課程讀完又唔 ...

我問咗喇，佢話個津貼都要上繳俾佢哋喎，佢話當係我額外收入喎….我真係有啲唔想拎囉，呢個津貼…我淨係要張讀完嘅證書

Uny333

kt1018 發表於 15-7-2025 19:01
d藥食左會令個人放鬆左，好瞓d，加上時間過去接受左破產呢件事，咁個人就會慢慢好起來。 ...

其實我係仲未接受到自己個人生點解會變到咁..原本一副好牌打到爛..然後身邊屋企有好多嘢發生，全部都係衰嘢..一係就有啲嘢係發生喺啲唔啱嘅時間.. 真係，其實好唔開心

Reborn818

Uny333 發表於 15-7-2025 19:02
我問咗喇，佢話個津貼都要上繳俾佢哋喎，佢話當係我額外收入喎….我真係有啲唔想拎囉，呢個津貼…我淨係 ...

個津貼要上繳俾佢哋，其實有商榷餘地嘅，我有收入先叫做額外啫，我而家都冇收入，甘點額外收入？如果佢當面同我甘講，我直程兜口兜面話咁呀我唔撚讀了。
不過點都好啦，出去讀下，有證書又可以分散吓精神其實係好事嚟嘅。