糾結中

Yy012345 · 发表于 14-6-2025 21:03:34

Yy012345 發表於 14-6-2025 21:01
同埋呢，因為我7月15號先正式頒令。但我Amxx 已經入唔到個app…Mox 又取消我户口同信用卡。不過呢兩間我 ...

Btw 我check 左TU，我5月27號當日申破既紀錄已經上左TU

Remus31 · 发表于 14-6-2025 21:53:47

破完產，之後出糧，都係禁晒出黎嗎

Reborn818 · 发表于 14-6-2025 22:44:20

Yy012345 發表於 14-6-2025 21:01
同埋呢，因為我7月15號先正式頒令。但我Amxx 已經入唔到個app…Mox 又取消我户口同信用卡。不過呢兩間我 ...

其實呈請後，破處已經會通知債權人，同當然會上埋環聯，所以好多二線財務，基本上會每月Review環聯，佢哋就會知道你已做破產呈請。
不過到你正式頒令後，填26頁時會問你有冇通知債權人同用咩方法，所以我建議你通知晒佢哋全部就係咁解。

Reborn818 · 发表于 14-6-2025 22:45:05

Yy012345 發表於 14-6-2025 21:03
Btw 我check 左TU，我5月27號當日申破既紀錄已經上左TU

係，環聯好快會有你破產呈請紀錄。

Yy012345 · 发表于 14-6-2025 22:51:17

Reborn818 發表於 14-6-2025 22:44
其實呈請後，破處已經會通知債權人，同當然會上埋環聯，所以好多二線財務，基本上會每月Review環聯，佢哋 ...

因為我六間全部都係一線，得X錢包追過我，所以我send過臨時令俾佢，跟住佢就冇再煩。另外螞蟻銀行就每日send電郵俾我囉。冇打過電話俾我。我打過去同佢講我已經做咗破產呈請佢就叫我有正式令之後再通知佢哋。之後嗰四間都係啱啱先過咗還款日。所以暫時未有人搵我。我應該點樣主動聯絡佢哋？就咁打去CS同佢講我已經做咗破產呈請？同埋我都係煩緊6月30號出糧出支票，現有嘅銀行戶口又俾人凍結左，但係我7月15號先有正式令，如果我想六月30至7月15號之間出到糧撳到現金嘅話，有冇話有咩細行可以開到戶口？

Reborn818 · 发表于 14-6-2025 23:00:41

我覺得主動聯絡債權人，然後問佢點樣俾呈請文件佢。這段時間可以開嘅銀行戶口，真係選擇唔多了，之前同學仔，好多都係用X隆過渡，但其實如果你公司肯出票俾你，你又有家人可以幫你頂住先，或者留返，搞掂晒口再去開新戶口先入票，好似甘樣簡單d。

may_may · 发表于 14-6-2025 23:08:51

本帖最後由 may_may 於 14-6-2025 23:12 編輯

Yy012345 發表於 12-5-2025 19:32
比AMxx cut 左21萬limit …喺無入息嘅情況下係咪冇辦法再問一線借錢了？

你係咪近期申請左其它財仔卡？正常好小咁樣cut limit..

konate1985 · 发表于 15-6-2025 17:07:13

Reborn兄可唔可以分享下, 你大約係幾時收到正式頒令? 記得你係直接判左去外判, 咁第一次你交左26頁紙後, 到依家外判有無叫你補交其他文件或解釋咩野?

Reborn818 · 发表于 15-6-2025 20:08:46

konate1985 發表於 15-6-2025 17:07
Reborn兄可唔可以分享下, 你大約係幾時收到正式頒令? 記得你係直接判左去外判, 咁第一次你交左26頁紙後, 到 ...

我今年一月尾正式頒令的。
叫我解釋三個月內嗰條新數，係破產處唔係外判阿，嗰時我問返我外判，佢話叫我直接書面解釋所有嘢同俾返破產處就OK。
解完畫後跟住之後無再冇收過任何信件了。

Yy012345 · 发表于 20-6-2025 19:37:32

Reborn818 發表於 15-6-2025 20:08
我今年一月尾正式頒令的。
叫我解釋三個月內嗰條新數，係破產處唔係外判阿，嗰時我問返我外判，佢話叫我 ...

我一直財務好穩定..係今年年初一開始賭錢輸左百幾萬。積蓄70萬連卡數65萬輸哂，其實到而家都係幾個月嘅事。但係我月結單見到我喺海外提款紀錄。個時輸錢上頭係咁禁錢賭，都有好多過大海嘅出入境紀錄。係咪照同破處講就得？

Yy012345 · 发表于 20-6-2025 19:40:00

Yy012345 發表於 20-6-2025 19:37
我一直財務好穩定..係今年年初一開始賭錢輸左百幾萬。積蓄70萬連卡數65萬輸哂，其實到而家都係幾個月嘅事 ...

同埋我比公司炒咗了…出左劃線支票但7月15先頒令，呢段時間應唔應該去細行開個銀行戶口入咗張支票再禁返現金出嚟？因為淨係返咗10幾日工。

Reborn818 · 发表于 20-6-2025 21:03:18

Yy012345 發表於 20-6-2025 19:37
我一直財務好穩定..係今年年初一開始賭錢輸左百幾萬。積蓄70萬連卡數65萬輸哂，其實到而家都係幾個月嘅事 ...

佢會要你提出證據的。
所以所有月結單你留返好佢，如果係E statement 你就快快去download返keep好佢，到時如果咁不幸破產管理處要理解話，到時先執好俾破署睇。

Reborn818 · 发表于 20-6-2025 21:07:12

Yy012345 發表於 20-6-2025 19:40
同埋我比公司炒咗了…出左劃線支票但7月15先頒令，呢段時間應唔應該去細行開個銀行戶口入咗張支票再禁返 ...

如果頒令後，你未有新工作，破產管理署唔會俾你開户口的，支票限期半年，所以你想點樣處理睇吓你之後工作情況，如果你諗住可能冇咁快有嘢做，咁就試吓搵間細行開戶然後擰返出黎。

timmoz · 发表于 20-6-2025 21:40:19

Yy012345 發表於 20-6-2025 19:40
同埋我比公司炒咗了…出左劃線支票但7月15先頒令，呢段時間應唔應該去細行開個銀行戶口入咗張支票再禁返 ...

正確方法，保留支票等正令順手拎開戶信，咁張票就唔會食左，同埋申請支票金額做生活費，未必會批哂，失業應該可以至少拎部分，咁就拎到錢同開埋戶口，其他野煮到埋黎再睇，都係有月結單，單據做證明最好，自己睇下點覆佢，之前有人網賭但係拎唔到紀錄證明，連入數證明都無，咁就煩了，有既話又可能話你轉移資產。

Reborn818 · 发表于 20-6-2025 21:47:03

timmoz 發表於 20-6-2025 21:40
正確方法，保留支票等正令順手拎開戶信，咁張票就唔會食左，同埋申請支票金額做生活費，未必會批哂，失業 ...

你發雞盲？你睇唔到人哋話佢已經俾公司炒咗咩？咁如果頒令嗰陣時佢未有新工點開戶口？
你自己解個畫未？未解過的話你收皮啦好冇？錢擰去賭錢，仲留咩Q野單？
到樓主有需要時，我會話俾佢聽點樣分門別類，點樣喺銀行月結單度highlight晒，整整齊齊去破產管理署度解畫，
收數佬乜都唔識，你彈啦。

Reborn818 · 发表于 20-6-2025 21:52:11

樓主咪講咗佢月結單上邊，有晒海外提款紀錄囉，有晒出入境紀錄，你喺度發噏風之前，唔該睇吓人哋講過咩啦唔該。

Yy012345 · 发表于 21-6-2025 09:37:19

Reborn818 發表於 20-6-2025 21:07
如果頒令後，你未有新工作，破產管理署唔會俾你開户口的，支票限期半年，所以你想點樣處理睇吓你之後工作 ...

可以去交通銀行試下開户口嗎？開個戶口入完張票我就會撳現金出嚟。同埋我想問有冇話正令前點解細行易啲開到戶口？係因為細行未知道我做咗破產呈請？

Reborn818 · 发表于 21-6-2025 10:39:37

Yy012345 發表於 21-6-2025 09:37
可以去交通銀行試下開户口嗎？開個戶口入完張票我就會撳現金出嚟。同埋我想問有冇話正令前點解細行易啲開 ...

交通應該唔得啊。
以前啲同學仔頒令前一般開永x，創x同小新，但永x開戶應該要一萬蚊，好多開完轉頭禁返出嚟。
至於點解啲機更容易開，我諗係各有各對金融管理局嘅偵測處理唔同掛，希望而家政策冇變，開到一樣可以用到頒令後啦。

Yy012345 · 发表于 21-6-2025 11:28:51

Reborn818 發表於 21-6-2025 10:39
交通應該唔得啊。
以前啲同學仔頒令前一般開永x，創x同小新，但永x開戶應該要一萬蚊，好多開完轉頭禁返出 ...

如果頒令後未有工返無得拎開户信，咁可以拎解凍信嗎？唸緊張支票點好，如果細行開唔到户口，可以入落現有銀行户口等拎解凍信再禁現金出嚟嗎？

Reborn818 · 发表于 21-6-2025 11:49:11

Yy012345 發表於 21-6-2025 11:28
如果頒令後未有工返無得拎開户信，咁可以拎解凍信嗎？唸緊張支票點好，如果細行開唔到户口，可以入落現有 ...

如果細行開唔到，到頒令時都未搵到新工，可以用呢個方法，但解凍戶口一般冇咁快的，所以你自己諗吓邊個方法比較好。

		自动登录	找回密码
密码			註冊