被財仔告詐騙

konate1985

Reborn818 發表於 24-9-2025 22:52
其實一般借完去老破，而俾人刑事檢控詐騙而罪成，通常會係牽涉虛假文書，如樓主借貸時提供資料嘅文件全部都 ...

但佢又話有d野唔方便寫得太清楚, 感覺樓主有d野未講...:L

konate1985

話時話樓主除左呢間話要告你既一線財外, 仲有d咩其他數

may_may

Reborn818 發表於 23-9-2025 23:29
如果一直還唔到錢會點？視乎你銀碼有幾大，同你債權人係咩人，正常如果唔係涉及刑事詐騙，只要真係資不抵 ...

師兄, 咁請問我家人個case, 幾個月前（剛剛已過3個月）,新申請左幾間銀行同一線財新戶口, 約一個月內攞晒d錢出黎去賭（過了3個月）, 還了2-3個月min pay/供款, 咁應該唔算刑事? 咁如果主任問點解突然請咁多貸款, 你覺得點解釋係最好？謝謝師兄

Reborn818

may_may 發表於 25-9-2025 07:00
師兄, 咁請問我家人個case, 幾個月前（剛剛已過3個月）,新申請左幾間銀行同一線財新戶口, 約一個月內攞晒d ...

講真，你家人個case根據你之前所有嘅論述，我覺得百分之百係刑事詐騙屬性，只係舉手後，債權人覺唔覺得要刑事起訴佢又係另一件事（人哋喺做生意嗰度都要睇所有資源值唔值得）
講得直接啲難聽啲，你屋企人借錢嗰陣時都已經係預咗攞去賭，都預咗還唔到，如果做交埋佢借貸所有資料都係虛報，簡單嚟講佢自己做緊咩都心知肚明，點解仲要問返人轉頭係有冇問題呢？
至於你話主任嗰度問到點解釋，我覺得你舉手後你過到債權人過關先算啦，如果俾人控告虛假文書加詐騙而入罪，一般法庭都唔會頒破產令（簡單嚟講即係唔俾佢破產），即使法庭頒破產令，佢俾人告而罪成所嘅欠債都唔會被豁免或由受託人管理，即係舊價錢佢即使破產佢一樣要還。

Reborn818

借錢還唔起破產，同全心詐騙當然係好大分別，以下係在某個討論區搵出黎出嚟俾大家參考一下。
———————-/——————

按你的假設性情況去討論，如你所言，同時向五間銀行借貸卻聲稱在數天內花光，接著申請破產，則被債權人控訴欺詐的機會是百分之一百！因明顯你在借貸時便已存心申請破產，從未有盡還款的努力甚至嘗試還款，加上你同時向多方借貸，則蓄意欺詐並意圖藉著破產避債的表證便確立了，必會被控欺詐！

那如暫不申請破產，先還幾期才申請破產是否可免欺詐指控呢？又或者不同時向多方借貸，而是分時段向幾間銀行財務借貸，再還幾期才破產，是否更能避免欺詐指控呢？
這兩個假設性選項，當然較剛借貸便即時申請破產聰明！但是否足以完全免去欺詐的指控呢？答案卻是未必！
如上所言，要判斷破產者有否欺詐，除了借貸的方式及還款情況外，尚要視乎其借貸時的經濟狀況！

假設破產者在借貸時根本無工作收入，卻隱瞞或以其他方式誤導貸款方，則同樣屬於欺詐！因他明知自己無工作及還款能力，仍然在無申明的情況下去取得貸款！而相信任何貸款方都不會在明知借貸人無工作收入，無還款能力的情況下，仍然批出貸款！
再假設破產者有工作收入又如何呢？可以完全避過指控嗎？那便要視乎收入及債務總額的對
比了！
即是說假若收入在扣除必要生活支出後，原是能勉強應付分期還款的，祇因某些原因才導致無法繼續還款要申請破產，那將不會被視為欺詐（突發原因可以是失業、傷病無法工作等）！相反如債務總額遠超收入的負荷能力，那縱使有收入都仍然可被控欺詐！因基本上無論如何，收入都無法應付還款，加上利息的累積！故明知收入應付不了債務，卻仍然選擇借貸及隱瞞貸款方，同樣屬欺詐！

jackywong

Reborn818 發表於 25-9-2025 10:49
講真，你家人個case根據你之前所有嘅論述，我覺得百分之百係刑事詐騙屬性，只係舉手後，債權人覺唔覺得要 ...

如果不是虛假文書，借出來馬上拿去賭，這樣都說欺詐嗎

Reborn818

konate1985 發表於 24-9-2025 23:15
但佢又話有d野唔方便寫得太清楚, 感覺樓主有d野未講...

甘始終網上人多口雜，咁係冇理由坦蕩蕩將自己啲嘢乜都講晒出嚟嘅。
咁如果樓主自己都覺得詐騙係有機會入既，咁肯定係有啲嘢心知肚明啦。
但如果佢講得虛假文書嗰度入唔到，其實係有機會未必會起訴詐騙的。

Reborn818

jackywong 發表於 25-9-2025 10:56
如果不是虛假文書，借出來馬上拿去賭，這樣都說欺詐嗎

算，因為借貸嗰陣時會問你借貸原因，你唔會寫係擰去賭啩？咁已經係虛假陳述而欺騙債權人獲得貸款，法律上已經係百分之百係詐騙

jackywong

Reborn818 發表於 25-9-2025 11:00
算，因為借貸嗰陣時會問你借貸原因，你唔會寫係擰去賭啩？咁已經係虛假陳述了 ...

咁如果咁講，這裏很多人都衰賭錢而破產，咁其實咪都奶嘢？ 只不過是債權人或破產署告不告你咁解？

Reborn818

konate1985 發表於 24-9-2025 23:17
話時話樓主除左呢間話要告你既一線財外, 仲有d咩其他數

其實如果佢有其他數，如佢呢單入咗，法庭一樣有機會照頒破產令，但告佢詐騙嗰個債權人嗰25萬佢一樣要照還。

Reborn818

jackywong 發表於 25-9-2025 11:04
咁如果咁講，這裏很多人都衰賭錢而破產，咁其實咪都奶嘢？ 只不過是債權人或破產署告不告你咁解？ ...

有理解能力既，自己睇吓我65樓寫咩。
破署其實就好少理你刑事詐騙啲樣嘢（根本亦都唔係佢哋所管），破署着眼，只係你有冇犯破產條例。
債權人會唔會去用資源去告，其實睇你自己點樣部署，同債權人計過數覺得值唔值得。
至於點為刑事詐騙我65樓嗰度已經寫得好清楚，至於點樣理解你自己嘅事了。
其實唔關你係咪賭錢輸晒，就算你唔係破產，你新數行咗去唔還，債權人一樣有機會會控告你詐騙

jackywong

2025決心破產 發表於 23-9-2025 09:36
絕對唔還 我自己一線二線扣底電話數都有好多條一期都無還過就破，破得產就唔可以驚架喇！你還得一間，又有 ...

請問借貸時，他們問你用途是什麼，你是怎樣回答？

jackywong

Reborn818 發表於 25-9-2025 11:15
有理解能力既，自己睇吓我65樓寫咩。
破署其實就好少理你刑事詐騙啲樣嘢（根本亦都唔係佢哋所管），破署 ...

債權人就算告得入債仔欺詐，最後能獲得些什麼？ 債仔最多加長破產時間，甚至坐監。

按這個說法，債權人根本就不會浪費資源去告債仔，因為根本就得不償失。

Reborn818

jackywong 發表於 25-9-2025 11:42
債權人就算告得入債仔欺詐，最後能獲得些什麼？ 債仔最多加長破產時間，甚至坐監。

按這個說法，債權人 ...

你認為唔會告你咪去破產，好彩嘅過關咪恭喜你，我都唔知你問來問去做乜。
溫馨提示一聲，如果俾人告詐騙而入罪，你係唔會破到產的，係一樣要照還錢，債權人出呢招，就係唔想你破產令佢有損失要你一樣照還錢俾佢哋。
刑事罪行唔係下下要講得到啲咩，唔通殺人俾人拉去坐監，受害人會翻生？根本你連基本邏輯都有問題。

may_may

Reborn818 發表於 25-9-2025 10:52
借錢還唔起破產，同全心詐騙當然係好大分別，以下係在某個討論區搵出黎出嚟俾大家參考一下。
—————— ...

謝謝師兄回覆, 咁如果係咪, 叫佢走數係咪好d? 或者借2線還而家的一線, 盡量還多幾期先？師兄有冇更好的部署？謝謝您

Reborn818

may_may 發表於 25-9-2025 12:21
謝謝師兄回覆, 咁如果係咪, 叫佢走數係咪好d? 或者借2線還而家的一線, 盡量還多幾期先？師兄有冇更好的部 ...

我45樓所寫既真實案例，佢只係借完一期都無還走數，無搞老破的，咪一樣被債權人告欺詐，然後罪成。
你親人咁搞法，其實老破同走數我唔覺得有咩分別，全部借貸都係近期，仲要一次過申請幾條貸款，老實講，我覺得除非佢真係幾年後先老破，如果唔係根本就高危到，我覺得神仙都救唔到佢。
答唔到你點部署喎，完全唔知佢啲數有幾大，唔知佢用嚟借貸啲文件係真定假，定係老作亂咁噏。
仲借二線去冚一線嚟做乜？講真，如果你親人係高收入人士，直接搵間銀行去做轉數結餘都得啦，仲要玩啲咁嘅嘢咪又係呃呃騙騙先借到，所以而家一係就嗱嗱聲走去搞老破，就算要俾人告都冇辦法，因為根本係佢自己申請。
走數都唔係唔可以嘅，就算搵唔到佢，但都唔代表債權人唔起訴佢。

may_may

Reborn818 發表於 25-9-2025 12:53
我45樓所寫既真實案例，佢只係借完一期都無還走數，無搞老破的，咪一樣被債權人告欺詐，然後罪成。
你親 ...

師兄, 唔該晒您的詳細分析, 看看她最後決定怎樣..

jackywong

Reborn818 發表於 23-9-2025 22:55
真實案例，俾你參考。
多年前有朋友嘅細佬，借咗銀行（細行）七萬蚊，跟住一期到無還返咗澳洲，年幾兩年 ...

7萬蚊！

we2008

Reborn818 發表於 23-9-2025 22:55
真實案例，俾你參考。
多年前有朋友嘅細佬，借咗銀行（細行）七萬蚊，跟住一期到無還返咗澳洲，年幾兩年 ...

唔信

Reborn818

we2008 發表於 11-10-2025 13:29
唔信

唔信就算，關人忍事。呃你即刻仆街死，佢連律師都係我介紹，係到耐既同學仔會知我係咩人。