入學了

Yy012345

Reborn818 發表於 24-7-2025 23:44
一般失業中都係暫時跟主任啲，而家你應該係暫時跟主任。
外判有兩種，一種係直接外判，呢種通常都係破署 ...

呈請前3個月內有130,000新嘅數 ，不過啱啱都同主任解釋咗，同埋講返嗰百幾萬包括貸款同埋積蓄點輸等等，其實係四個月內輸咗百幾萬，跟住又冇收入，所以資不抵債破產。我就send晒所有銀行戶口月結單同埋信用卡月結單俾佢睇。同埋都同佢講咗去澳門嘅次數至少30次，佢唔信可以睇出入境紀錄。不過我send咗成廿幾份文件俾佢驚佢嚇親。因為賭錢啲錢出出入入實在太多數。月結單上就見到好多海外提款，同埋又喺賭場EPS買籌碼嘅紀錄，所以我諗佢應該都理解嘅，唉但係我係驚佢覺得我好爛賭之後逼我搵工上繳返啲錢。

Yy012345

Reborn818 發表於 24-7-2025 23:44
一般失業中都係暫時跟主任啲，而家你應該係暫時跟主任。
外判有兩種，一種係直接外判，呢種通常都係破署 ...

有冇可能四年都係跟主任？同埋之後每一年嘅年報係咪可以電郵send過去唔使見面？

Reborn818

細膽小姐 發表於 24-7-2025 23:49
咁我想問有咩人多數會係要債權人指定外判？係呢度真係學識到野

正常債權人覺得你可以還得比較多嘅上繳，就會有機會開債權人大會丟去佢嘅指定外判。
假設，你破產前三年同而家收入平均大概二萬蚊，單身，同屋企人住公屋，父母唔夠65歲仲要有工作，你點樣計支出，點樣傾都都起碼要上繳30 ％，一般類似嘅case就好大機會債權人要要求開會。
例如好似我咁，收入算高，但我破產前嘅恆常支出都係多（破產恆常支出佢哋係冇得唔批，同我一早準備晒全部有單有據），簡單嚟講，債權人搵外判點樣揸我，佢都唔會揸到有幾多，所以我係直接外判。

Reborn818

Yy012345 發表於 24-7-2025 23:56
呈請前3個月內有130,000新嘅數 ，不過啱啱都同主任解釋咗，同埋講返嗰百幾萬包括貸款同埋積蓄點輸等等， ...

俾晒所有料主任睇就得，反正料又齊有證有據，同你亦都同佢解釋得清清楚楚。
上繳多與少係用過支出收入嚟計出黎，正常嘅生活費佢一定要俾你（只係有時遇到啲好人手鬆啲會批多少少），唔會因為佢覺得你爛賭而要你上繳多啲的。

Reborn818

Yy012345 發表於 24-7-2025 23:57
有冇可能四年都係跟主任？同埋之後每一年嘅年報係咪可以電郵send過去唔使見面？ ...

呢個好難講，有機會有嘢做之後會轉去直接外判，但其實只要唔使開債權人大會，一般就唔會係嗰兩間所謂殺手外判。
不過我亦聽過唔使開債權人大會，都轉咗去其中一間殺手，但結果又好正常無咩特別野。
其實冇乜嘢嘅，到時咪睇餸食飯，搵份工上繳小小當費事煩，甘就通常無煩惱渡係過四年

細膽小姐

Reborn818 發表於 24-7-2025 23:57
正常債權人覺得你可以還得比較多嘅上繳，就會有機會開債權人大會丟去佢嘅指定外判。
假設，你破產前三年 ...

咁如果我搵萬九蚊扣埋mpf，萬七，母親未夠65歲無工作，媽媽住公屋，公屋已買，有2個姊妹同媽媽住。只交管理費，水電煤。我已婚。但要供養媽媽。咁我係咪有機要上繳30%囉。

Reborn818

細膽小姐 發表於 25-7-2025 00:40
咁如果我搵萬九蚊扣埋mpf，萬七，母親未夠65歲無工作，媽媽住公屋，公屋已買，有2個姊妹同媽媽住。只交管 ...

你已婚，咁你同你另一半住喺邊？你自己居住嘅生活開支呢？租金水電煤，全部都係老公比？
之前你申請破產喺律師樓，份28C支出個度佢同你點填？

細膽小姐

我同老公同佢媽住，但我同奶奶關係唔好無一齊住，三餐$4500，媽媽生活費$3000，電話費$500，車費$1500，生活用品$1500，稅$1000，家庭開支$1000，同朋友夾租金$5800(但朋友租+水電煤），MPF$950

Reborn818

細膽小姐 發表於 25-7-2025 01:23
我同老公同佢媽住，但我同奶奶關係唔好無一齊住，三餐$4500，媽媽生活費$3000，電話費$500，車費$1500，生 ...

意思係你同老公本來同奶奶住，但係夾唔嚟你自己搬咗出去同朋友住？？但租嗰度又係你朋友租？如果咁樣好難說服到，主任或者外判批租金俾你的。批租金正常要有租約係你名，同打晒釐印兼有租單。
母親供養嗰度，你有兄弟姊妹同佢住，仲要唔夠65歲，正常唔會批到3000的。

lewiswkf

師兄 主任係幾時搵你？我係5月29號呈請 同你一樣7月15頒令 7月17號上咗黃關交文件 但主任仲未搵我

Yy012345

lewiswkf 發表於 25-7-2025 15:50
師兄 主任係幾時搵你？我係5月29號呈請 同你一樣7月15頒令 7月17號上咗黃關交文件 但主任仲未搵我 ...

我係5月27號呈請7月15號頒令7月17號去左黃關文件。主任呢兩日都有搵我，我都有電郵覆佢。可能我呈請前幾個月好多新數同埋好多資金出入因為嗰陣時賭錢四個月輸咗百幾萬，所以佢就搵我要我解釋掛？但係佢都有問我而家每個月嘅家庭合理開支同埋我失業咁邊個養我等等。

Yy012345

Reborn818 發表於 25-7-2025 00:07
呢個好難講，有機會有嘢做之後會轉去直接外判，但其實只要唔使開債權人大會，一般就唔會係嗰兩間所謂殺手 ...

我其中一個債權人係螞蟻銀行。但係我香港支付寶仲用緊都冇問題，而家有$2000喺香港支付寶平時食嘢用支付寶俾錢。其實我已經頒咗正式令，咁我呢四年食飯搭車係咪可以用現金支付寶同埋八達通？同埋因為冇乜錢又失業，而家支付寶啲交易都係幾十至1000。 所以係一個正常嘅破產人破處應該唔會理呢啲細銀碼嘅交易？

Reborn818

Yy012345 發表於 25-7-2025 22:06
我其中一個債權人係螞蟻銀行。但係我香港支付寶仲用緊都冇問題，而家有$2000喺香港支付寶平時食嘢用支付 ...

支付寶正常使用係冇問題，但都係盡量唔好有咁多轉錢轉來轉去嘅交易（夾錢食飯細銀碼嗰啲就冇所謂），但你螞蟻嗰度有欠債，盡量唔好放咁多錢落支付寶，因為其實有機會會俾佢凍的。
如果你有時會淘寶拼多多或者上大陸食嘢的話，WeChat都可以用得一直都冇問題。

Reborn818

用八達通比較安全，同八達通可以開埋佢個Mastercard（雖然係debit 卡，不過好過冇，同埋佢可以link埋落去用到Apple Pay)

Yy012345

Reborn818 發表於 25-7-2025 22:25
用八達通比較安全，同八達通可以開埋佢個Mastercard（雖然係debit 卡，不過好過冇，同埋佢可以link埋落去用 ...

唔該晒師兄，啱啱即刻申請咗八達通張Mastercard，例如我想張debit卡有500可以用，就去七仔增值500入呢張卡？

Reborn818

Yy012345 發表於 25-7-2025 22:43
唔該晒師兄，啱啱即刻申請咗八達通張Mastercard，例如我想張debit卡有500可以用，就去七仔增值500入呢張 ...

增值落去八達通銀包入邊就OK，銀包啲錢可以用黎增值八達通，或當你用Mastercard嗰陣時直接扣

細膽小姐

Reborn818 發表於 25-7-2025 11:41
意思係你同老公本來同奶奶住，但係夾唔嚟你自己搬咗出去同朋友住？？但租嗰度又係你朋友租？如果咁樣好難 ...

咁我係咪應該轉兼職工，仲好過我反全職工作。搵少啲，好過上繳呀！

Yy012345

Reborn818 發表於 25-7-2025 22:44
增值落去八達通銀包入邊就OK，銀包啲錢可以用黎增值八達通，或當你用Mastercard嗰陣時直接扣 ...

明白，謝謝你的解答。加左入Apple Pay好方便。

Reborn818

細膽小姐 發表於 25-7-2025 23:34
咁我係咪應該轉兼職工，仲好過我反全職工作。搵少啲，好過上繳呀！

你自己決定啦，因為每個人嘅情況都唔同，我唔知你做咩職業，亦都唔知你對將來自己嘅career path 係諗住點行。咁例如有同學仔搵幾雞要上繳萬幾蚊，如果而家辭工搵份雞記野，四年後佢未必會搵得返同一份工資既工作（都未計，佢而家嗰份可能一路仲有機會升上去），咁嘅情況咁冇辦法㗎啦，你只可以乖乖咁上繳俾佢順順利利夠期畢業。

Yy012345

Reborn818 發表於 25-7-2025 22:44
增值落去八達通銀包入邊就OK，銀包啲錢可以用黎增值八達通，或當你用Mastercard嗰陣時直接扣 ...

另外，我想問吓我7月15號就上咗庭。咁係咪已經正式破產呢？但係點解我到目前為止都未收到任何正式破產文件證明？