找回密码
 註冊
楼主: Gretta

幫細佬還債,定係叫佢申請破產?

[复制链接]
发表于 20-8-2016 20:18:54 来自手机 | 显示全部楼层
個人覺得最好咩野都唔好幫,等佢自己感受下,咁先會醒覺。唔醒就真係無辦法,依家幫佢即係倒錢落入
 楼主| 发表于 21-8-2016 09:48:13 | 显示全部楼层
cl475867 發表於 20-8-2016 11:20
我破之前,屋企人有諗過幫我清咗條數,但最後都係揀咗破

你屋企人點解會決定唔幫你?
你自己又點諗?

我細佬最煩嘅係,雖然佢上次講到真係好唔想要家姐攞辛苦儲返來的錢出來幫佢,但真係唔想破產,話衰過一次會改。但我聽媽講,細佬有問過佢有冇錢,又問屋企係唔係完全冇錢(即係兩老有冇積蓄喇),知道冇後就會埋怨,話人哋屋企點點點... 我哋屋企不嬲都係窮架喇,但由細到大洗得最多錢喺佢身上,同埋點解佢會覺得屋企有積蓄,就可以畀佢用呢?我唔明呢D咩心態... 畀你會唔會咁諗?覺得屋企唔幫你就好似欠咗你咁?
 楼主| 发表于 21-8-2016 09:51:33 | 显示全部楼层
bill0828 發表於 20-8-2016 13:51
叫細佬寫張欠條俾你,最好搵6C做份文件。萬一以後出事距唔去破產,就由你來申請距破產。 ...

我已經決定唔理佢了,暫時冇乜聲氣,兩老亦未知呢條新債的存在。
既然佢依家自己話一切正常,應付自如,咁我唔理,出咗事都唔會理。
发表于 21-8-2016 10:00:17 | 显示全部楼层
Gretta 發表於 21-8-2016 09:48
你屋企人點解會決定唔幫你?
你自己又點諗?

我屋企人最初以為我得X新銀行條數幾萬, 其實唔止, 之後我又驚如果失業我就冇錢還比佢地, 而家破咗都好, 份工有得做我會繼續做, 唔駛驚失業冇錢還
 楼主| 发表于 21-8-2016 10:02:06 | 显示全部楼层
flypig 發表於 20-8-2016 12:15
十幾萬??絲打你都幾富有。
我只會拎30k到50k.由於唔夠數,你細佬一係拎去博一博。
一係就摵多幾個月。 ...

十幾萬係我呢五年儲的,同個保險佬買咗個儲蓄基金呀麻,儲埋今年,十幾萬放喺度滾存(佢係咁講),老來攞返出嚟退休... 我都儲得好辛苦,供呢份嘢仲另外要供保險呢... 邊似得我細佬呢幾年原來仲過梗D洗腳唔抹腳的生活,出親國就話係公幹,出去蒲又話係朋友請... 其實我諗係冇句真囉。
我嗰十幾萬,如果依家想攞D出嚟,就等同要cut咗份基金,一拎就要拎哂出嚟,都冇得話拎一半... 只攞得返本金,蝕哂D息呀,咩紅利呀... 老竇話自己細佬都唔幫,但我想問係唔係要咁樣幫囉...
 楼主| 发表于 21-8-2016 10:08:41 | 显示全部楼层
bampot 發表於 20-8-2016 20:18
個人覺得最好咩野都唔好幫,等佢自己感受下,咁先會醒覺。唔醒就真係無辦法,依家幫佢即係倒錢落入 ...

係呀... 我依家都咁諗... 係前幾日老竇打電話來話我自己細佬都唔幫,一時太嬲同太亂,諗到亂哂龍。
我老竇只係發現咗一萬數卡數就咁緊張,講到要跳樓喇,畀佢知係十幾萬,真係唔知會點囉...
我答佢時都企到好硬,話之前幫佢還咗幾十萬叫做冇幫過呀?!佢都冇聲出。
但佢可能覺得依家一萬蚊卡數我都坐視不理啩,但我唔想理係因為我知其實係十幾萬囉...
 楼主| 发表于 21-8-2016 10:17:24 | 显示全部楼层
cl475867 發表於 21-8-2016 10:00
我屋企人最初以為我得X新銀行條數幾萬, 其實唔止, 之後我又驚如果失業我就冇錢還比佢地, 而家破咗都好,  ...

雖然唔知你之前點解欠咁多錢,但想問下你之前洗大咗洗慣咗,破產後係唔係真係接受到節衣縮食的生活?會唔會成日心郁郁又想借?我知破產後冇得用信用卡,銀行都唔會肯借錢畀你,但我睇我細佬,如果咁嘅情況,佢癲起上嚟,話唔定走去借黑財... 我真係唔知點先可以令佢醒,我唔係想睇死佢,但我咁諗係因為佢今次已經係第二次,上次幾十萬佢話知錯,我都苦心婆心同佢講,唔夠錢洗都唔好咁蠢去借錢、去賭錢,有咩咪同家姐講... 但佢結果又係再去借錢,仲要唔認.. 咁睇佢係完全唔覺得借錢係有問題...
发表于 21-8-2016 11:36:18 | 显示全部楼层
其實冇得你去處理, 只要唔搞到你, 唔使你上身就可以了.
你話幫佢還錢, 其實同掉落咸水海冇分別...
发表于 21-8-2016 11:58:38 | 显示全部楼层
Gretta 發表於 21-8-2016 10:17
雖然唔知你之前點解欠咁多錢,但想問下你之前洗大咗洗慣咗,破產後係唔係真係接受到節衣縮食的生活?會唔 ...

我破之前總數欠2X萬,  最後有交債權証明既只有12萬幾,  我經歷咗我最唔想發生既事, 就係要開大會同判咗比黃X錫跟, 其實黃X錫跟冇D人講得咁差, 至於要唔要節衣縮食, 我覺得外判批生活費都算手鬆, 我覺得要唔要還錢好睇欠債總額, 我係唔駛還, 不過我份工係有雙糧既, 只係上繳雙糧
发表于 21-8-2016 12:01:22 | 显示全部楼层
本帖最後由 flypig 於 21-8-2016 12:03 編輯
Gretta 發表於 21-8-2016 10:02
十幾萬係我呢五年儲的,同個保險佬買咗個儲蓄基金呀麻,儲埋今年,十幾萬放喺度滾存(佢係咁講),老來攞返 ...

欠10+萬好尷尬。欠夠40就可以義無反顧地老破。當然要睇搵幾多喇。我諗你講清楚條路俾你細佬,就係 將來有一日,如果佢唔升職加薪,又繼續保持呢個消費習慣的話。到時去老破條路自己揀。咁底線係千祈唔好借黑財,唔好幫襯顧問。因為唔單只上身,而且累及家人。而且好多呃人。借2萬,可能實得5k.
至於一講到點解屋企無水,老豆點解唔係李+ x.你話點解佢唔係Steve Jobs.呢d野各有前因,埋怨可以係雙向的。
 楼主| 发表于 21-8-2016 14:31:46 | 显示全部楼层
alan1alan 發表於 21-8-2016 11:36
其實冇得你去處理, 只要唔搞到你, 唔使你上身就可以了.
你話幫佢還錢, 其實同掉落咸水海冇分別... ...

係呀,我依家都唔理喇...
 楼主| 发表于 21-8-2016 15:06:19 | 显示全部楼层
flypig 發表於 21-8-2016 12:01
欠10+萬好尷尬。欠夠40就可以義無反顧地老破。當然要睇搵幾多喇。我諗你講清楚條路俾你細佬,就係 將來有 ...

haha, 你講得好啱,老竇已經唔係李+X,佢仲夠膽死咁敗家。
依家佢冇出聲求救,話自己搞得掂,咁望就望佢呢幾年乖乖地唔再借錢,清哂D數。但如果佢再借,就一定爆煲,咁到時睇吓佢會點,係唔係又走嚟求救囉...
发表于 21-8-2016 19:13:18 | 显示全部楼层
Gretta 發表於 21-8-2016 15:06
haha, 你講得好啱,老竇已經唔係李+X,佢仲夠膽死咁敗家。
依家佢冇出聲求救,話自己搞得掂,咁望就望佢 ...

絲打,欠10幾個好易清數。
一種講法係18個月月薪就要考慮老破。
當然,人工愈低,所欠期數愈少,因為必須生活費佔一大截。咁其實如果佢月薪萬幾,未響警報。:handshake
 楼主| 发表于 21-8-2016 21:04:25 | 显示全部楼层
flypig 發表於 21-8-2016 19:13
絲打,欠10幾個好易清數。
一種講法係18個月月薪就要考慮老破。
當然,人工愈低,所欠期數愈少,因為必須 ...

其實正常來說,以佢月薪,根本從來都不成問題,冇可能要借錢。
但佢超大洗,每日ATM攞至少$800出嚟,係每日!仲未計碌卡。
佢依家戶口$100都冇,仲有一個禮拜先出糧,咁你話佢呢個禮拜何來的錢?咪又再碌卡或借囉...

我直頭幫佢計過條數,每月生活費$4000 (交通,飲食),再扣還債,都仲有千幾蚊剩,仲已經唔洗佢畀家用。我問佢點解會找唔到卡數,點解要借錢,佢永遠唔會答到你,淨係話你check佢、迫佢,話自己搞得掂。依家十幾萬,看似係冇問題,但難保佢繼續借落去,越滾越大,但同佢講乜都唔會聽,我只好放棄。好似睇住佢死咁,但你講多幾句、問多幾句,佢就話你唔信佢,話你再迫佢,佢就點點點...
发表于 21-8-2016 21:21:23 | 显示全部楼层
Gretta 發表於 21-8-2016 21:04
其實正常來說,以佢月薪,根本從來都不成問題,冇可能要借錢。
但佢超大洗,每日ATM攞至少$800出嚟,係每 ...

如果每日800 咁即係佢收入唔少
发表于 21-8-2016 21:51:28 | 显示全部楼层
Gretta 發表於 21-8-2016 21:04
其實正常來說,以佢月薪,根本從來都不成問題,冇可能要借錢。
但佢超大洗,每日ATM攞至少$800出嚟,係每 ...

咦…會唔會佢…成日去騎馬呢?
 楼主| 发表于 22-8-2016 00:19:50 | 显示全部楼层
cl475867 發表於 21-8-2016 21:21
如果每日800 咁即係佢收入唔少

唔係,佢係借錢同碌卡唔還,一直洗梗D唔屬於佢嘅錢。
 楼主| 发表于 22-8-2016 00:31:07 | 显示全部楼层
admin 發表於 21-8-2016 21:51
咦…會唔會佢…成日去騎馬呢?

我睇似係吃喝玩樂,買嘢畀女朋友同去旅行,成日同朋友去飲嘢,有時充大頭請客。
當然我點解都唔能夠理解一日洗一千蚊係點洗,可能仲有其他嘢我唔知。
我男朋友搵錢絕對多過我細佬,我都冇收過Tiffany喇(我拍拖第二年已經叫佢唔好再買嘢畀我,太無謂),去旅行都係一人一半,我出機票佢出酒店咁。我細佬同我講話拍拖要洗好多錢,咁佢自己同佢女朋友個腦都係裝屎個囉。我嬲係真係嬲我平時死慳死抵,都係想人生有少少計劃同預算,而佢完全冇計劃,平時豪洗豪玩,一出事就洗屋企人個袋。
佢自己都認自己死要面,要充,上次欠債已經咁講,話會改,結果完全冇改過。
发表于 22-8-2016 00:56:02 来自手机 | 显示全部楼层
都係引導佢自己搞老破,起碼有破產主任睇住佢
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 18-11-2026 00:40 , Processed in 0.032471 second(s), 13 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表