填年報

小薯仔

小薯仔 發表於 23-7-2024 01:13
小弟我都申請左破產一年，但完全唔識要搵受托人傾供款，因為試過打去問有冇咩文件補交，佢淨係叫我keep 單 ...

因為我過2兩日要交報表，完全唔識填
希望各位師兄師姐幫幫小弟 感激！

Anmi2019

小薯仔 發表於 23-7-2024 01:13
小弟我都申請左破產一年，但完全唔識要搵受托人傾供款，因為試過打去問有冇咩文件補交，佢淨係叫我keep 單 ...

1.G表係申破呈請果時填唔駛理喇，頒令後應該填過交過#每月收入支出表，自己有無留底1份？外判要傾生活費都會拎住依張去傾。而你無辭過職，a收入照噃今期內實收幾多錢人工去填就得。

2. 開支有單跟單填再÷有收入嘅人頭，租水電煤單只要地址同你報住相同，唔係你名都用得。其實你填#每月收入支出表時，都應該要照咁樣方法填喎。

3. 你知道要接受治療時，有無書面通知聲受託人？7萬醫療費用，照填去支出最底果項#其他支出果度，有日期就照寫噃邊幾日做。電子收據交表時唔好交住，等受託人收到後，睇吓要唔要連埋其他支出(租水電……)一齊補交。

4. 唔好自行減噃細支出，先照寫今期有幾多薪金同支出先。將支出嘅總數減薪金，多咗嘅錢就寫去收入最底果項#從任何其他上文……下面，寫親人財政資助，寫完a減b盈餘寫0。

小薯仔

Anmi2019 發表於 24-7-2024 02:37
1.G表係申破呈請果時填唔駛理喇，頒令後應該填過交過#每月收入支出表，自己有無留底1份？外判要傾生活費都 ...

多謝師姐，好詳細回覆, 暫時都明白點做啦 感激

Anmi2019

推一推

beekwok21

多謝師姐分享，但想請問一下因為我跟李周，但係我搵晒啲文件佢都係冇寫明俾我舊錢係點樣分配，咁我應該點做？定係我照報返同我嘅生活費x12嘅支出就可以?

yuetyiuyo

我係跟李周既 下星期要交第一年年報 想問下 屋企有細佬家姐做野所以家庭支出要除3 佢批既 水電煤同我實際數係有出入既 應該跟實際單據個額定佢批個額 同埋第一年交報表要點樣Fax過去

yuetyiuyo

我講返個情況先
時間線: 2023-0801破產  2023-12月先傾生活費  2024-1月先開始上繳
咁近日都搞緊份年報 第一次整都驚有咩甩漏既
由破產到12月 中間隔左4個月 SURE收入多過支出
當時批生活費 返緊PT 評估我每月$15500 上繳$4500 生活費$11000
李周跟我每樣項目逐條數批 直到今日我仲搞緊份年報點填
因為屋企有我家姐細老做野 所以佢叫我家庭支出既數除以3
水電煤都批好左個額我 但確實同佢批既數有多少出入
前面提及我每月$15500 但就吾係咁肯定呢個數字 有機會多一節 有機會少一節咁
而家2023-8月 到2024-8月既總收入係$188,000左右
佢批我個人支出$7,950/月
年報 水電煤應該點填 我意思係寫返佢批既額x12 定係跟單據填

yuetyiuyo

暫時知道突左3萬3收入 因為我間隔左成4-5個性先傾生活費 點搞

cftong

yuetyiuyo 發表於 10-8-2024 21:01
我講返個情況先
時間線: 2023-0801破產  2023-12月先傾生活費  2024-1月先開始上繳
咁近日都搞緊份年報 第 ...

你意思是否生活費由11000變成7900 ？原因係因為你收入少咗？

yuetyiuyo

生活費依然都係11000 個人支出7900 家庭支出2121 李周計到我有11000生活費用既

rain1220

推推推推

sans71

師姐我又黎求救，我今年未交年報，因為醫療費個到有筆1600同420既單唔見左，諗緊扣唔扣好，萬一李周問我攞單我比唔出就大獲。 因為我將早兩年盈餘既分期供款都寫埋上去，所以今年盈餘係千零左右，如果要扣返個2千醫療費咁盈餘就係3千零到。

sans71

另外仲有就係而家份工要幫公司買野可以claim錢，但係公司會入返戶口，雖然我每次都有留底做記錄，但我又使唔使寫埋上年報？

lovehins4ever

sans71 發表於 14-8-2024 23:36
另外仲有就係而家份工要幫公司買野可以claim錢，但係公司會入返戶口，雖然我每次都有留底做記錄，但我又使 ...

我就無填... 等佢問到先俾supporting佢睇

xxyyzz

想問下對破產產業作出的供款係咪即係問我係咪即係話呢年供咗幾多？

sans71

xxyyzz 發表於 16-8-2024 14:41
想問下對破產產業作出的供款係咪即係問我係咪即係話呢年供咗幾多？

係，你將呢一年上繳左幾多就寫幾多

Anmi2019

beekwok21 發表於 7-8-2024 10:35
多謝師姐分享，但想請問一下因為我跟李周，但係我搵晒啲文件佢都係冇寫明俾我舊錢係點樣分配，咁我應該點做 ...

睇噃你之前d帖，你先填哂今季12個月總收入同上繳咗幾多錢先。開支果度~有單跟單填，無單果d用張白紙試吓照當初果張#收支申報表X12，睇吓總支出係幾多。最好填到總支出多過總收入萬零蚊，等佢睇到你係唔夠駛都煱住上繳畀佢。

Anmi2019

yuetyiuyo 發表於 11-8-2024 12:41
生活費依然都係11000 個人支出7900 家庭支出2121 李周計到我有11000生活費用既

傾生活費時，受託人只係就你提供果個月嘅收支，去計之後每月要上繳幾多錢啫，夏天果幾個月會開冷氣，同冬天d電費已經可以差好多啦。

填年報時，唔駛理咩個人支出家庭支出批咗幾多，總支出係大過/=132,000(11,000X12)就得喇。租水電煤，電話費，上網費……有單一定要跟單計，有關家庭支出(租水電煤，唔知你有無申報家庭雜項)，先要再÷有收入人頭。

照計你每月收入15,500，全年X12，總收入=186,000。
每月上繳4,500，但遲咗由1月先開始，啫係4,500X8=36,000(對破產產業作出的供款)。遲咗果4個月數18,000 有無話點樣分期供噃? 如果你喺交年報前有分期供噃/一炮過畀曬，就加噃去供款條數到。如果只畀咗幾千，個差額要喺無單嘅個人項目(膳食/交通/個人雜費)，平均咁填噃條數落去。

雖然遲咗答你，希望你都睇到啦('ω')

Anmi2019

sans71 發表於 14-8-2024 23:17
師姐我又黎求救，我今年未交年報，因為醫療費個到有筆1600同420既單唔見左，諗緊扣唔扣好，萬一李周問我攞 ...

記唔記得喺邊間診所睇? 可唔可以問噃診所叫佢再出過張畀你，無單好難填落去喎。一係照填哂落去先，周周問到先後補噃畀佢。

Anmi2019

sans71 發表於 14-8-2024 23:36
另外仲有就係而家份工要幫公司買野可以claim錢，但係公司會入返戶口，雖然我每次都有留底做記錄，但我又使 ...

d數係公司開支唔係你生活上嘅開支，可以唔駛寫。萬一周周睇你銀行月結單見到要你解話，先照直講。