想問如果辛請iva成功,但第一期交唔到,會點///.?

OCO1582

太沉迷賭博，真係好難抽身。
多d專注時間，精神係其他地方。
我都認同一次戒，真係激難。
但由賭到博命 減到賭幾十，係有可能。
不過，講到尾都係要靠自已，意志，恆心缺一不可。

301

睇見:.....
"iva還63個月
每個月9千幾"....呢幾個字都驚,
點頂五年幾呀 !:Q

捱咁耐,咁辛苦為乜,
政府當年大幅修改破產條例,
係拯救:命不該絕而將續對社會有貢獻既已"泥足深陷"人,
所以貸出者係明知有風險既唔係賺梗.

講番 閣下,
IVA根本係貸出者諗出來既把戲,
能力繼續與否閣下自理.

年齡與破產關係不大,
301亦幫助過一名19歲老破左.

點解保唔住份工,
除非你份工係某幾樣行業對老破有抵觸 !

告訴你...
301當年老破前都有兩份工,
破前辭去兼職保安添,
費事計生活費時"益人",
仲多左時間照顧家庭添.
無人吹得你脹 !

**
如單身無乜負擔,
生活費约七八千元,
(即有多就上繳)
無乜準則,
"外判"可能緊d.

smallcat

:lol 但樓主 如果個個月搵1萬8, 生活費9千, 一個月還 9千, 同破產無分別, 都係我9千蚊使 :lol

破產 : 又係得9千蚊使
唔破產: 又係得9千蚊使 :lol

份工穩唔穩定呢d 只係多餘問題, 呢個世界有邊份工係穩定 ?  局長都唔穩定喇, 一樣被人收皮 :lol

清風

就算做左iva,你還哂錢之後，都唔代表你第日嘅信貸紀錄會良好，我唔清楚老兄做咩職業，破產影唔影响到你嘅職業，呢樣要你自己決定，最主要有冇信心戒賭，我個人覺得做破產 同iva都係一樣:handshake

smallcat

如果樓主2年後搵 2萬3一個月, 仲好玩, 一個月還 萬4, 生活費得9千 :lol

樓主你其實最大問題係戒賭, 你唔戒賭破十次產都係光棍一條 :lol:handshake

smallcat

清風 发表于 6-8-2012 13:52
就算做左iva,你還哂錢之後，都唔代表你第日嘅信貸紀錄會良好，我唔清楚老兄做咩職業，破產影唔影响到你嘅職 ...

:lol iva好過破產少少, iva 就可以工作上多些保障 (當然, 如果樓主工作上覺得無影響佢先知)

始終無破產同有破產都有分別的  不過, 樓主最大問題是賭既問題, 就算破產, 繼續賭都係一樣解決唔到問題 :handshake

wahtung

smallcat 发表于 6-8-2012 16:16
iva好過破產少少, iva 就可以工作上多些保障 (當然, 如果樓主工作上覺得無影響佢先知)

始終無破產同 ...

原則上樓主iva或老破都係要還錢,當然iva供的期數較為長少少,iva供款63期都幾係嘢架,有時有啲嘢唔係自己能夠控制未來幾年有乜變化的,且兩方面都有少許分別,講大封利是如這段期間失去呢份工,那就成為好大轉變及壓力,但如老破因失去份工的話還款方面就重新整理(不是鼓勵樓主搞老破):handshake

wahtung

當然無論點樣,最重要樓主都係要決心戒賭,再賭做乜嘢都幫唔到你自己:handshake

OCO1582

我都努力，控制緊，自已。
賭，真係可以好恐怖
唔係過大海/波/馬呢D先係賭。
股票/期指呢D都一樣
我自已唔店波馬，但剩係炒期指期權，情況其實都一樣。
最緊要係控制到自已，唔好傷到本，真係有閒錢，先買，賺蝕都唔影響生活都還可。

worldcat

樓主，如果諗到辦法搞今個月，我會支持你捱落下。特別係份工種係有前途同有發展。
如果唔穩定，就行老破呢條路。

但如果你特登唔做想唔還錢，我覺得反而唔值。4年之後，你仲有幾十年人做。如果有機會，呢4年要更加努手爭取。記住老破完，你要有更加好條件先可以有機會借錢買樓做生意。

canshek

天帝 发表于 6-8-2012 11:33
But 樓 主 收 入 平 均 15K-23K , 因 樓 主 係 單 身 , 破 產 一 樣 要 還 錢 , 攤 開 刀 要 供 48 期 ,  ...

係呀!
我都有提佢,佢咁後生,26歲,好話唔好聽,仲有起碼30年人做,老破後,有好多野都申請唔倒,因為無誠信.
而佢連第一期都搞唔掂,莫講話黎緊既62期,另外佢又話唔做而家份工,繼續做當然係好啦.
最主要問題係"賭",佢賭;得大,26歲,已輸48個,
唉!..............
希望佢可以成功戎賭啦,否則,無人幫倒佢.

micehkhk

天帝 发表于 6-8-2012 11:29
生 活 費 冇 一 定 Standard , 是 自 己 住 or 同 家 人 住 ? 住 私 樓 or 公 屋 ? 有 冇 家 人 要 你 供 ...

居屋,家人住,父有做野應該報唔到
媽應該可以報,亦多謝各師兄意見
而家我真係唔知點
份工已遲左
我做份工破產都可以做
信用卡我check過有隻叫debit卡係比錢買就得
做生意未來係點我唔知
樓我家會留返層居屋比我
賭就真係好大問題

睇返咁多師兄留言,其實咁講,如果我真係努力做落去係辛苦呢一知,正路我工種係sales,係會越穩越多
但5年03個月內我要保證我上到位同唔好有咩金融風暴或特發事故
破產就4年失業都唔使驚但個人唔會有動力去穩d穩到錢既工
唉
我都唔知點

但10號要比第1期
我而家得幾舊

my home已經知我搞iva,錢亦借左幾次
今次我份糧又輸
我講出黎驚激死佢地
賭就好似毒品咁
唉

d乜乜工福我去過,去過幾次覺得無乜用
聽聖經佔左60%
我係無神論姐
唉
如何是好
macauranger兄
你幾歲老破
破後生活如何

再次多謝各師兄師姐比意見
感激

wexchau

micehkhk 发表于 6-8-2012 22:52
居屋,家人住,父有做野應該報唔到
媽應該可以報,亦多謝各師兄意見
而家我真係唔知點

坦白講,戎賭真係要好大決心,如果你自己仲唔改,無人可以幫到你,何必要自己去到絕路,你而家屋企人話下你,但佢地可能仲會幫你,但如果再咁落去,屋企人都幫你唔到,我當年細過你的時候,已經試過走佬,我諗你唔想行到呢一步啩,俾D決心自己,無話唔得嘅,加油喇...不過人生好難講,我戎左賭,一樣因為其他原因成20年後先破產{:4_185:}

micehkhk

wexchau可以講多d經歷嗎

wexchau

micehkhk 发表于 6-8-2012 23:12
wexchau可以講多d經歷嗎

哈哈..你想知D咩?...如果想戎賭,好簡單,決心囉..當你咩都無,就可以戎到架喇,我相信這裡好多師兄師姐都有好多經歷,如果要寫出來,可以出好多本書...{:4_176:}..每個人都有自己故事,我這樣講係唔想你好似我當年得番一個人去面對先知錯..你仲有屋企人,要懂得珍惜,所以我現在也好錫我阿媽,因為都做左衰仔好多年{:4_185:}

micehkhk

即係師兄你都係賭
?
當時爭幾多
有無教iva等等
最後點解決?

wexchau

micehkhk 发表于 6-8-2012 23:30
即係師兄你都係賭
?
當時爭幾多

哈哈...我都話20幾年前,我戎左好耐喇,我破產唔係因為自己賭...當然你問我現在還有無賭,咁一定有囉,一佰幾十,我控制到囉{:4_176:}

micehkhk

明白
咁夠竟
而家如果第一期比唔到
會點...........唉

wexchau

micehkhk 发表于 6-8-2012 23:47
明白
咁夠竟
而家如果第一期比唔到

樓主,你現在連工都辭左,你自己覺得可以點{:4_209:},..其實就算你破產都要錢..其實點都要找舊錢返來喇,引用當年我家姐講的一句..."咁大個人,自己攪出來,自己諗辦法囉"...唔好介意我咁講,...你現在有無辦法補番住份工先

micehkhk

咁我都要做多一個月既
其實我唔擔心穩唔到
大前提係要比9200,10號前
如果比唔到唔知會點
佢話過會當iva失敗
咁破唔破產係自已決定
但唔破咪成班人追上門我咪仲大獲