本帖最後由 傻女 於 2011-1-10 22:52 編輯
其實真係好睇個主任架, 我身邊都有幾個人申請左破產, 但個個都唔係好似我咁既, 我諗我果個應該算係好差果d黎既, 唯有當自己黑仔啦.
我聽過一個case, 個主任好人到知道個破產人係食煙既, 連食煙既錢都批比佢添, 唉, 我果個就真係衰到無人有, 我試過搵到份工, 但要轉戶口, 上到去佢問長問短, 又要我填過晒d開支, 交通費又批得少, 我話要過海返工, 佢問我要搭幾錢, 我大約話13元一程倒啦, 佢拎部計數機出黎同我計, 話地鐵最貴果程過海都係11個幾喎, 你話係咪比佢吹帳.
我又唔知可以反對, 咪唯有簽囉, 所以我好怕搵佢, 亦唔想聽到佢把聲, 有時轉工要搵佢轉戶口都要睇佢心情架, 總之我都算經典啦, 咁衰既主任都比我遇到, 希望呢個星期尾搵佢唔好再玩我就好喇.
我既個案所批既數唔可以作準, 其實真係要睇返個人既狀況, 例如有無人要供養, 有無人會分擔開支呀, 又例如租金呢d開支都可以分別好大, 不過最緊要緊係要睇返個主任啦. |