好煩惱~ 係咪要瞓街?

queenielamok

個外判根本就有心留難你... 佢根本想逼你返去你阿媽度住... 然後食埋你用來租屋d 錢... 好奸...

你唔好就範呀... 你同唔同你阿媽住根本佢無資料... 亦無權干涉... 破左產係絕對有權繼續自己搬出來住... 佢咁叻... 你叫佢搵返間又平... 又咁上下大的屋俾你租囉... 一於大返佢... 佢再留難你... 就真係學bbq姐話齋... 向跟你個case 的真正破產主任投訴佢... 宜家$4800蚊屋租絕對係合理價錢... 你同佢講... 要怪就怪政府要我地捱貴屋啦...

仲有... 你叫佢得閒無野做就去地產代理睇下市價啦... 唔好剩係識得針對我地呢班破產人士...

bb_q_888

我老公曾經出過價~但外判話要市價~傾唔掂!
lok196305 發表於 2010-5-6 15:31 [/quote]


其實外判唔同你地傾,你地咪由佢拖....你地係咪住挭?

唔洗供又可以照住...無蝕底,你外判終會同你地傾.

佢地都想收錢,睇吓邊個急d.

lalaeveryday

我已經破了產一年幾了，月薪約$13000，租金$3200，供養阿媽$2000(我是唯一供養人)，減埋其他開支，一個月還$2500比外判。

我本身係住銅鑼灣o既舊唐樓,，前幾個月屋頂突然成大舊石屎跌落o黎，好彩佢連埋一格假天花 ...
sharrenlo 發表於 2010-5-6 04:43

{:4_202:} 個d所謂的"人",為了做業績...根本甚麼都敢做敢講,你就努力爭取. 只要有證據又合理,就直接找主任求救!!! 加油.

lalaeveryday

你唔使瞓街既,
香港地除左自願外,無人瞓街.

你揾13000.可還2500.
你已係外判既"上賓VIP"咯.
;P

你係外判跟既,
佢地真你緊過主任,
凡事都係要理論力爭,
仲要適當時候利用向傳媒及區議員求助既壓力俾佢.

希望時 ...
301 發表於 2010-5-6 13:13

2500x12=30000一年...夠養一至二年 人形 外判{:4_201:}

lok196305

23# bb_q_888


~人算不如天算~煮到來再算!佢合理咪比錢~唔合理咪反對囉~唉~費事諗咁多~諗過多3年點重生好過喇~

sharrenlo

11# 301

VIP 即係點吖? 係咪即係比佢吸得多o左?{:4_190:}
佢仲成日口口聲聲話對我已經好鬆...話人地一般只係得$500個人什項, 我就有多$500家庭什項喎....
又扮到已經好體諒我咁, 但係咩都有佢地o既規範, 佢地係計過搵$13000係無理由還唔到$2500一個月o既!
我話其實我收入少都無辦法ga~
{:4_192:} 佢話唔係喎, 人地收入同我差唔多都可以養到一家4口兼仲有錢還, 細路仲要係10歲o個d喎..
我咪話唔係掛? 你估而家生活真係咁易咩? 仲要有錢還? 我諗佢地受o既迫害更加嚴重....

sharrenlo

14# dopod123

請問可唔可以講吓你係住邊區? 係咪都係套房吖? 同埋收入有幾多吖?{:4_182:}

我想了解吓收入唔同對批o既租金有幾多影響. {:4_209:} (雖然d業主根本唔會因為人o地搵得少就收平d租, 不過有個參考會好d~)

thx~

sharrenlo

16# mickey7100

{:4_209:} 係吖! 而家d租真係好貴吖~
我果度如果唔係成5年前租落, o個時仲要有人介紹先咁平ga. 兼且又細又舊又無煮食位,
{:4_184:} 如果唔係邊有可能銅鑼灣會$3200租吖? 我同佢講佢就淨係猛咁叫我搵唔到就搬去阿媽度咪係最好o既方法...{:4_185:}

lok196305

你咪話個度番工近~搬去第2度遠既車費又貴~話埋阿媽無地方比你住咪得囉~

bb_q_888

話人地一般只係得$500個人什項, 我就有多$500家庭什項喎....
又扮到已經好體諒我咁, 但係咩都有佢地o既規範, 佢地係計過搵$13000係無理由還唔到$2500一個月o既!
我話其實我收入少都無辦法ga~
佢話唔係喎, 人地收入同我差唔多都可以養到一家4口兼仲有錢還, 細路仲要係10歲o個d喎..
sharrenlo 發表於 2010-5-7 23:00

{:4_201:} 呵呵~我就真係唔信....我未破前都係我管數.

一家四口生活費連書簿費 +學校 什費 ,每月最少都萬三啦....

而家仲通漲中.....老公而家成日話d野貴,因為係佢負責找數.

你個外判真係幾好口才,無理由你唔比哂身上d錢佢.....


D租唔係你要,家事亦唔係佢管.

你同返佢講....亞媽都可以收你租,佢要一萬....外判又肯唔肯?

叫你亞媽(出名)寄掛號去破署投訴,係咪一定要同佢住,唔係唔比養父母?


如果係,,,,租層大屋同係亞媽住 (即係要貴d),至於媽層樓;P 又唔關你事,你係冇權理.  < 辦法1 >

搬返去....叫媽出租單,條數....貴過出面,到時外判實叫你搬  < 2 >

以上我都係講吓笑,証明你件事有好多解決方法.

你加油啊~

dopod123

28# sharrenlo


tuen mun 區600呎 2房1聽 申破前簽租約.冇收入....其實而家kln如大角咀區400唐樓唔係套房4000-4800應該有,
如果套房全新近旺角160呎3500-3800

bb_q_888

sharrenlo

我估你係香港區返工,所以先租港島區...

dopod123

33# bb_q_888


港島區其實4仟多在灣仔租套房冇理由租唔到,收入同租金的關係是合理性,合理的5000,6000,7000都要批比你.
但你實際大把方案你肯轉區住車資可能要多啲,租金可能比你現在多啲,環境可能比你現時好啲.佢要你回媽媽家住,你跟本唔使理佢.
你又唔係冇收入,仲有佢同你講批易過唔批,直頭當你白痴.

sharrenlo

20# bb_q_888

我搵過正式破署主任, 佢叫我唔駛咁詳細同佢講o既...
因為批唔批我已經係外判o既權力, 同佢講無用,{:4_180:}
我問佢咁點算好? 我覺得好唔合理, 我有無得叫法官做個公平o既評審ga?{:4_182:}
佢話我負擔唔到就自然還唔到, 你叫佢向法庭申請扣押你o既人工.
{:4_201:} 我話吓~咁我可唔可以向法庭申請做個公平o既評審ga?
佢有dd勞氣咁話點解要你申請吖? 你叫佢鐘意o既就自己向法庭申請啦~
我話唔係我申請好d咩?{:4_182:}
佢就叫我你同佢講啦...{:4_181:}
o個時我個腦有d實實地同埋有好多個??? 所以我話好啦, 我諗吓可以點做啦~唔該晒~

其實我仲有資料未講晒ga~ 請原諒小妹要後補, 因為打字比較慢, 請見諒~

sharrenlo

3# bb_q_888

都有話 "相處好, 同住難", 我都無同佢住成20年嘞. 講真大家一向都自己住, 大家生活習慣同方式都唔同...

同埋如果係有條件性o既話, 我諗o個d係酬金或者係租金, 而唔係家用囉~

佢係無收入o架, 其實而家只係比$2000都唔夠佢開支, 都已經唔係咁應該ga啦...{:4_196:}

sharrenlo

4# lok196305

我打過去明愛o個d財困熱線問當值社工, 我將情況話比佢知, 話埋想要封證明.
佢話佢地唔會提供呢d報告證明o既. ( 其實一早都估到...只不過即管試吓得唔得o者~ ):(
之後佢就淨係問我其他資料: 你破產係差幾多錢? 你做咩工作? 一個月收入幾多? 點解你唔問吓屋企人幫你還? 你阿媽幾多歲? 你點解同阿媽關係唔好? 問咗一大堆問題~{:3_155:}
我為免越講越遠, 我就同佢講而家o既問題係租金要由$3200加到$4800,
佢問我點解唔搵吓其他區? 淨係銅鑼灣?
我就話比佢知其實之前我由西環到北角都搵過, 只不過相差$300-$500左右, 為咗我返工( 上環 ) 同有時去搵阿媽 ( 銅鑼灣 ) 方便d, 車錢同時間都差唔多拉番"雲".
佢話又真係有d矛盾喎~ 似乎你都成日會搵阿媽o架喎~ 其實你可以搬去其他區o嫁~ 雖然我o地無得轉介, 不過以我所知好似深水埗有d大約都係2千零蚊左右.{:4_185:}
我話我住o個d區都唔係咁方便... ( 我心諗大佬吖~雖然而家我經已係中女姐~ 但係都有market o架嘛~ 講吓笑balance吓心情先~)
啊~所以其實你係有其他選擇嫁, 只不過係你唔願意o即~{:4_197:}
聽到佢咁講都無晒癮嘞~ 咁我再問多佢一次寫證明o既問題, 我話其實我係諗住求助關於阿媽意願o既證明o既, 你o地o既律師或者社工其實真係比唔比到我呢?
佢就都係話提供唔到比我.
咁我咪同佢講你o地幫唔到我都唔緊要啦~ ( 其實好緊要, 如果有就可以塞死外判把口 ) 唔該晒嘞.
佢就話如果你同你媽咪想同我o地傾吓o既話, 可以再搵我o地o架~
點解佢會咁講o野o既, 佢莫非係外判o既無間道? 定係我應該自我反醒呢?{:4_182:}

sharrenlo

我同破署主任傾完之後有d疑惑, 佢都無聽我講晒我o既詳細情況, 點解佢猛咁叫我同外判講叫佢地去申請扣押我人工o既?{:4_182:}

佢究竟係求其 "膚衍" 我 (因為佢o個時有dd勞氣) 吖? 定係咁樣做最好呢(莫非佢都覺得外判唔啱?) ? 如果由外判去申請o既話, 咁被動會唔會蝕底咗? 人地仲以為我唔還錢~ 第一印象好緊要ga嘛~  定係佢其實叫我向外判反擊, 要我大番佢轉頭? 等佢o地知道我係唔會再繼續被欺壓o格嘞?{:4_182:}

我之後搵到處理查詢同投訴o既秘書部電話, 我問佢有無得要求重新審核條數或者告佢地唔合理?

佢問我知唔知自己係邊個破署主任跟? 佢可以幫我check, 叫我問番佢會清楚d.

我話比佢知其實我經已搵過, 佢就話可以咁樣..... 不過我擔心o既係被動同主動o既問題, 我想告佢o地唔合理....

佢話法庭o個度就無得告唔合理o既, 不過就可以要求轉過另外一個, 但係要攪幾個月, 同埋一般你o地唔熟程序會好煩覆, 要用好多精神時間o既. 我明白你感受上可能唔係咁好, 好似受咗冤屈咁.{:4_192:}  但主任o既提議係最簡便, 因為到上庭時其實係比個機會你同法官講點解會唔還錢, 法官唔會偏幫是但一方, 佢會自己去分析合唔合理, 咁到時咪有個公平o既決定囉. 兼且都唔一定會上庭.

我問佢點解, 佢話外判o既o野其實好多時都係包含恐驚成份, 所以佢都唔一定會去申請.

我聽到之後即刻 "girl" 晒, {:4_192:} 終於有人明我講咩啦~ 亦都明白晒破署主任o既意思. 其實同秘書講o既一樣, 只不過秘書就解釋埋detail比我知. so nice~{:4_188:}

我問咁如果外判真係申請時, 咁未判或者判咗時會唔會真係去信要求我僱主扣起人工比佢o地? 咁僱主咪知我破咗產囉?

佢話就算唔係呢樣o野都可能會知.

我話我而家破咗年幾都唔知o架, 而且我o既行業職位又唔駛報o既.

佢話法庭其實就一定唔會去通知o既. 而未判o既話, 外判正式就唔會通知僱主.

我話正式係咁, 咁唔正式即係點吖? 佢地咁樣...{:4_190:}

之後佢話佢o地只係知正式o既o即.

咁我話我明啦~ 多謝晒你吖~ 你解釋得好清楚吖~ 我會好好諗吓o嫁啦~ 唔該晒你吖~{:4_181:}

sharrenlo

16# mickey7100

我明白...我都唔想咁耐, 只不過真係計唔掂條數姐~{:4_196:}

sharrenlo

20# bb_q_888

你講啱晒吖~ 社工真係唔會同我做d咁架野ga~
外判o既目的只係睇吓社工攪唔攪得掂我阿媽, 咁咪可以食埋o個大半份租囉!{:4_187:}

sharrenlo

22# queenielamok

係吖~ 我都覺得佢o地無權干涉我阿媽o既資產,而家又唔係佢破產~{:4_184:}