以前一直都覺得破產係好唔見得光既事,破產就好似咩都冇哂,所以根本諗都唔會諗.一直都好努力咁還錢,呢八年真係還息都還唔小,始終覺得長命債長命還,終有還清既一日,但突然有一日認真咁睇清楚啲債務,再計吓根本就冇可能還清,除非中到六合彩{:4_209:} 那一刻好失落,第一個反應係睇有關債務重組,仍然覺得唔可以破產,但越睇得多就越覺得債務重組根本係冇可能,再無意中見到呢個網,攪咗好耐先註冊到(因為e-mail的問題),每晚返到屋企攪惦哂屋企嘢就上嚟睇番啲舊post,越睇個心就越安定,跟住諗我又唔係咩專業人士,基本上連稅都唔駛報,再同朋友傾吓,亦都同老細傾咗,最後決定都會行呢條路,當決定咗之後個人真係輕鬆咗,因為唔再每隔幾個月就要諗係邊到搵錢找數.
我仍未入紙,因仍有些要作安排,所以有時我都同人講笑"一日未入紙,都仲有機會既,可能有一日我中咗六合彩呢,咁未唔駛破囉"{:4_175:} 如果真係有咁既一日我都會係到同大家分享,但我驚會俾人打....{:4_176:} |