求救想舉手但户口有另一半嘅錢

Reborn818

唔使你條T字頭講乜，條友喺度出晒名，日日喺度講埋啲九唔搭八神憎鬼厭
其實現實中好多人炒炒吓炒爆咗，跟住過大海再諗住搏，結果都係香，所以有咩辦法解釋，你自己小心處理。

2. 其實唔講佢係你女朋友，就算佢已經係你老婆你破產亦都唔會關佢事。佢公司福利嗰度，我諗應該只係醫療嗰個部份？宣誓只係證明你哋嘅關係，如果親人破產都關佢事，銀行好多員工醫療保險報埋阿爸阿媽同仔女，咁如果佢哋破產係咪又關佢哋事？百分百可以話俾你聽，你破產一定唔會影響佢份工，哈，因為我屋企女人都係做銀行（仲要係資深從業員喺外國都係做呢個範疇），我老破之前問過佢仲俾佢話我做乜咁冇邏輯。

3. 佢會唔會知？我唔知你喺佢工作嘅銀行有冇戶口？同亦都唔知佢嘅職位權限去到邊度？銀行就一定唔會無端端去通知佢，香港有私隱保障條例，冇特別原因任何機構都唔可以無啦啦披露你係破產人嘅身份。但其實我反而concern 嘅係，老破後信用卡又冇PayMe又冇，銀行戶口又要有工作先可以申請，好多蛛絲馬跡我覺得你好難隱瞞佢，就算依家瞞到佢，下年結咗婚一齊住四年流流長，似乎真係好難唔知。

4. 以債冚債係冇問題，個個同學臨舉手之前我諗都一樣，錢點樣轉到時你留返晒所有月結同網上交易，有條理咁樣解釋返俾破產署聽應該問題不大。

5. 網賭有晒銀行交易直接講，大把同學仔都係咁樣照解畫。

6. 賣公司嗰度照講，得返嚟嘅錢所有嘅流向，你記住留返晒啲月結單到時佢問你你就答佢洗咗喺邊用咗去邊。
———————-

其實你係咪所有都係銀行數？冇其他古靈精怪二三線？

銀行數一般都係60日先會去收數公司，就算即使佢交咗去收數公司，一破產呈請有臨令，銀行就會即刻停止追數，所以你會唔會睇吓俾少少時間處理？

Reborn818

timmoz 發表於 1-8-2025 16:13
咪撚玩，唔破你都還唔到架啦！加埋佢落債主到，拎定佢身份證地址，破埋佢。都無利用價值一係飛左佢，一係 ...

所以話你精神病，又冇錢睇醫生真係冇錯，講嘢人渣到咁嘅田地唔死都冇撚用

Reborn818

timmoz 發表於 1-8-2025 16:10
唔可以還俾女友，你會害死佢，破處一定追返。不公平優惠，其他債主優先的。至於銀行工，如果無宣誓還好，資 ...

我身邊個資深銀行從業員叫你食屎，佢嗰個宣誓只係證明佢倆嘅關係，證明佢係家庭成員，可以享受醫療福利，好多人啲醫療員工福利包埋父母，仔女，咁佢哋破產係咪有關佢事？日日喺度亂鳩噏噏，冇腦就用PATPAT諗吓啦就算即使破處追番還俾佢嘅錢，有關個僱主咩事呀？叫佢破產？其實你知唔知自己喺度講乜春？

dog99

Reborn818 發表於 1-8-2025 21:34
唔使你條T字頭講乜，條友喺度出晒名，日日喺度講埋啲九唔搭八神憎鬼厭
其實現實中好多人炒炒吓炒爆咗，跟住 ...

感謝師兄，我係全部銀行數，冇借過二三線，

仲想問下師兄意見，係我想暪住佢嘅情況下，其實我得兩個選擇，因為應承咗女朋友9月開始儲俾兩萬佢儲，計劃結完婚之後置業，因為佢做銀行有優惠，其實都講到幾明係想下年：

1. 本身有諗過出去打返份牛工，每月搵三萬幾，淨係用還債撘車返工放工，還足2年就還完，但俾佢儲嗰到就少咗，可能最多都係得幾千至一萬，咁樣就銀行信用卡嗰啲冇影響可以繼續用 （講多少少我依家用渣，上個月獅子連同痕都cut晒我户口同卡，佢做痕，普通員工)

2. 破完之後搵份現金牛工，人工可能二萬尾，每月晤使還債仲可以俾到兩萬佢，但就要做4年，咩户口同卡都冇晒唔知避唔避到

應該點揀好…

失控的人

我覺得你都係要坦白同女朋友講，佢做銀行咁醒，點會唔知你破咗產

Reborn818

全部銀行數就易搞啦，唔好越踩越深睇吓點點樣盡快解決，如果你唔老破，點樣又可以還債？又可以俾錢佢儲，你又夠錢生活呢？但咁樣惡性循環落去你嘅債項只會越滾越大，除非你肯定你之後收入會越嚟越高，如果只係一直搵三萬咁永遠都唔會搞得掂啲債。
咁如果你揀一，每個月俾得好少錢佢儲，咁佢唔會問你？正常喺銀行做有低息貸款，儲錢結婚買樓係正常嘅，而家同佢商量吓睇吓有冇plan B？
因為我唔知你兩個平時相處係點，如果一向有商有量嘅話，可唔可以和盤托出，直接同佢商量？
咁我都其實明你點解會咁掙扎，但有時如果個女人係愛你嘅話，好多嘢係唔會同你計較的，都未必係你想像得咁嚴重。

dog99

失控的人 發表於 1-8-2025 22:27
我覺得你都係要坦白同女朋友講，佢做銀行咁醒，點會唔知你破咗產

所以諗緊破定還好，我唔想俾佢知我老破係其一，其二係唔想俾佢知我借錢去炒嘢，本身應承咗唔會，因為以前都試過唉

Reborn818

失控的人 發表於 1-8-2025 22:27
我覺得你都係要坦白同女朋友講，佢做銀行咁醒，點會唔知你破咗產

我都覺得係，老破後太多蛛絲馬跡好難隱瞞，唔好理佢職位權限可以睇到幾多嘢，佢一轉錢落佢個戶口轉唔到，我諗佢個心都諗到係咩事情。

Reborn818

dog99 發表於 1-8-2025 22:36
所以諗緊破定還好，我唔想俾佢知我老破係其一，其二係唔想俾佢知我借錢去炒嘢，本身應承咗唔會，因為以前 ...

唉 認多一次衰仔得唔得？女人唔難氹嘅，只係你想唔想氹啫（各位女同學唔好鬧我）

dog99

Reborn818 發表於 1-8-2025 22:35
全部銀行數就易搞啦，唔好越踩越深睇吓點點樣盡快解決，如果你唔老破，點樣又可以還債？又可以俾錢佢儲，你 ...

佢係好愛我，同埋等咗我好多年…本身有晒計劃佢好開心，我唔想破壞咗佢，我以前試過借完廿萬亂炒嘢，再借下炒下已經還過幾年，應承咗唔會再掂又衰太有自信，師兄我真係好辛苦，其實冇佢係到我真係可能會死咗就算，以前細細個唔識諗時已經白捱咗幾年，都係佢一直陪住我，到之後我還晒錢，第一次呼吸返新鮮空氣，之後慢慢忘記咗以前個慘痛經歷，依家又重演一次，我真係好唔想俾佢知…

Reborn818

其實你全部一線銀行數，有冇傾過債務重組？或者轉賬結餘？其實如果真係好唔想老破，好唔想俾女朋友知，或者嗱嗱聲搵份工，然後再行plan 1睇下點先？
其實如果搵到3雞嘅嘢，你自己計到數又捱到嘅，但要確定你真係忍到手，唔好再炒任何嘢。（應該話一定一定一定唔可以手痕再炒任何嘢）

Reborn818

既然女朋友係咁愛你又等咗你咁耐，唔好再胡思亂想，冷靜諗吓點樣解決啦

dog99

Reborn818 發表於 1-8-2025 22:39
唉 認多一次衰仔得唔得？女人唔難氹嘅，只係你想唔想氹啫（各位女同學唔好鬧我） ...

佢唔難氹…但賭仔最難面對就係驚人失望，佢已經原諒咗我好多次，我唔知佢今次仲會唔會原諒我，但我真係好唔想俾佢知道我又衰返


Plan 1 份工因為有時有ot同假期加班津貼，有時多就可以去到4萬，但變相又會少咗時間見佢…


一個鐘回得三個貼好少…

timmoz

Reborn818 發表於 1-8-2025 21:42
我身邊個資深銀行從業員叫你食屎，佢嗰個宣誓只係證明佢倆嘅關係，證明佢係家庭成員，可以享受醫療福利， ...

點會唔關僱主事，醫療福利既錢唔可以俾破產人，要轉交俾破署，全港保險公司都會知，所以無得隱瞞，無論係儲蓄人壽定係公司醫療。起碼大行都要申報埋另一半財務狀況，管控營運風險，愈高層就要愈多野報。資深無用架，銀行有自己程序同監管，不容害群之馬。

Reborn818

新同學權限所限，冇辦法。
其實好多同學仔揀舉手，除咗真係啲數轉唔掂之外，等自己好好咁戒賭，反省四年。
其實如果勤勤力力可以搵到四萬，我覺得辛苦啲先行plan 1，但如果財政一鬆少少，你又再重蹈覆轍，咁就真係冇人救到你。
其實如果你有咁嘅收入，單身冇人要供養，老破後上繳嗰舊數都唔細。快啲去搵工等生活從上軌道，費事一得閒又心癢，我又驚你忍唔住手。

Nana1122

dog99 發表於 1-8-2025 23:32
佢唔難氹…但賭仔最難面對就係驚人失望，佢已經原諒咗我好多次，我唔知佢今次仲會唔會原諒我，但我真係好 ...

相信佢一定會原諒你唔使太擔心。。

Reborn818

timmoz 發表於 1-8-2025 23:47
點會唔關僱主事，醫療福利既錢唔可以俾破產人，要轉交俾破署，全港保險公司都會知，所以無得隱瞞，無論係 ...

你白癡小陣啦，死出去啦好唔好？俾乜撚嘢破產人？你有冇個老婆做銀行啊？唔撚該你死開啦。
個醫療保險又唔係佢自己俾錢買，你係咪戇鳩㗎？

timmoz

失控的人 發表於 1-8-2025 22:27
我覺得你都係要坦白同女朋友講，佢做銀行咁醒，點會唔知你破咗產

只要一禁佢戶口就知啦！坦坦白白咪算！想結婚就唔好隱瞞。

timmoz

dog99 發表於 1-8-2025 22:36
所以諗緊破定還好，我唔想俾佢知我老破係其一，其二係唔想俾佢知我借錢去炒嘢，本身應承咗唔會，因為以前 ...

梗係破好啦！都頂唔到仲頂咩，不過要預左俾人小到上天花板，真的假不了，真係唔好隱瞞，到時俾佢踢爆仲大鑊，你就更難自容。

Reborn818

timmoz 發表於 1-8-2025 23:47
點會唔關僱主事，醫療福利既錢唔可以俾破產人，要轉交俾破署，全港保險公司都會知，所以無得隱瞞，無論係 ...

你夠話小額錢債唔理會俾人通緝啦，取消商業登記你嘅話要清盤要核數啦，你日日亂鳩咁做埋啲嘢出嚟究竟做乜？