26頁問題

timmoz · 发表于 27-7-2025 02:46:03

Reborn818 發表於 27-7-2025 01:20
你啲擔保人就真係多得你唔少啦，借埋晒啲電數喺度累街坊。無厘頭又提學貸九唔搭八，你又開咗天眼睇見人哋 ...

人地係其他區問啊嗎，睇d唔睇d...笑死

timmoz · 发表于 27-7-2025 02:47:42

Reborn818 發表於 27-7-2025 01:23
你屋企人有你咁嘅白癡，就真係多得你唔小，你借埋黑財電數，俾人追嗰陣時你又點同擔保人交代？ ...

你都唔識野既，梗係講左唔識唔聽唔使理，就係咁簡單，都係派信，得w仔大力小小。

Reborn818 · 发表于 27-7-2025 10:16:31

timmoz 發表於 27-7-2025 02:46
人地係其他區問啊嗎，睇d唔睇d...笑死

樓主都喺其他區講咗佢欠嗰啲係咩數啦，咁你仲噏乜鳩，專心對付收數？人哋嗰幾條全部都係銀行大財務，呈請有臨令俾佢哋，已經乜都唔會追啦。既然你早早睇到，係仲要咁口賤，係咪證明你個人幾仆街呀？
你估真係個個好似你甘，一大堆黑財電數咩？

Reborn818 · 发表于 27-7-2025 10:27:03

timmoz 發表於 27-7-2025 02:47
你都唔識野既，梗係講左唔識唔聽唔使理，就係咁簡單，都係派信，得w仔大力小小。 ...

自己就話咁簡單，其他同學一提起追數，又話淋油又話大字報又話大隻佬上門，其實你係咪老人癡呆唔記得自己之前講過咩？你條咁嘅仆街就係擺明黑心心地唔好鍾意四圍嚇人啦。
係啦，最識嘢係你，咁你發明咗個錄音感應器未？小額錢債唔理會俾人通緝，出境要批准，取消商業登記又要清盤又要核數，仲話要起碼十萬，自己呈請後三日仲戇鳩鳩到，銀行都俾人凍結埋擰唔到錢出嚟嗌晒救命，面皮咁厚，日日一大堆笑話走出嚟俾人哋笑，睇怕你係唔止唔識野咁簡單，係唔知個醜字點寫。

Nana1122 · 发表于 27-7-2025 12:24:07

Reborn818 發表於 27-7-2025 10:16
樓主都喺其他區講咗佢欠嗰啲係咩數啦，咁你仲噏乜鳩，專心對付收數？人哋嗰幾條全部都係銀行大財務，呈請 ...

其實我想問咩叫做電數？????黑財，我全部都係一線㗎
邦x
都係屬於一線????

攪到我頭痛 · 发表于 27-7-2025 13:05:55

Nana1122 發表於 27-7-2025 12:24
其實我想問咩叫做電數？????黑財，我全部都係一線㗎
邦x
都係屬於一線???? ...

都係一線x民

Nana1122 · 发表于 27-7-2025 13:31:58

攪到我頭痛發表於 27-7-2025 13:05
都係一線x民

我朋友話佢只會不停咁打電話嚟騷擾你囉，但係你又要聽佢電話囉，如果你頂佢唔順你咪擺低部電話由佢廢噏囉????‍????
冇計啦，不過其實我而家搬咗去我奶奶嗰邊住我之前申請邦民嗰個地址都係喺柴灣就算煩都係煩我之前條仔咋嘛？。。不過我覺得咁樣做又有啲仆街嘅，但係我又唔敢打返電話文幫我問究竟我個地址係咪喺柴灣但係我記得好似係

Reborn818 · 发表于 27-7-2025 17:53:48

Nana1122 發表於 27-7-2025 12:24
其實我想問咩叫做電數？????黑財，我全部都係一線㗎
邦x
都係屬於一線???? ...

電話數黑財，有身份證有手機號碼就借到嗰啲，簡單嚟講就係俗稱嘅大耳窿，利息高到爆，然後期數係10日8日或半個月，通常借到呢啲錢嘅人，都係已經借無可借，完全冇其他方法先會走去借，呢一類數，你一申請破產俾佢地知道咪更加追到仆街。
你嗰啲全部正經一線，破產呈請後有號碼，跟住通知佢哋帳務，就唔會追你，所以咪叫計好時間去申請破產。

Nana1122 · 发表于 27-7-2025 21:15:28

Reborn818 發表於 27-7-2025 17:53
電話數黑財，有身份證有手機號碼就借到嗰啲，簡單嚟講就係俗稱嘅大耳窿，利息高到爆，然後期數係10日8日 ...

我其實都想PM問你

其實大致上我保險嗰度得$65,000
信用卡嗰度其實得返37,000現金套現
跟住我另外仲有鋪租
咁假如我10月申請我舖租係咪已經唔可以交啦？但係我舖頭有兩個月嘅按金嗰間公司話因為我係死約，所以佢唔肯同我解合約跟住11月同12月係兩個月嘅免租期囉，到時我唔知佢會唔會追討我啦
咁加上我而家有兩個小朋友
其實計埋律師費減咗15,500其實都唔係話剩返好多
所以我喺度考慮緊究竟係10月申請定係11月申請
因為我仲有邦民嗰度要找最低還款係1000每個
跟住仲有hs ????????x生銀行所以而家搞到我好煩惱，究竟我應該係10月開始定係11月開？到時我又要留定啲單解釋啲啲錢洗咗喺邊度？
其實兩個小朋友奶粉都用咗好多錢。

Reborn818 · 发表于 27-7-2025 21:26:30

pm要分的，喺度問喺度答比較簡單。
其實你舖頭嗰度係咪已經諗住肯定唔做㗎？如果係可唔可以早早拉閘拉咗佢？定係你諗住攞嗰兩個月按金上期夾硬當租金過到咗佢就算？

Reborn818 · 发表于 27-7-2025 21:29:23

其實如果你都真係諗住結業唔玩，儘快處理咗佢，然後取消埋張商業登記一了百了。
保險同信用卡現金嗰啲，你盡快搞啦，拖落去咪仲難處理。

Nana1122 · 发表于 27-7-2025 21:39:31

Reborn818 發表於 27-7-2025 21:26
pm要分的，喺度問喺度答比較簡單。
其實你舖頭嗰度係咪已經諗住肯定唔做㗎？如果係可唔可以早早拉閘拉咗佢 ...

其實我諗住結業㗎啦，所以我下個禮拜就取消咗商業登記佢
所以我仲未確定到幾時改收我未計到啲數點樣做

Nana1122 · 发表于 27-7-2025 21:41:07

Reborn818 發表於 27-7-2025 21:29
其實如果你都真係諗住結業唔玩，儘快處理咗佢，然後取消埋張商業登記一了百了。
保險同信用卡現金嗰啲，你 ...

10日前我已經取消咗保險㗎啦，跟住保險公司話10個工作天就會入數落我個人戶口度
信用卡現金嗰度我都套現金出嚟
希望平安渡過啦，其實最理想應該係10月中

Reborn818 · 发表于 27-7-2025 21:49:36

其實你嘅處境應該唔難解決嘅，安排好晒就去舉手應該冇問題。

Nana1122 · 发表于 27-7-2025 23:02:56

Reborn818 發表於 27-7-2025 21:49
其實你嘅處境應該唔難解決嘅，安排好晒就去舉手應該冇問題。

不過我未知大概係個10中定係11月
我而家就係好困擾
我又唔知到時點樣解釋，不過其實四個月每個月洗22,000都差唔多
好煩惱喎，而家仲係我好想快啲舉手解決，唔該晒你解答我問題

Nana1122 · 发表于 27-7-2025 23:03:46

我到時又驚主任問我嗰啲錢究竟洗咗去邊度佢又要有證據我又唔知點樣解釋。。。。我朋友話順其自然喎唔好諗咁多嘢佢問到你你到時就會識答你咪話買奶粉啦尿片啊濕紙巾啊跟住然後同小朋友去主題樂園啦求其講咗特價啦喎

Nana1122 · 发表于 27-7-2025 23:24:46

我消化吓你講嘅嘢先，唔該晒你呀解答我問題????????????????

Reborn818 · 发表于 27-7-2025 23:48:35

唔使客氣，你消化吓先啦，唔使諗太多嘅，其實錢只要你解釋到流向真係唔使驚喎，講真舖頭都執笠，都冇收入咁又大又細唔使食咩。

Nana1122 · 发表于 28-7-2025 01:08:18

Reborn818 發表於 27-7-2025 23:48
唔使客氣，你消化吓先啦，唔使諗太多嘅，其實錢只要你解釋到流向真係唔使驚喎，講真舖頭都執笠，都冇收入咁 ...

一個月用兩萬幾都解釋到????唔夠錄埋卡都唔出奇啦????我發現呢度留言呢有限制啊所以要一個鐘頭後先可以再覆

其實大致上都唔係話太難搞，不過我都係搵律師㗎啦決定講真湊住兩個小朋友邊有時間去高等法院啊????
最慘係個女冇人湊，到時見主任都唔知點樣安排啲時間好

Reborn818 · 发表于 28-7-2025 10:58:32

本帖最後由 Reborn818 於 28-7-2025 10:59 編輯

咁你呈請前仲有還貸款㗎嘛，所以到時你記住留低晒所有嘅月結單，破署問你流向時，第一樣嘢就係將你用嚟還，其他貸款嘅錢着條數話俾佢聽，然後如果有交租交電費嗰啲又再圈低話俾佢聽。所以你舉手前，生活支出，盡量喺銀行度有數睇到，香港地一個月用二萬蚊有幾多嘢？
搵律師搞法庭嗰度佢哋會同你搞掂，其實如果你失業，主任都未必要你見佢，一般有咩事？佢都係寄信或者電郵搵你，到真係你有入息要傾生活費事先會約你上去見（但有啲亦會喺電話度同你傾完，簡簡單單跟電郵或寄信俾你叫你簽返俾佢），唔使擔心喎，主任先唔會要你成日見佢，佢都周身唔得閒。

		自动登录	找回密码
密码			註冊