自己填表申請，有d嘢想問

Reborn818

newstudent2025 發表於 26-7-2025 19:56
供養父母，老婆，租金都應該會計入去？之前好似見到供養一個3-4千，呢度加埋都2萬幾 ...

租金當然會算落去，前提係最好係你住開有晒租約打晒釐印同租單。老婆未必一定會批你供養的，除非你有理由說服到佢不適宜工作（例如懷孕），或…你老婆同你結婚咁耐，佢根本從來冇做過嘢，我到時要點樣說服佢就睇你點樣發揮你自己口才。至於供養父母，如果佢哋夠65歲有冇工作而又一直都係同你住嘅（其實有同學仔唔夠65歲都一樣批到），咁正常佢哋會批嘅。好多人都話如果有兄弟姊妹要平分，但其實唔係必然嘅，好多嘢你自己斟酌吓睇點樣到傾時同佢拉扯下。

newstudent2025

Reborn818 發表於 26-7-2025 20:55
租金當然會算落去，前提係最好係你住開有晒租約打晒釐印同租單。老婆未必一定會批你供養的，除非你有理由 ...

多謝你又咁詳細回覆，租約我有，不過我有個疑問，我而家租約問明年年頭屆滿，佢會唔會要求我搵平d嘅屋住？因為我2和老婆2人租金萬七左右，唔知佢地覺得算不算合理租金？

Reborn818

newstudent2025 發表於 26-7-2025 21:08
多謝你又咁詳細回覆，租約我有，不過我有個疑問，我而家租約問明年年頭屆滿，佢會唔會要求我搵平d嘅屋住 ...

其實所謂合唔合理，租金主要睇你收入幾多啫。我身邊有行家老破後，細路仔咪一樣讀緊國際學校，一樣係有工人請緊，租緊間屋三皮幾，佢月薪平均係10-12雞。
其實只要係破產之前嘅恆常支出，而唔係你破產之後，莫名其妙突然間走出嚟，一般都係冇問題的。
例如你收入係六萬，租屋17000有咩唔合理？如果你月收入25,000，咁就當然唔合理啦。

newstudent2025

Reborn818 發表於 26-7-2025 21:14
其實所謂合唔合理，租金主要睇你收入幾多啫。我身邊有行家老破後，細路仔咪一樣讀緊國際學校，一樣係有工 ...

如果太太嘅供養佢唔批，至少批我全部租，而唔係叫我老婆出黎做野攤分掛？

Reborn818

newstudent2025 發表於 26-7-2025 22:59
如果太太嘅供養佢唔批，至少批我全部租，而唔係叫我老婆出黎做野攤分掛？ ...

睇吓到時係邊個同你傾，衰嗰啲有可能架，但係你一樣可以串佢囉，到時如果外判太衰，其實唔使驚佢亦都唔需要同佢哋客氣，老婆唔做嘢就唔做嘢㗎啦，佢有乜資格叫人哋出嚟做啫？
到時記得攞定個電話出嚟錄音，佢哋就唔夠膽講嘢太過分同太唔合理。

newstudent2025

d外判係咪抽佣？多d上繳抽水越多？

Reborn818

newstudent2025 發表於 26-7-2025 23:32
d外判係咪抽佣？多d上繳抽水越多？

睇你跟邊個外判，如果你債權人要求開大會，即係要佢地指定外判，嗰債權人俾生意佢做咁，佢當然實要捉到你生活費緊，希望你上繳多啲，一來同比生意佢做嘅債權人交代，二來佢得到嘅手續費亦都會多d。
另一種係破產管理署直接外判，個類係出邊嘅會計師或者律師樓，以投標方式投返黎，主要係分擔破產管理處，做唔晒嘅受托人工作，所以暫時所佢哋都係OK好人嘅。

newstudent2025

如果跟第一種都幾難搞

Reborn818

newstudent2025 發表於 26-7-2025 23:51
如果跟第一種都幾難搞

佢比較難搞，但其實好多嘢只要有單有據，根本亦都唔使驚佢，佢要求太過分唔簽就唔簽，大不了上法庭搵法官判，要求上庭佢哋大把嘢做，你估佢唔煩嘅咩。

newstudent2025

明白，師兄你本身係跟邊種？係咪第二種直接外判？

Reborn818

newstudent2025 發表於 27-7-2025 00:46
明白，師兄你本身係跟邊種？係咪第二種直接外判？

係阿，我跟直接外判，所以傾生活費時都冇乜特別事情叫做好彩。
我之前諗定如果上繳數目太多太唔合理就轉plan B，不過而家唔使用了。

newstudent2025

Reborn818 發表於 27-7-2025 10:32
係阿，我跟直接外判，所以傾生活費時都冇乜特別事情叫做好彩。
我之前諗定如果上繳數目太多太唔合理就轉p ...

如果我本身有長期病，定期睇醫生，每月千幾二千蚊，要爭取呢條數係咪唔難？我提供返單據就ok？

timmoz

newstudent2025 發表於 27-7-2025 14:11
如果我本身有長期病，定期睇醫生，每月千幾二千蚊，要爭取呢條數係咪唔難？我提供返單據就ok？ ...

睇下跟邊個，通常叫你睇返公立架啦，都無得反對，嚴d既唔會批睇私家，仲會串返你轉頭。

Reborn818

timmoz 發表於 27-7-2025 15:55
睇下跟邊個，通常叫你睇返公立架啦，都無得反對，嚴d既唔會批睇私家，仲會串返你轉頭。 ...

好心你無知，無知識冇常識就收皮咪日日衝出黎柒啦。喺公家你估一定平？大把專科藥，你睇公立醫院都係要自費，嗱嗱嗱，我又袋錢落你個袋，藥物一般專利係10年，唔夠10年冇副廠藥，所有某部分藥物公立醫院都係要你自己俾錢買。公立醫院嘅專科你話睇可以行入去睇嘅咩？如果私家寫信轉介去公立，（你估今日有信聽日可以去睇㗎？）咁中間嗰段時間我，食開嘅藥或者有乜事？係咪你負責？

Reborn818

newstudent2025 發表於 27-7-2025 14:11
如果我本身有長期病，定期睇醫生，每月千幾二千蚊，要爭取呢條數係咪唔難？我提供返單據就ok？ ...

呢條數基本上唔使爭取，只要你係有單有據，係冇得佢哋唔批。至於上邊個柒頭所講話咩話你轉去公立醫院，其實某程度就似我搵10皮，我小朋友讀開國際學校，你無啦啦叫我同佢轉校去讀間band 3 官中？就算我當我唔係搵好多錢搵萬零二萬蚊，我睇開私家專科所用嘅藥，分分鐘去政府醫院都係要俾錢。
所以我成日強調要錄音就係咁解，對方夠膽講埋啲唔合邏輯嘅白癡嘢嚟串七七，睇吓投訴嗰陣時邊個蝕底囉。

newstudent2025

Reborn818 發表於 27-7-2025 17:37
呢條數基本上唔使爭取，只要你係有單有據，係冇得佢哋唔批。至於上邊個柒頭所講話咩話你轉去公立醫院，其 ...

明白晒，其實我自己係濕疹，食類固醇無效先睇中醫。一個月要睇2次keep住食藥先得，我諗俾返最近嘅單據佢睇就可以幫自己fight到呢舊錢？

timmoz

Reborn818 發表於 27-7-2025 17:32
好心你無知，無知識冇常識就收皮咪日日衝出黎柒啦。喺公家你估一定平？大把專科藥，你睇公立醫院都係要自 ...

都係跟返程序，受託人只會睇條數，唔會理人生死。佢地覺得合理咪有機會批，人地唔係老馮要批的。

Reborn818

timmoz 發表於 27-7-2025 20:47
都係跟返程序，受託人只會睇條數，唔會理人生死。佢地覺得合理咪有機會批，人地唔係老馮要批的。 ...

你係受托人咩？唔知醜，你講係就係？醫療費做仲叫做唔合理？咁不如叫你餐餐食杯麵食麵包然後比$1000你做伙食啦。我唔知咪係叫做老馮要批，我之前就批咗$1000醫療費用，然後話係交通意外後遺症，每月嘅推拿同藥物治療，佢冇問我攞單睇添，好多嘢係你自己冇知識，唔識去爭取啫。
你柒到離境都以為要佢哋批，睇到佢哋咁至高無上，咁咪所以你乜都唔敢去爭取，搵雞碎咁多仲要俾人抽三成咁多囉。

Reborn818

newstudent2025 發表於 27-7-2025 18:35
明白晒，其實我自己係濕疹，食類固醇無效先睇中醫。一個月要睇2次keep住食藥先得，我諗俾返最近嘅單據佢 ...

濕疹基本上10個有9個睇西醫，用類固醇都係搞唔掂，你喺份28C度支出到填番上去，然後到26頁嗰陣時亦都照填，都交26頁嗰陣時，如果佢問你就粗略講吓俾佢聽你嘅情況，到傾生活費嗰陣時你就帶齊單據去，如果佢要你就俾佢睇。
我之前就填咗醫療費用（因交通意外後遺症所需治療痛症推拿及藥物），曾經溝通意外當然係真，但至於係咪後遺症就見仁見智啦（打得波多嗰排咪會痛囉），當時我諗住填咗上去先懶得理佢，隨便寫咗1500嘅果佢批咗$1000俾我（咩單據都冇問我攞嚟睇），我只係同佢講每個月要去推拿兩，三次，要長期買Celebrex（一種非類固醇消炎止痛骨科藥物）同Voltaren（一種飛類固醇骨科外用藥膏）。

newstudent2025

Reborn818 發表於 27-7-2025 21:00
你係受托人咩？唔知醜，你講係就係？醫療費做仲叫做唔合理？咁不如叫你餐餐食杯麵食麵包然後比$1000你做 ...

多謝師兄每次都咁詳細講解。其實上得呢度都係想互相扶持，點解有d人硬係要反社會想人死？
另外想問下，家庭膳食，家庭雜項，供養父母老婆呢d應該點寫？有冇參考數字？