宣誓後如何應對收數公司

Reborn818

OTTO 發表於 23-7-2025 10:31
師兄 我依排都無野撈無返過香港 我諗住8月頭返黎入紙
(因為有個兄弟有新盤開射一射 做到下年 出糧方式我 ...

我粗略地講下破產流程。
填好兩份表格（表格3，28c)，俾8000蚊，跟住宣誓（係破署搞），跟住再去隔離高院俾10xx，存檔文件，就會出臨時破產令，因為上面會你既破產檔案號碼（所以一般就甘叫有NO)，同時即刻會有正式上法庭日子時間，搞掂哂將文件交返破署就暫時完成。
一般5到6星期就會上庭，文件冇問題，法官嗰日就會正式判你破產，如果有錯漏就會延遲（一般一兩星期後），同日法庭書記會話俾你知你錯啲咩同教你點做。
上法庭前破署會有第一封信寄俾你，內容一般分兩類，一係直接通知你頒令後搵邊個交文件（就係你成日聽所謂嘅26頁），或者通知你，你頒令後會再有信件通知你搵邊個。
因為26頁上邊其中有一個問題，就係問你三個月內有冇新貸款，如有就要填上去話佢知。（所以某一啲律師樓如果你三個月內有新數，佢未必會做你生意）

Reborn818

你上庭前去收信都無問題的，因為上庭前其實只係得一封信收。

OTTO

Reborn818 發表於 23-7-2025 10:51
有工開就太好了。
我粗略地講下破產流程。
填好兩份表格（表格3，28c)，俾8000蚊，跟住宣誓（係破署搞） ...

上星期拎左份TU睇返 全部數2024都停晒 加埋8球幾  
心諗計埋2線TE數同埋公司數肯定過千 原來我走數都走左年半
因為我早前收到個WHATSAPP 我明明記得找剩果間30幾
估計應該係賣左條數出去 條友話我依加差佢80幾(已讀不回)
第日我填表點報依啲數?? 會唔會問返走數前3個月既出入數架?

Reborn818

之前望電腦望到眼花花，睇錯你寫有工開。
買出去邊你唔使理佢，照申報你當初同邊個借就可以。
總之所有數一定一定要申報上去，如果有數漏咗，老破後佢都可以再追，填既銀碼唔重要，大概可以了。
破署會唔會問你資金流向，好難講的，都時問就照講，如佢話要證明，有就俾佢，無就無架啦，佢唔信都冇辦法，都時先算，唔使擔心喎。（不過你頒令後，一兩星期都係要睇吓信箱，因為有咩嘢佢會寄信通知搵你解畫）

OTTO

Reborn818 發表於 23-7-2025 11:17
之前望電腦望到眼花花，睇錯你寫有工開。
買出去邊你唔使理佢，照申報你當初同邊個借就可以。
總之所有數一 ...

我係過完年先同啲兄弟朋友行家講我出左事啫
但慶幸既係無人驚左我喎 無人離我已去喎
早前做果份裝修都係啲兄弟介紹我去啲行家度做 收錢麻撚麻
早2日 個兄弟打黎話有個大盤開 做大半年 叫埋我 8月頭開得工
叫我攪掂啲野先 隨時返得 現金糧唔報稅果啲 自己兄弟好易話為
揾錢開飯我真係唔膽心 因為我既圈子既都揾到下錢 兄弟多有幫拖
我就算差成千個 都無差啲兄弟一蚊 點都有啲兄弟射一射既
最煩既係睇下點樣簡單啲斷尾重生啫

Reborn818

OTTO 發表於 23-7-2025 12:12
我係過完年先同啲兄弟朋友行家講我出左事啫
但慶幸既係無人驚左我喎 無人離我已去喎
早前做果份裝修都係 ...

世界上我相信吸引法則，你係有情有義嘅人，所以你身邊嘅兄弟都會係。
老破完之後，慢慢所有嘢就會斷尾，其實只要搵錢開飯嗰度冇問題，其他嘢一步一步咁解決，四年後就係一條好漢，反正仲後生，到時咪東山再起。

lovekk2

尋日原本要還V仔, 不過入左紙, 19號就會頒令, 佢地今日就wtsapp, 打電話同msg......
因為是經律師搞的, 律師都講左已經fax及寄左畀債權人......
佢係咁打黎, 我駛唔駛wtsapp多次個臨令畀佢地?

Reborn818

lovekk2 發表於 7-8-2025 13:02
尋日原本要還V仔, 不過入左紙, 19號就會頒令, 佢地今日就wtsapp, 打電話同msg......
因為是經律師搞的, 律 ...

呢間野係甘，你WhatsApp 多次俾佢，之後如果佢再煩你，你直接去牌照部投訴。

lovekk2

佢之前無煩過我，係尋日過左期先開始 。佢會唔會話收唔到個臨時令嫁????

Reborn818

lovekk2 發表於 7-8-2025 13:54
佢之前無煩過我，係尋日過左期先開始 。佢會唔會話收唔到個臨時令嫁????

佢話收唔到你都吹佢唔漲，佢知你呈請實會想R多期，無辦法，個個同學仔最難捱就係等頒令呢段時期。
你whatsapp 多一次去佢帳務部，然之後你可以唔理佢（我個時完全無理佢）

lovekk2

Reborn818 發表於 7-8-2025 13:59
佢話收唔到你都吹佢唔漲，佢知你呈請實會想R多期，無辦法，個個同學仔最難捱就係等頒令呢段時期。
你what ...

明白, 謝謝你!