唔識行落去啦 雙腳伸直!!!

HS1975

其實，你都覺得又或者已經一無所有，有洗咩驚這樣那樣，錢去人還在，得個灰字幫唔倒你啦！本來無一物，何處惹塵埃？

tony浸信會

OTTO 發表於 2-7-2025 22:18
我銀行戶口都凍左
我拎張提款卡入機 佢叫我聯絡銀行
用網上銀行登入 見到帳戶被凍結 顯示負數  應該可 ...

係邊一區住？     置富花園請人(現金糧）
另外有時你细路仔時候開過D銀行戶口可能忘記咗、其實去其他銀行問下可能搵得翻

只要公司记錄、執達夷信、銀行、人壽保險...文件齊就一定有得搞        可能6C見你资料唔齊   卻唔係有錢賺都唔做你生意

OTTO

tony浸信會 發表於 2-7-2025 23:08
係邊一區住？     置富花園請人(現金糧）
另外有時你细路仔時候開過D銀行戶口可能忘記咗、其實去其他銀行 ...

我係香港已經無住址 無電話號碼(依加用緊既號碼都係叫啲兄弟幫我開既太空卡 返工 出入用)
數冚數果陣 揾過啲中介 借過果的財仔叫咩名都記唔晒  可能依個係律師唔接我生意既其中一個原因
現在我得返張身份証 同2皮現金  乜都無啦 都輸到咁 仲可以提供啲咩呢

jackywong

你係衰爛賭嗎？

wastewater

師兄，你冇還幾耐可以咁多caae 告你既？

OTTO

聽師兄講 今日打左去 向晴軒果個乜乜危機專線 電話:31610102 同個社工哥哥傾左1個鐘
一開始我同佢講 大約我現在個情況 話朋友叫我打依個電話 可能你地會幫到我
之後佢就勁關心 問我係邊 (我感覺佢驚我跳樓)  
之後就問我有無地方住 有無飯食  如果有需要可以安排床位比我喎
我講我係深圳住 開飯唔成問題 我只係債務破產方面解決唔到
佢又問點解欠債 欠幾多(感覺佢地講野真係好有技巧 好似傾計咁 係咁兜圈 唔會好直接)
我話生意唔掂 數冚數 已經計唔清欠幾多 大約8球掛
佢叫我近期有時間去九龍灣揾佢地 有專業既人同我詳細傾
同埋叫我先唔洗擔心破產既費用 話幫我解決左啲問題先 問題肯定解決到既 之類說話
我感覺得一個社工哥仔 專業過律師行既師爺 我下星期有工開返香港再過去揾佢地

Reborn818

聽到甘我都安心啲（其實之前我見你打嘅嘢我都有啲擔心），所以先叫你搵佢哋。
希望師兄你盡快能夠解決問題，錢冇咗可以再搵過，因為咁樣拖落去真係唔係辦法。

tony浸信會

係呀！   我哥哥雖然沒有破    但在深圳把錢都用光   佢尝试過去鰂魚涌返工     半個月都捱唔到     香港人有困難始終要返香港先     我自己铜鑼灣租房    頭兩年$6000    之後$6500    有三面窗      晚晚都訓得好好

攪到我頭痛

OTTO 發表於 3-7-2025 22:04
聽師兄講 今日打左去 向晴軒果個乜乜危機專線 電話:31610102 同個社工哥哥傾左1個鐘
一開始我同佢講 大約我 ...

希望樓主你順順利利攪掂呢壇野。

失控的人

加油呀⋯辦法一定俾困難多

timmoz

唔快搞入學一定逼死自己...8球數出邊追得好緊下又想你現身，小心安全。

Terea

OTTO 發表於 3-7-2025 22:04
聽師兄講 今日打左去 向晴軒果個乜乜危機專線 電話:31610102 同個社工哥哥傾左1個鐘
一開始我同佢講 大約我 ...

加油呀師兄，積極面對，冇野要驚，祝順利！

Kamkai1314

師兄加油呀…問題都係一步步解決..本人都係十幾年咁捱過來….有時覺得做人都唔知為乜？但試諗返身邊仲有好多人對你好..除左債務之外..仲有好多野可以做..加油..！

OTTO

唉 成個星期都無工開 追糧又追唔到又要遲幾日喎
琴日見無乜落雨走左過九龍灣揾佢地傾  
今次現場有2個人 1個社工 1個義務律師 今次講野好直接 之前電話入面果個係咁兜圈 應該唔係同一人
今次三口六面直接問我關心既問題  我估計應該有好多師兄都有同樣問題 可以參考下
因為我係深圳住，事情未解結前最影響我既生計，所以關心一下出入境問題。
(一):銀行/財仔 告我既係民事案件，佢話:(民事CASE無出庭 大多數無得2個結果)
1.被告無出現可能開唔到庭，再排期。
2.身為被告無出現即係放棄伸辨既權利，直接判敗訴(如無刑事成份/罰款令)係唔影響出入境自由。
(二)佢話:全部政府部門既欠款都有權禁止欠款人離境，
但只有稅局係有可能 要求顧主代交/要求銀行凍結餘額扣數/要求銀行凍結戶口。
(所以我肯定我銀行戶口被凍結係出自稅局既手筆)一不離二，估計時間問題!下一步就係禁離境。
如果真係有一日出唔到境，入境處通常都會話比我知係咩事，如果佢地都睇唔到咩事就直接坐專車去相關部門。
佢建議:如果暫時無錢交，先將個重點處理咗破產先。(可能2個月內唔定，2年後唔定，但佢肯定遲早都要上去傾)
到時直接同主任講自己既經濟問題，或許有減免。但佢肯定咁講 一定可以分期，
只要我肯出現面對 去同主任傾 去開口要求 政府唔會迫死人。
佢話有求助者試過 傾到每個月交幾十蚊 交足破產期4年。亦有人傾完分期 但3期無交錢又禁出境。
(三)我話有公司 有物業，現在又無住址，戶口凍左無銀行月結單，百無-得返張身份証點攪?
我亦試過係出面揾過好多間既律師行 一係收費好乸利，又或者直接唔到我生意。
(1)有物業已經被第1債權人收咗，咁我依加既情況係第1債權人都唔夠扣。
佢話:債權人要錢啫!第1.第2.第3債權人告我之前肯定要查冊，
通常見我現在都無晒資產，已經無 再告我(刑事/破產)既價值，政府數除外。
(2)佢話:有公司未清盤，董事未離職係唔影響我個人破唔到產既。
我聽到既大約意思係 公司法入面講破產人仕係不能夠出任董事，我現在又未破產係無影響。
當法庭頒令起，我自動失去董事資格。同時公司股份會被接管， 睇下公司仲有幾多資產 唔夠數就簡易程序清盤。
我需要配合提交不少於2年既帳簿，法律上應該要交7年數，如果2年都交唔到政府通常就會告。
如果交唔出 佢話:會比人告公司法131.140(唔知有無記錯 如果講錯你地提提我改正)果啲董事無保管好數薄
排隊上法庭 佢話:一個上早幾十人都係告依啲 叫我乜都無謂講 只係講2只字:認罪 落樓交2千 無錢就傾分期，唔認罪又排過期揾黎攪。
(3)佢話:無住址可以去租用郵政信箱，一年3-4百蚊喎，法庭係接納既。
坊間真係好多人賣資料，有求助者怕收數佬又搞野/又或者唔方便收信通常都會開返個，只要你有3幾百蚊/1年。
(4)銀行結單 叫我無就唔洗理住 佢比左條碼我 叫我上網睇下攪唔攪到左份TU先 唔得就去尖沙咀攪 之後再返黎揾佢地幫我填表喎。
(5)閒話傾左陣， 佢地話坊間律師行一般都要求我地交文件交足100分 少一件唔唔接/收貴啲 搬字過紙簡單易做 破產CASE根本唔休做 。
其實每個人都有唔同情況 可能有啲文件真係滿足唔到，佢地話有啲技巧幫我攪既。
唔總之有幾多就交幾多 入左紙先 唔得最多彈回頭再補過文件啫 補多幾次佢地都怕撚左我喎
因為經律師行彈多幾次會比法庭屌，我個情況係自己入紙 40歲人都未試過破產 又唔係讀法律既 唔比錯架??總之一頒令就攪掂!

konate1985

多謝師兄好詳細分享, 睇黎佢地都係覺得你盡快入紙申請破產先, 其他野逐樣逐樣再拆

Reborn818

希望佢哋可以幫忙儘快解決師兄問題。
不過聽你咁講，慢慢着樣拆解應該可以好快解決到。
政府稅嗰度真係唔使驚，我有朋友曾經欠幾十個，終於傾掂數分十年還。
自己搞老破，填資料有錯漏，上法庭當日官最多即日頒唔到令，遲一個禮拜再去，同當日法庭書記會教你點樣改返資料再存檔，完全無問題的。
希望你所有煩惱盡快解決，人生一步一步重回正軌，師兄加油

Reborn818

律師講嗰條法例，咁啱我早前喺另一個post講過。

違反《破產條例》(第6章)第134條，在緊接提出破產呈請當日之前的2年期間，沒有備存妥善的簿冊和會計紀錄。不過呢個就好小事，過往都係罰$2000咁大把。

OTTO

Reborn818 發表於 14-7-2025 00:54
希望佢哋可以幫忙儘快解決師兄問題。
不過聽你咁講，慢慢着樣拆解應該可以好快解決到。
政府稅嗰度真係唔使 ...

感謝你呀 師兄
唔係你叫我打果個電話 我仲係到ON99 左問又問
晒車錢晒時間上律師行不特止  仲要聽班7頭講埋啲官方語言

Reborn818

OTTO 發表於 14-7-2025 00:59
感謝你呀 師兄
唔係你叫我打果個電話 我仲係到ON99 左問又問
晒車錢晒時間上律師行不特止  仲要聽班7頭講 ...

師兄唔好甘客氣啦。
大家都係同路人，就係應該互相幫忙同鼓勵的。
而家行出咗第一步（起碼已見到曙光），所有問題應該可以慢慢拆解嘅。
唉，香港搞破產嗰班友有時真係，十個八個都係柒頭，錢係要搵，但係都唔係咁撚樣搵。

CKC

破產後會有臨時令號碼，你再書面向稅局說出你情況，當年我要求稅局分期，後來主任打電話俾我 話會同被產處追收，所以我第一年税就無交到税。