新手想自己舉手 求各位幫幫手解答

Reborn818

Dck89 發表於 2-7-2025 13:17
另外銀行戶口凍結真係睇彩數  我自己有上x商 匯x  上個間係出糧戶口黎（細行）   佢一星期到就凍左  匯仔就 ...

其實大部分銀行，一般呈請後都會凍結，只係時間快慢問題。我之前得中x 同ZX，中x十日凍，衆x快過打針，兩日KO.
係，大貓係聽同學仔講，反而無牙齒印一值可以用到頒令。

Reborn818

Dck89 發表於 2-7-2025 12:54
我情況同你一樣  不過我就搵左位c兄帶去 （要$不過平律c好多）佢有實體卡唔係我都要攪到晏就 ...

其實有人帶都好既，起碼好多野唔使兩頭中。（我係高院底都問左幾次人）

Dck89

Reborn818 發表於 2-7-2025 16:40
其實有人帶都好既，起碼好多野唔使兩頭中。（我係高院底都問左幾次人） ...

所以我寧願比個位c兄賺都好過搵6c  其實做既野都唔差得去邊  自己攪即日都宣誓加有臨令  同埋我見樓主d數 全部1線   自己攪都係9000  慳返好多  

Reborn818

Dck89 發表於 2-7-2025 18:24
所以我寧願比個位c兄賺都好過搵6c  其實做既野都唔差得去邊  自己攪即日都宣誓加有臨令  同埋我見樓主d數 ...

係，自己上去搞即日有臨令，搵律師分分鐘慢過烏龜。我當第一次頒令搞唔到有錯漏，最多改返遲一個禮拜先頒，但係整個程序其實都快過搵律師。
但好多同學仔可能費事煩囉，覺得破得都唔差嗰幾千蚊。

5M9512

tony浸信會 發表於 2-7-2025 09:19
老人家可唔可以幫你找咗渣X條數？     你人工有二萬喎     唔好破啦

就係無能力幫先更加盡量唔想佢地知:'(

5M9512

Reborn818 發表於 2-7-2025 09:22
1. 驚填錯可以係破署接待處問佢借份樣本參考，然後小心D就得，其實真係無咪甘難。如果有錯漏，上庭時法官會 ...

明白，感謝你題題都答勻晒！啲大數都唔少過咗60日，我都係拿臨過去睇份樣本，快啲搞掂佢啦要，上個月先改完ZX出糧，希望唔好凍咁快，最怕凍咗至到未開返個儲蓄唔知點同公司交代:Q

5M9512

Reborn818 發表於 2-7-2025 09:38
3. 唔想屋企知，可以問朋友借來做通信地址，唔使聽條白癡有講，追數嘅無啦啦點會知你俾咩地址破署啫，佢哋 ...

我睇咗郵局申請私人郵箱應該趕唔切，5個工作天，快極都要下星期，今個禮拜請咗日假，之前拖太耐，想快啲解決。。。想問問，即係就算開咗個郵箱，填個兩份表都係要跟返原地址嘛？應該邊度填通訊地址，先擋到破處封信寄到屋企？定係破處個邊唔使改/填任何新郵箱地址，直接去郵局搞轉遞實際啲？

呈請後真係等成個月先出破產令，先申請到授權信去開戶咪撞硬出糧日子無戶口:dizzy::dizzy::dizzy:

5M9512

另外有個白癡問題，係咪要齊晒所有statement先得？都知我啲數的確好多間又碎濕濕咁，邦X個份，上年年頭一開頭好快改過個期數，但搵嚟搵去淨係得開頭個份約，係咪要過邦X度申請要返份文件先可以過關:'(

同埋有位師兄問我有冇全新申請的信用卡或貸款？唔算有掛。。。卡都係以前開落嘅，堆數入面有好少量幾千蚊係近月簽嘅卡數，有冇影響㗎？

Reborn818

5M9512 發表於 3-7-2025 02:31
明白，感謝你題題都答勻晒！啲大數都唔少過咗60日，我都係拿臨過去睇份樣本，快啲搞掂佢啦要，上個月先改 ...

Zx 好快凍的，快到我都唔信，所以你出完今期糧，嗱嗱聲攞晒啲錢出嚟先，先好去呈請申請。但下月出糧可能會cake cake 地，呈請後一般你預五星期（如果撞到紅日多就六星期）上庭，如果有嘢錯漏就要遲一個星期再去過。
或者試下甘，呈請後試吓開小新或創x頂住用（因為有同學仔近期試過呈請後係開到），記得開純儲蓄，然後頒令後嗱嗱聲去搵主任搞保留戶口（但當然唔肯定100%可以保留到）。
其實即使開到，都有機會喺頒令前凍，所以你唔好咁心急開住自己計吓時間。

Reborn818

5M9512 發表於 3-7-2025 02:48
我睇咗郵局申請私人郵箱應該趕唔切，5個工作天，快極都要下星期，今個禮拜請咗日假，之前拖太耐，想快啲 ...

破產管理處係冇咁快會寄信俾你，通常呈請後兩至三個星期先會有第一封信，所以你最好嗱嗱聲去搞咗郵箱同郵政傳遞服務。
填破產申請文件時，地址全部填番晒你而家嘅地址，然後郵政傳遞服務嗰陣時，就係將你而家嘅地址轉去個郵政信箱度（我以前搬屋一般都會用呢個傳遞服務半年，驚有時一時大意有啲嘢轉唔切地址都起碼會收到信）

Reborn818

5M9512 發表於 3-7-2025 03:26
另外有個白癡問題，係咪要齊晒所有statement先得？都知我啲數的確好多間又碎濕濕咁，邦X個份，上年年頭一開 ...

最簡單就係上環聯擰份報告，一年一次可以免費索取，如果你之前拎過就要俾錢買。我就係跟住報告將全部債務填上去，簡單又快捷。
各位師兄問你有冇新數，純粹想圍下爐了解吓啫，冇乜特別事，我睇你所描述嘅，你應該冇乜特別問題啦。因為到你正式破產後交文件時，破產管理處會問你有冇三個月之內嘅新貸款，如果有一般都會再跟進叫你解釋（哈哈，我都有份），其實主要睇吓你有冇資產轉移（或動機），其實只要解釋到都冇乜特別事。

Reborn818

我自己就係喺網上download咗兩份表格，基本上大概知佢要啲咩資料同點填，再上去破產處買咗佢份指引（好似$20左右，內邊有埋兩份表格的）。跟住係份download落嚟嘅度填好。之後就喺網上約預約宣誓，早一粒鐘去到破產處，跟住問佢借份樣本再睇清楚抄返落份表格度。
個宣誓官同counter小姐都會同你check吓你填嘅嘢有冇問題，但有兩樣嘢要注意就係，唔需要填嘅位置，你記住大隻字寫NIL，同銀行戶口嗰度記住後面寫（100 ％個人擁有）。不過其實真係有錯漏都問題不大，法庭書記到時會教你改同教你點存檔，但係就下星期要去多一次囉。
同埋去搞嗰日記住帶實體八達通影印。

Reborn818

我嗰時就係跟住呢個神post 去搞的:lol

https://www.hkiva.org/forum.php? ... ge%3D1&mobile=2

Dck89

5M9512 發表於 3-7-2025 03:26
另外有個白癡問題，係咪要齊晒所有statement先得？都知我啲數的確好多間又碎濕濕咁，邦X個份，上年年頭一開 ...

你去舉手第一次去  係要帶錢 id卡同果2份野   其他野係唔需要而家準備   你其實真係想攪  而家快手攪好過比左收數

Reborn818

Dck89 發表於 3-7-2025 11:03
你去舉手第一次去  係要帶錢 id卡同果2份野   其他野係唔需要而家準備   你其實真係想攪  而家快手攪好過 ...

我諗佢意思係呢數亂又唔肯定銀碼，唔知點填上去申報債務。
環聯報告最簡單快捷。

Reborn818

仲有強積金，要填哂甘多間，你上積金易有哂，照寫上去就得。如果有股票戶口，記住先清咗倉，如果有保險全部都要cut。