關於新申請信用卡/貸款, 請問有冇師兄舉手後比人告詐騙?

Reborn818

may_may 發表於 15-6-2025 20:00
請問短期申請新卡/狂look卡意思係咪都係大約3個月內？

其實六個月內都係高危，如果你係新申請

cicinate

Reborn818 發表於 15-6-2025 19:59
咁有少少煩，都破產處問嗰陣時可能要拉埋你親人落水

其實我親人知道左成件事，拉落水意思係親人都去解釋嗎？我有親人月結單可提供(因為都係虛擬銀行果類，借俾我用，都係預付卡支付) 網賭都有記錄係度既

其次，其實我還唔還1期或者2期一樣會搞我啦，我覺得就分別唔大 （我還到就唔使舉手啦）

我唔知我銀碼算唔算大，如下

續借4萬，另外一件同兄弟會3萬，其他都係1萬-2萬左右，加埋接近18萬

Reborn818

cicinate 發表於 15-6-2025 20:06
其實我親人知道左成件事，拉落水意思係親人都去解釋嗎？我有親人月結單可提供(因為都係虛擬銀行果類，借俾 ...

你而家就準備定所有晒證據先（當然包括你親人戶口transaction)，一般佢多數先要你書面解釋及提供證明文件，其實只要你證據齊又解釋得一清二楚，基本上問題不大。
財仔嗰邊你已經預咗，有心理準備就得，嗰班仆街最鍾意之後報警，攞晒啲文件上去話你詐騙，跟住差人嗰邊要你簽簿一年半載咁睇吓起唔起訴到你。

may_may

Reborn818 發表於 15-6-2025 19:56
我記得你親人嗰個情況。
但老實講你親人，其實真係好高危，即使你同佢頂三個月先老破（其實俾min pay同正 ...

咁盡拖半年以上好似好d.. 因為我資金有限, 我計過頂唔到半年, 如果頂3個月順供或min pay 3個月, 之後叫佢匿埋幾個月, 6個月後先破就好似好d?! （6個月內完全唔look卡）

cicinate

Reborn818 發表於 15-6-2025 20:15
你而家就準備定所有晒證據先（當然包括你親人戶口transaction)，一般佢多數先要你書面解釋及提供證明文件 ...

師兄意思係我攞左令之後就會報警開始玩我了？係除左最大條數差唔多8萬（因為兄弟會）我覺得會告我，其他1萬2萬都值得去告我？

最衰我啲唔算最齊（因為最大出入數的網銀因為好多出入數俾銀行取消戶口，）我而家得網賭平台記錄+最近5月-6月月結單+PALPAY入數出數記錄，唔知破產處會唔會接受

失控的人

Reborn818 發表於 15-6-2025 12:57
唔會？不如講吓你啲威水史出嚟聽吓先啦。
個人經歷就係有一條破產前三個月嘅新數，頒令後約一個月，破產 ...

C兄，其實呢個例子都係個別事件，因為上來睇左大半個月，見好多C兄C姐都有新舊數一堆咁去破，唉…因為財仔真係通街都係，好容易借到

konate1985

Reborn818 發表於 15-6-2025 20:01
其實六個月內都係高危，如果你係新申請

我睇左好多post (包括呢度同乜討), 三個月內應該就高危d, 如果六個月內金額唔大解釋得到應該ok既

Reborn818

失控的人 發表於 15-6-2025 22:22
C兄，其實呢個例子都係個別事件，因為上來睇左大半個月，見好多C兄C姐都有新舊數一堆咁去破，唉…因為財 ...

肯定唔會係個別例子，你頒令後交26頁時，佢已經要你填三個月以內嘅新數，同埋要解釋埋用途，同金錢流向。（所以有啲律師樓，你三個月內新數太多佢接都費事接）
新舊數一大堆其實唔係重要，如果你有睇樓主之前個舊post，佢親人係幾個月內，一鑊過申請好多條條私人貸款有信用卡（唔係短期內碌爆係短期內申請再加碌爆），甘樣一般好難冇問題的。
講真俾人查過啲點，都唔會個個走出嚟講，如果唔係講開呢個話題，我都唔會無啦啦提。

Reborn818

konate1985 發表於 15-6-2025 22:27
我睇左好多post (包括呢度同乜討), 三個月內應該就高危d, 如果六個月內金額唔大解釋得到應該ok既 ...

咁如果你個私人貸款，或者信用卡係咸豐年前已經存在，解到話的話其實我覺得就算一個月都冇問題。

Reborn818

may_may 發表於 15-6-2025 20:16
咁盡拖半年以上好似好d.. 因為我資金有限, 我計過頂唔到半年, 如果頂3個月順供或min pay 3個月, 之後叫佢 ...

我真係唔敢答你，因為聽你所講，你親人啲數，基本上差唔多全部都係幾個月內一鑊過申請，咁搞法，只有到時睇吓點解畫。

Reborn818

cicinate 發表於 15-6-2025 20:51
師兄意思係我攞左令之後就會報警開始玩我了？係除左最大條數差唔多8萬（因為兄弟會）我覺得會告我，其他1 ...

黑財電數扣底一般知道你破產後，當然首先乜嘢招都出齊，希望你清到條數（會喺你呈請後正式頒令前發癲咁樣追你），當你頒令後，通常都會玩多你幾個月，直至到知道真係收唔到，佢哋好多慣常手法就係報警玩你，其實佢地都知未必夠料起你，但係佢哋通常就係，諗住玩你一年半做等你去差館簽簿。（反正佢哋都唔使成本）

timmoz

may_may 發表於 15-6-2025 20:16
咁盡拖半年以上好似好d.. 因為我資金有限, 我計過頂唔到半年, 如果頂3個月順供或min pay 3個月, 之後叫佢 ...

好心搞唔掂就即刻破啦，玩半年都無咩作用。

2025準備破產

其實講真10個破產最少7，8個係賭到爆廠先破 2線扣底易借又期短 又好多時到左後期會經中介一個月短時間內借好多間 咁真係果個月就賭爆左完全還唔到 大量新數 我相信呢d case實好多 咁其實實際真係被告詐騙既例子多嗎

Reborn818

2025準備破產 發表於 15-6-2025 23:51
其實講真10個破產最少7，8個係賭到爆廠先破 2線扣底易借又期短 又好多時到左後期會經中介一個月短時間內借 ...

二三線扣抵黑財，我所聽嘅最多係報警玩你（其實佢都心知告你唔到），真正可以告到你詐騙嘅其實唔多，其實如果係賭爆廠，你都要有實質證據，提供返俾破產管理處，其實已經聽好多單，頒令後寄信要你解畫。
但如果係銀行或者金融機構review 完，通常一般佢都係會經破產處搵你提供資金流向證據，但破處嘅責任只係查你嘅資產有冇轉移，至於銀行或金融機構起訴你詐騙，實際有幾多我真係唔知，但至少我係識人仲過招。

2025準備破產

咁我想問下 馬會acc係破產後係keep唔keep到?

Reborn818

2025準備破產 發表於 16-6-2025 00:24
咁我想問下 馬會acc係破產後係keep唔keep到?

Keep唔到。
開頭我冇取消，驚佢會要查紀錄。（但當然唔敢再用。）
結果上個禮拜收到信，佢話會寄信去馬會同我取消戶口。

2025準備破產

2025準備破產 發表於 16-6-2025 00:24
咁我想問下 馬會acc係破產後係keep唔keep到?

主要係想知係咪應該申破前就問馬會拎定呢年出入數record先 驚搞完acc無左睇唔返

Reborn818

2025準備破產 發表於 16-6-2025 01:37
主要係想知係咪應該申破前就問馬會拎定呢年出入數record先 驚搞完acc無左睇唔返 ...

一般無甘快Cut的，據聞就算取消咗，都可以俾錢攞到記錄出嚟。
但你擔心就攞定，如果你主要因賭而搞到財政惡化，又有馬會記錄做證明，睇怕遲早都係要擰。

kenyip

Reborn818 發表於 16-6-2025 01:00
Keep唔到。
開頭我冇取消，驚佢會要查紀錄。（但當然唔敢再用。）
結果上個禮拜收到信，佢話會寄信去馬會 ...

你頒左令幾耐之後收琴信叫你取消
破產署寄信比你既？

konate1985

Reborn818 發表於 15-6-2025 19:48
所謂嘅Review應該睇好多嘢，假如係信用卡戶口，仲要係三幾個月內新申請，戶口係短期內提取現金或者瘋狂買 ...

聽下聽下似係破產署就主要睇下D人銀行戶口有無資產轉移，多唔多轉帳俾其他人，而債權人可能從D人信貸報告，睇下D人例如最近幾個月有無新做既貸款，有既就要佢地交代得黎既錢咩用途