破產後學生資助問題及價權人大會

timmoz

最多分48期，唔知你條數幾大，佢仲要計高息。分期又要一埋資料，仲要未必批最長期數同理想金額。未計息分48期照睇都月供3300，計埋應該起碼3600左右。一定唔可以自己還，佢會睇到，特別你過數。簡單黎講，900每月還無可能，唔信打去封信電話問。佢批分期會睇哂新擔保人資產同收入，報埋家庭資料，你睇分表要填咩就知道，如對方有能力一炮過係唔會批分期，只會一次過。。

Reborn818

timmoz 發表於 29-5-2025 22:09
佢問既野我一早確認哂啦，佢地話無收入還唔到等個法官判，因為佢地跟指引根本批唔到，擔保人可能被破產。 ...

柒小陣啦你，人哋民事被索償，你都話要拉人哋去坐監㗎啦。
我有個長輩，因為好心幫個女個同學做咗彌償人。後來條友破咗產冇錢還，追我長輩，我陪佢上律師樓問過律師，律師都話有好多情況學資處可以特別處理的，就算傾唔到，要上庭法官判多數都係一樣係會分期。
但後來我長輩諗住，10幾萬對佢嚟講又唔係大數目，幫佢還咗費事煩，佢話等個債仔有能力時慢慢還返俾佢喎。（佢已經冇收入，係退咗休護士長。）

Reborn818

Yy012345 發表於 29-5-2025 22:10
我其實已經還咗兩期，不過仲有178期未還。我而家攞咗臨時令係咪唔可以再還錢俾學資處？咁我係咪而家就應 ...

呈請後破產條例，係唔可以再還錢俾任何人的。至於可唔可以換一個彌償人，你問吓學資處可唔可以甘處理。之前我長輩嗰單嘢，因為當時完全搵唔到嗰個欠債人，所以冇辦法搵佢同學資處傾，但律師話其實如果債仔同學資處傾，好多嘢佢哋會試吓特別處理，如果真係傾唔掂，可能真係要上法庭等官判。
不過你聽日嗱嗱聲打咗去學資處，睇吓佢點樣講先啦

Yy012345

Reborn818 發表於 29-5-2025 22:26
柒小陣啦你，人哋民事被索償，你都話要拉人哋去坐監㗎啦。
我有個長輩，因為好心幫個女個同學做咗彌償人 ...

我聽日打去學資處問吓先睇吓可唔可以轉一個新嘅彌償人，如果轉到嘅話新嘅彌償人有機會都可以幫我一次過還十幾萬，咁我就冇再爭政府錢就爭新嘅彌償人錢囉。其實新同舊嘅彌償人都係我屋企人。但係我本身嘅彌償人係冇工作能力同埋拎緊政府高額傷殘資助，同埋佢唔知道我申破既事我唔想佢擔心。

Reborn818

Yy012345 發表於 29-5-2025 22:33
我聽日打去學資處問吓先睇吓可唔可以轉一個新嘅彌償人，如果轉到嘅話新嘅彌償人有機會都可以幫我一次過還 ...

咁你聽日快快打咗去學資處處理咗佢先，如果有親人肯一炮過，同你還晒應該可以簡單解決的。

Yy012345

Reborn818 發表於 29-5-2025 22:38
咁你聽日快快打咗去學資處處理咗佢先，如果有親人肯一炮過，同你還晒應該可以簡單解決的。 ...

好啊，我聽日打去學資處搞掂呢樣嘢先。同埋我想問吓啦，如果破咗產之後發現份工唔啱做可唔可以辭職唔做？定係一定要俾人炒先可以失業？因為嚟緊三個月都好重要，未返過呢個行業都冇做過呢個職位，如果過咗試用期又穩定嘅話就應該會搬出嚟住，但係如果過唔到試用期又發現份工唔啱我都會辭職

Reborn818

Yy012345 發表於 29-5-2025 23:29
好啊，我聽日打去學資處搞掂呢樣嘢先。同埋我想問吓啦，如果破咗產之後發現份工唔啱做可唔可以辭職唔做？ ...

當然可以，破產後當然可以辭工，甚至唔做嘢都得，但如果你辭職一段時間，破產處批准你開嘅銀行戶口，佢就會唔俾你用。同埋如果躺平咁耐，你又咁後生，佢地實會疲煩你問你做乜唔做嘢。

Yy012345

Reborn818 發表於 29-5-2025 23:45
當然可以，破產後當然可以辭工，甚至唔做嘢都得，但如果你辭職一段時間，破產處批准你開嘅銀行戶口，佢就 ...

我打咗去破產管理處問原來學資處嘅學生貸款同銀行嗰啲數一樣都係四年後一筆勾銷。咁又真係幾好喎，四年後連政府錢都冇爭。咁我可以供多啲嘅，因為我本身都係諗住還清晒政府嗰10幾萬

Reborn818

Yy012345 發表於 30-5-2025 11:01
我打咗去破產管理處問原來學資處嘅學生貸款同銀行嗰啲數一樣都係四年後一筆勾銷。咁又真係幾好喎，四年後 ...

傻瓜，破產管理署當然冇講錯，但你首先要搞清楚個邏輯。
問題係因為學貸需要彌償人，同你啲私人欠債唔一樣，你一破產自然就會去追彌償人，如果佢還唔到破產，當然四年後一筆勾銷。（即係無啦啦連累埋佢要破產）
所以你快啲打去學生資助署，睇吓究竟點樣處理啦。

abcman1214

Reborn818 發表於 28-5-2025 19:56
首先睇我有冇理解錯誤你講嘅嘢。
你讀書時有學生貸款，你家人做咗你lender，而家你破咗產，所以學資處追你 ...

冇錯兒你講既野就係我想講既野。
即單據共用 照俾學資處個邊?
請問師兄係跟邊個外判？？

abcman1214

Reborn818 發表於 28-5-2025 20:01
除咗冇信用卡同冇馬會戶口用，我破產後就冇乜特別大轉變，唔使再成日撲水心情都唔知幾輕鬆。
咁就唔好咁灰 ...

多謝師兄既分享 。 就係好迷惘，唔知擦呢條路係唔係岩呢
成日都係會諗翻轉頭，當初唔係揀呢條路咁就係唔係好D
不停loop

poodlebb

TomC123 發表於 28-5-2025 20:07
你心水係打啲乜嘢工先？

都係D admin 呀

Reborn818

abcman1214 發表於 31-5-2025 00:30
冇錯兒你講既野就係我想講既野。
即單據共用 照俾學資處個邊?
請問師兄係跟邊個外判？？

照俾學資處個邊先，反正嗰邊只係用黎批核彌償人分幾多期還錢，又唔係要詐騙嗰啲咩。
我直接跟永x，算好彩，起碼好聲好氣有商有量，同生活費都算批得合理。

Reborn818

abcman1214 發表於 31-5-2025 00:36
多謝師兄既分享 。 就係好迷惘，唔知擦呢條路係唔係岩呢
成日都係會諗翻轉頭，當初唔係揀呢條路咁就係唔 ...

唔好諗啦，都已經成咗事實，向前望啦。

poodlebb

timmoz 發表於 29-5-2025 00:33
要用最新3個月既單據，聲明佢地自己交，俾埋支付紀錄，資產銀行戶口，所有資料，如果擔保人有工作，分期機 ...

師兄想問 更早前填支出俾永X 我都係有報埋租呀水電煤信D
但D單都係我彌償人 想問下  學資處方面，係唔係可以用 相同既單 ，即是單據共用

Reborn818

poodlebb 發表於 31-5-2025 01:07
師兄想問 更早前填支出俾永X 我都係有報埋租呀水電煤信D
但D單都係我彌償人 想問下  學資處方面，係唔係 ...

正常你報左係你支出，然後又變成你彌償人支出，基本上梗係唔啱規矩啦。
但學資處嗰度，只係用黎批核彌償人分幾多期，又唔係用嚟claim d咩，所以你自己睇下點啦。

timmoz

poodlebb 發表於 31-5-2025 01:07
師兄想問 更早前填支出俾永X 我都係有報埋租呀水電煤信D
但D單都係我彌償人 想問下  學資處方面，係唔係 ...

後果自負，無話唔可以用。同一堆資料一邊話自己既開支，另一邊就話彌償人既開支，唔知你真定假，明顯存心詐騙。政府可以問埋外判拎資料，到時GG。

Yy012345

Reborn818 發表於 30-5-2025 11:54
傻瓜，破產管理署當然冇講錯，但你首先要搞清楚個邏輯。
問題係因為學貸需要彌償人，同你啲私人欠債唔一 ...

學資處話可以分48期比彌償人還，不過我都同佢講咗我嘅彌償人情況，其實都係幾複雜下㗎，佢哋都要開吓會先答到我

Yy012345

Yy012345 發表於 31-5-2025 02:58
學資處話可以分48期比彌償人還，不過我都同佢講咗我嘅彌償人情況，其實都係幾複雜下㗎，佢哋都要開吓會先 ...

同埋呢兩日呢有啲自稱清數公司話可以幫我又叫我考慮清楚係咪真係要破產，跟住話就算我而家負債嘅數字係我月薪嘅23倍佢哋都可以清得到呢啲係咪呃人㗎？

Yy012345

Reborn818 發表於 30-5-2025 11:54
傻瓜，破產管理署當然冇講錯，但你首先要搞清楚個邏輯。
問題係因為學貸需要彌償人，同你啲私人欠債唔一 ...

同埋我之前咪有講過我手頭6間一線數既，依家X錢包已收皮加自動凍左我户口，跟住螞蟻銀行我都遲咗還錢，佢淨係send電郵俾我冇任何行動所以我都冇send Number俾佢。另外四間係美國運東，Mox，UA同Aeon, 因為呢四間係六月中先到還款日，我想請問六月中到咗還款日之後佢哋會點樣㗎？我到時都係send臨時令比佢地？定係其實佢哋唔會追？我要過咗還款日60日先會追我？但係嗰陣時我已經有咗正令了。