好煩惱，關於生活費

想做返個人

菲尼克 發表於 6-9-2023 17:20
賣左樓都唔夠還我筆債

父母63 同62 歲  無工作無收入

你有家姐同阿哥, 父母佢地都有份 , 就算批供養父母當你8000成立, 咁就批你3000囉
唔好講咩佢地係另一半養 , 大家都唔係同住咁點解你要自己負擔供養父母?? 佢地有冇錢付出呢D係你地既家事, 你同受託人講係無用架
根本就唔成立, 唔合理 , 我係受託人都唔批你

樓你就KEEP唔到架喇 , 咪就係變銀主盤, 跟住破產就俾受託人賣樓拎去還俾你D債主 , 就算唔夠還, 還得幾多得幾多 , 之後你當然要搵地方住啦, 咪租樓之後報返租樓支出 , 無咩問題

想做返個人

另外就係你水電煤、工人、供養個女呢D支出唔該全部除返2 , 因為你老婆係有收入的 , 家庭開支係兩份

都已經唔想計你供養個女做咩要用到10000蚊咁多, 又係果句, 唔好講咩要報興趣班乜乜物物, 呢D係你既家事, 受託人唔會批的

其實我照咁睇, 你應該叫你老婆辭左份工佢湊女算, 你45000人工都養活到頭家, 分分鐘仲可以上繳得少過你兩公婆都返工

同埋工人果度都可以炒左佢 , 你老婆唔做野就得了

Hahaj

你老母知道你咁既情況 有冇講D咩

菲尼克

想做返個人 發表於 6-9-2023 17:46
另外就係你水電煤、工人、供養個女呢D支出唔該全部除返2 , 因為你老婆係有收入的 , 家庭開支係兩份

都已經 ...

聽你咁講...好似受託人好似當我單身咁批.. 只係多左個供養仔 個幾千蚊
咁我最終可能得個皮幾野?  姐係差唔多上傳剩低既30K上去?!

大佬點生活呀..
個女讀學前 學費每月都幾千啦  仲有尿片 飲飲食食 養個就知好貴
批幾千蚊養個女
姐係個女除左食屙訓 咩都唔比做咁

雖然欠債要還錢
但如果佢真係CUT到咁  為左個女  我大不了  一拍兩散 賣樓移民走人算

菲尼克

Hahaj 發表於 6-9-2023 18:52
你老母知道你咁既情況 有冇講D咩

無咩點
自己攪掂自己

菲尼克

想做返個人 發表於 6-9-2023 17:41
你有家姐同阿哥, 父母佢地都有份 , 就算批供養父母當你8000成立, 咁就批你3000囉
唔好講咩佢地係另一半養  ...

想問下租金係咪實報實銷定係有限?

如果我出去租  一定租間大 岩小朋友多D活動
隨時同供樓個數差唔多
反正D錢剩返都要交上去 倒不如住間大扣左租金佢

Hahaj

我既case 同你差唔多，只係我無樓
都諗緊生活費個到可以點

Hahaj

你幾時入學 搵左邊間搞

好麻煩

其實你而家入左學，姐係手上所有既財產已經由受託人管理……你屋企得你同你老婆有做野，屋企開支會除2，至於層樓，我個人認為真係唔好搞住，等破署安排會好d，入左學就唔到你決定啦⋯⋯

zombie

菲尼克 發表於 6-9-2023 19:09
想問下租金係咪實報實銷定係有限?

如果我出去租  一定租間大 岩小朋友多D活動

斷供就一定係銀主盤等拍賣，假如負資產，你老婆仲要補返一半差額，扣返按揭假如有錢剩，你老婆應該可以取返一半，住個度出去租樓claim返生活開支，市區的話3人單位15-18k尚算合理，可以請工人，小朋友可以照讀私校，但因為你老婆有工作，租金水電煤工人小朋友支出都要除2份，小朋友支出keep返單，盡力bargain批多啲，但真係無標準批唔批，供養父母多數照除兄弟姐妹人數，甚至可以係唔批，個人支出膳食大約4600，交通$800-1200，個人雜項1000-2000，電話費$200-$400，我估你的case可能批2x-30k生活費，移民計得掂數的話，搞掂層樓就好走

欠一百萬

菲尼克 發表於 6-9-2023 17:18
我自己名就係
但依家係聯名，我老婆都有份話事同決定
依家我地都每月供緊....

你破產了, 你的業權歸受託人, 你點簽字賣樓呀
你老婆供唔起, 就銀行會收樓, 好簡單. 你老婆供到就唔會收樓. 日後, 再處理你的業權.
其實層樓你想知點處理, 你可以打去破署問負責你CASE的主任.

菲尼克

zombie 發表於 6-9-2023 19:33
斷供就一定係銀主盤等拍賣，假如負資產，你老婆仲要補返一半差額，扣返按揭假如有錢剩，你老婆應該可以取 ...

我爬過文
見好多師兄話傾唔掂生活費就唔好夾硬簽  大9對方話唔簽
有時傾左幾個月先傾得成

我諗住都係咁做  傾唔掂就唔簽  傾到OK先簽
我無比人凍結戶口 所以唔洗靠佢出咩解凍信

菲尼克

Hahaj 發表於 6-9-2023 19:22
你幾時入學 搵左邊間搞

8月
咩邊間攪?
依家先約交文件
都未傾邊個接手

菲尼克

欠一百萬 發表於 6-9-2023 19:50
你破產了, 你的業權歸受託人, 你點簽字賣樓呀
你老婆供唔起, 就銀行會收樓, 好簡單. 你老婆供到 ...

咁唯有供住先
等真係判左邊個跟再同佢傾

想做返個人

菲尼克 發表於 6-9-2023 19:09
想問下租金係咪實報實銷定係有限?

如果我出去租  一定租間大 岩小朋友多D活動

係實報實銷，但你破產仲要住得咁大咁好咁貴，亦都係有權唔批足俾你，記住破產係走投無路既選擇，必然係要捨棄奢侈生活

想做返個人

差人過百萬 發表於 6-9-2023 20:23
師兄 搞咩輸咁多 已經要供樓仲可以輸二球出去，老婆都肯同你借錢。到依家都無走佬已經算係咁  ...

事到如今講黎都無用了，但我諗樓主跟硬外判

因為賭錢而破產呢啲不恰當行為實俾銀行丟你去開大會跟李周/石仔

尤其是你有爭 獅子跟渣兜 呢兩間，中硬

要有心理準備

Hahaj

搵 301 搞既舉手

菲尼克

想做返個人 發表於 6-9-2023 20:25
事到如今講黎都無用了，但我諗樓主跟硬外判

因為賭錢而破產呢啲不恰當行為實俾銀行丟你去開大會跟李周/ ...

我破左產 樓又會無
我都無野好輸
傾唔掂就唔簽  再傾唔掂就交比法庭判  
判得唔岩  我咪拎錢移民走人  一蚊都唔會比佢

成日話咩家事 佢覺得唔合理就唔批
咁每個家庭情況都唔同  佢點可以話咩合唔合理

菲尼克

想做返個人 發表於 6-9-2023 20:21
係實報實銷，但你破產仲要住得咁大咁好咁貴，亦都係有權唔批足俾你，記住破產係走投無路既選擇，必然係要 ...

都已經唔係奢侈... 單身就話無咩所謂
依家有大有細有老  講緊生活 唔係生存..
所以我會企硬