找回密码
 註冊
楼主: arina_hashimoto

[求救] 破咗產,俾識嘅人揚開去,點面對?

[复制链接]
发表于 15-10-2018 10:43:14 来自手机 | 显示全部楼层
因為家庭開支,被迫破產,有人會同情你,賭錢破產仲要串串貢,冇人會同情你。
发表于 15-10-2018 10:54:00 | 显示全部楼层
arina_hashimoto 發表於 14-10-2018 23:03
舊朋友嘅,一我前上司接觸唔到嘅,可能都會搵返嘅
熟個班都唔知點面對
我從來唔會同佢地講自己嘅財務狀況 ...

其實又使咩諗咁多
可以的話當然盡量少人知會好D
但其實邊個知道又點呢?
搞得破產
唔多唔少都要預左有人會知(公司/親人等)
又唔係咩醜事 又唔係殺人放火
(即使真係殺人放火坐過監, 都唔一定要被人睇唔起吧)

所有壓力只係你自己比自己
睇得太重了
如果連你自己都睇唔起自己
往後日子都唔易行的

发表于 15-10-2018 12:08:44 来自手机 | 显示全部楼层
破產又唔係破處,又影響唔到佢地生活,小人係唔需要理會!
发表于 15-10-2018 13:11:08 来自手机 | 显示全部楼层
arina_hashimoto 發表於 14-10-2018 11:55
唔識嘅咪會咁講
親戚朋友點會講得出
分分鐘再揚出去

警告佢親戚都無得做
发表于 15-10-2018 13:33:07 | 显示全部楼层
我都是大部份親戚同相熟朋友都知, 箇中的茲味真係好難受, 因為我同時也掙他們錢, 所以更加尷尬, 雖則他們都支持我,
但也覺得羞愧, 現在唯有避見, 但時間可沖淡一切, 日子耐左便會淡化, 如有需要, 可找輔導傾傾, 佢地真係好好人,
令自己有一個喘息的地方. 也可令自己走向正路, 如你有需要找輔導, 我可介紹你的, 他們是志願機構, 費用全免
发表于 15-10-2018 14:56:20 | 显示全部楼层
來得呢道可能只有兩種人:(1) 絕大部份係預備破產同已經破產的人;(2) 外判主任,知己知彼。
既然我地大多數係(1),算係同路人。

人地破左產,任何人都可以批評,但我地係同路人,可以留低有用的資料同鼓勵,
而唔係搵個心目中可以欺侮的同道人來說三道四,可能人地破產有自虧地方,但去到呢步唔係想見到對目前境況沒有任何建樹的惡言。

想起「吃人」真係中國人的專利。
 楼主| 发表于 15-10-2018 16:48:52 来自手机 | 显示全部楼层
Jojobb 發表於 15-10-2018 13:33
我都是大部份親戚同相熟朋友都知, 箇中的茲味真係好難受, 因為我同時也掙他們錢, 所以更加尷尬, 雖則他們都 ...

我都真係想搵輔導傾
起碼都要知道破產係咩一回事 背後承受嘅壓力
好驚同個d一味叫你積極d、開心d、唔好諗咗多嘅「正能樣」人傾計
发表于 15-10-2018 16:50:42 | 显示全部楼层
airmax 發表於 15-10-2018 10:43
因為家庭開支,被迫破產,有人會同情你,賭錢破產仲要串串貢,冇人會同情你。 ...

其實,欠過億破產仲顯身價,以示食大茶飯,得人敬重!
欠得少,人地睇落無物料!
其實城市人的交往,可以極之疏離。唔o岩傾就唔見面,又無咩損失可言!
 楼主| 发表于 15-10-2018 16:51:53 来自手机 | 显示全部楼层
vicfre 發表於 15-10-2018 14:56
來得呢道可能只有兩種人:(1) 絕大部份係預備破產同已經破產的人;(2) 外判主任,知己知彼。
既然我地大多 ...

鍾意係人地傷口撒鹽都係仆X
其實揚出去對佢有咩好處
我諗咗好耐 有嘅 就係人地會覺得八多樣野同佢傾耐d掛
我折墮d應該會顯得佢有成就d?

Btw已經去信聯會同前公司投訴!
希望有用
 楼主| 发表于 15-10-2018 16:53:09 来自手机 | 显示全部楼层
airmax 發表於 15-10-2018 10:43
因為家庭開支,被迫破產,有人會同情你,賭錢破產仲要串串貢,冇人會同情你。 ...

未破過產嘅人真係會明白會同情?
佢地咪覺得係你理財不善 點都標籤咗破產=loser
唔係嘅都唔洗周圍同人講
发表于 15-10-2018 17:41:44 来自手机 | 显示全部楼层
arina_hashimoto 發表於 15-10-2018 16:53
未破過產嘅人真係會明白會同情?
佢地咪覺得係你理財不善 點都標籤咗破產=loser
唔係嘅都唔洗周圍同人講 ...

點解要人同情你可憐你姐,就算俾親朋戚友知道佢地都唔會當面講你啦,再何況你破產又唔會影響佢地,把口係佢度咪由得佢係度吠囉,等天收啦呢d咁嘅人,咪當識少個朋友
发表于 15-10-2018 21:31:25 来自手机 | 显示全部楼层
破產係代表你係一個有故事嘅人。你估個個都可以經歷個個都可以承受架?醜唔醜係睇你點睇姐。我4年前老破個時都有大方咁同某啲熟嘅朋友講。今日解破,我就無loan一身輕,佢地就繼續辛苦咁還緊4年前個條loan.  好醜咩你覺得
发表于 15-10-2018 22:24:58 | 显示全部楼层
樓主,事情發展到呢個地步,就不如屆佢一筆。

1. 當然先要有證據啦,去 tum 阿姨講係你前老闆爆,記得 6 音
2. 記得去睇醫生去證明你而家極度 down,不能工作
3. 跟住申請法援去告前老闆
4. 記得個金額要大過你欠債!
回复 支持 1 反对 0

使用道具 举报

 楼主| 发表于 15-10-2018 22:52:00 来自手机 | 显示全部楼层
admin 發表於 15-10-2018 22:24
樓主,事情發展到呢個地步,就不如屆佢一筆。

1. 當然先要有證據啦,去 tum 阿姨講係你前老闆爆,記得 6  ...

你講嘅我都有諗過
我本身係想去私隱專員到告佢
我不為求財 我淨係想佢冇咗份工
佢咁鍾意是非當人情 跟本唔適合做呢份工
我已經再收到臨床心理科個邊嘅信叫我去睇
睇埋佢公司點覆先 不過我估佢公司未必會理
 楼主| 发表于 15-10-2018 22:53:30 来自手机 | 显示全部楼层
sun0911 發表於 15-10-2018 17:41
點解要人同情你可憐你姐,就算俾親朋戚友知道佢地都唔會當面講你啦,再何況你破產又唔會影響佢地,把口係 ...

我已經當呢個人係仇人
最慘係佢都仲有機會接觸到我d親朋戚友(工作需要)
是非當人情正仆X
发表于 16-10-2018 13:29:16 | 显示全部楼层
arina_hashimoto 發表於 15-10-2018 16:48
我都真係想搵輔導傾
起碼都要知道破產係咩一回事 背後承受嘅壓力
好驚同個d一味叫你積極d、開心d、唔好諗 ...

如果真係想找輔導幫手就PM我啦 ! 佢地會諒解我的感受, 令自己重拾自尊
发表于 16-10-2018 13:45:15 来自手机 | 显示全部楼层
你留左朋友做咨詢人,佢地可以向邊個報仇?
发表于 16-10-2018 13:48:52 来自手机 | 显示全部楼层
sun0911 發表於 15-10-2018 17:41
點解要人同情你可憐你姐,就算俾親朋戚友知道佢地都唔會當面講你啦,再何況你破產又唔會影響佢地,把口係 ...

講得岩。。。
发表于 16-10-2018 16:20:26 来自手机 | 显示全部楼层
由佢揚 由佢唱 由佢睇唔起 有咩所謂姐 破左產 生活新開始 以後既路係你既 對老豆老母好咪得囉 過得好過之前 比睇唔起你既人收聲 我覺得你唔洗去果d咩咩講座 其實呢度都有好多過來人去幫你 開解你 我好多朋友親戚都知我破左呀 咁仲好啦 呢家咁多人炒樓炒成 比人知你破左我都唔會問你借錢啦 我破前好多豬肉狗友 破左就一個電話都無 仲好啦 可以睇清楚好多野 而財仔果邊最多都係煩一排 屋企人知道配合下 好快就無事 最大問題係你介意人地點去睇你姐
发表于 17-10-2018 01:16:03 | 显示全部楼层
其實我都好似版主一樣
好怕被人知道自己已經破產
就其係D親戚
因為我D親戚好多年以來到睇唔起我屋企
有時候我都好擔心被人知道自己唔知點面對{:4_192:}
我目前只有太太及一位朋友知道我入學
所以重可以暪到
但是回想起來
自己當初如果唔入學咪搞到收數上門
到時候鄰居或公司同事知道咁咪重難捱
有時候我想自己都接受唔到咁4年點行下去
只有自己不停勉勵自己先可以支持下去
共勉{:4_203:}
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 19-11-2026 10:59 , Processed in 0.043497 second(s), 13 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表