破產疑問

Alex2233

總括你既問題都係果幾個


你話賭輸，根本就冇問題，只要你係資深賭徒，非破產前幾個月既''臨時賭徒''，因賭而破，根本冇人懷疑你（當然最好留番些少輸錢證明）

你兩個月輸幾多亦冇關係，
只要你借錢時冇用欺騙手段（假資料之類）獲得貸款就可以，

銀行心甘借比你係佢商業決定，佢要承擔風險


至於第個問題，你成日問親友數可唔可以報，其實無相干

報既主要目的，係防止債權人（多指銀行）去追數，同埋等到四年後可以甩左果筆數

而親友數根本唔存在呢個疑慮，你親友會淋你紅油？

不過，似乎你另有意思，你打算填完後還錢果陣可以有番些少落返自己人袋

如果你覺得你收入好高，隨時每個月要還好多錢

你可以報埋，需知填埋都無壞處，咁你真係有欠佢錢，填都好合理，唔洗咁都諗餐飽
如果你批完生活費根本得番幾百蚊還，真正落返你屋企人袋，可能夠食餐晏仔，需知破署會抽水之餘

仲要同其他債權人分餅

你計到咁盡既，可以報埋，只不過真係實報好啦，唔好諗住作大條數，得親友分多d，唔係真係為粒糖走去犯法

orewa_j

我單身人仕，同屋企住，不過肯定破後要我搬，因為老媽好憎我賭錢。睇左好多文章，見單身及與家人同住的，批嘅都係8000，加上老媽有工作，人工幾好，老爸退休，以前公務員所以有長俸幾千蚊加埋生果金，基本上供養父母一定批唔到。於這情況下，批8000我仍可俾3-4000屋企，如果欠家人的借款，批到少少我可以俾多啲佢地，我只係咁諗。始終佢地曾經真金白銀幫過我。作數，一定唔敢啦，到時一身蟻唔知點算。            p.s. Alex師兄，多謝你回覆的pm，many thx

hohochi

orewa_j 發表於 15-10-2015 18:09
有轉賬紀錄便可？

可能需要埋借據

flypig

orewa_j 發表於 15-10-2015 21:10
我單身人仕，同屋企住，不過肯定破後要我搬，因為老媽好憎我賭錢。睇左好多文章，見單身及與家人同住的，批 ...

還款俾親朋,如果銀行轉帳的,有證有據,就易D 話為.
如果無證據,就阿G阿左

所以,你儲齊 BANK STATEMENT,講番幾月幾日轉帳,係有幫助的.

flypig

hohochi 發表於 16-10-2015 15:11
可能需要埋借據

YES.... 其實樓主問 是否 有 BANK STATEMENT 一定得??
點答呢?? 破署無俾 GUIDELINE, 呢D 野 好 Vague.....

其實好講彩數.我只知道 愈多證據愈易批.
無證據就去法院宣誓亦未必唔批.
破署唔制可等法官判. GOD KNOWS!!!!

orewa_j

flypig師兄，多謝你的回覆。          我已決定申破，只是時間問題，因為爬晒470幾頁文之後，發現最好搜集多些証明，同埋申破時間盡量唔好離借錢時間太近……        另一問題，從爬文所見，1.我有份有儲蓄成份人壽，老媽係owner，受保人是我，供款人及受益人不是我，是否就沒問題？ 2.兩老的保險，受益人是我都冇影響對嗎？3.我有份住院，也不是我供的，有沒有問題？

hohochi

orewa_j 發表於 16-10-2015 16:57
flypig師兄，多謝你的回覆。          我已決定申破，只是時間問題，因為爬晒470幾頁文之後，發現最好搜集 ...

供款人唔係你照計就無問題 不過最好申破時問一問6C

orewa_j

本身同屋企住，搞單咁嘅野，應該要搬。這種情況，主任會接受嗎？有冇師兄有經驗？我有朋友願意收留我，攤分租金水電……        我知道要立租單之類。咁搬左出去，是否所有開支都唔再關我事？

orewa_j

2條loan都供左1期，諗緊係咪多供一期比較好。    唉……咁啱有間公司向我招手，人工多幾千蚊，轉左多出來又係上繳埋，好似冇咩意思，仍考慮當中……

flypig

1 保險受保係你應無問題。但請記得通知主任。2 兩老受益人係你，後果係有賠償上繳。而且，亦要知會主任。3 同樣要通知主任。一般供款人與受益人唔係你，問題不大。

flypig

orewa_j 發表於 16-10-2015 19:36
本身同屋企住，搞單咁嘅野，應該要搬。這種情況，主任會接受嗎？有冇師兄有經驗？我有朋友願意收留我，攤分 ...

可以。水電不一定需要你個名。

flypig

orewa_j 發表於 16-10-2015 19:41
2條loan都供左1期，諗緊係咪多供一期比較好。    唉……咁啱有間公司向我招手，人工多幾千蚊，轉左多出來又 ...

你預計幾時頒令幾時上工。。頒令後加人工，同時可以去要求加生活費。

orewa_j

再次感謝flypig師兄。如果破後進修，可以claim全數？打算多讀個part time degree，畢業啱啱好解破升職。

Alex2233

無乜可能批你讀書，

仔女既強制性教育就一定有得批

你大人大者走去讀書，擺明想claim盡佢，拎盡利益，可以進修之餘又唔還錢

破署點會咁益你，佢批銀行都會反對
個個計完支出有多淨就話讀書，咁咪個個都唔洗還？

銀行請埋你讀書？邊有咁大個灟洞比你玩

冇咁著數



個人意見，你問親d囉著數方法全部都太正統，

坦白d講即係太簡單太天真既想法

破產管理既過來人一早有晒方法應對

hohochi

orewa_j 發表於 16-10-2015 21:28
再次感謝flypig師兄。如果破後進修，可以claim全數？打算多讀個part time degree，畢業啱啱好解破升職。 ...

學費邊個出?

flypig

orewa_j 發表於 16-10-2015 21:28
再次感謝flypig師兄。如果破後進修，可以claim全數？打算多讀個part time degree，畢業啱啱好解破升職。 ...

何謂claim 全數？當生活費？？難難難！！！如果問有人俾錢你讀書就無問題。

orewa_j

我爬文睇到有破左嘅師兄師姐話破左可去讀書嘅？原來要有人俾錢先得……

Alex2233

基本上破產無限制你做既事情，過度約束都係違反人權同憲法

99%既野都做得，你旅行，讀書，有人請，去蒙地卡羅都得

雖然''冇權阻止你做果樣野''，但有權''cut你經費去做果樣野''

想從自己收入去提取/擴大支出額，

而做果樣野，經評核係非必要就唔得

例如你收入20000，生活費15000

你唔可以用多出果5000蚊去讀書，去旅行，去買首飾

除非你憑果15000，食飯又慳，搭車又慳，同包租婆上床搏番一個月租金，呢頭慳，果頭洗，

理論上係實報實銷，唔得，但你食飯搭車買日用品，做鴨都好，多數冇記錄冇證明，
批得你15000，就唔會反口，你冇用多過15000，亦唔會無啦啦查你，再cut你經費

orewa_j

多謝alex師兄解答

admin

Alex2233 發表於 16-10-2015 21:56
無乜可能批你讀書，

仔女既強制性教育就一定有得批

供養子女係父母責任。

有案例，去外國讀大學都得。