殺手劏人實錄

queenielamok · 发表于 30-9-2010 14:23:54

262# bb_q_888

你呢個case 我有睇過... 但佢係因為個收入唔穩定... 令到有時收入少過批的生活費... 有時收入又高過生活費... 咁我知道呢d 情況係無得用"高收入月份"來補貼"低收入月份"...

但宜家我收入係不變... 生活費都不變... 變的只係當中每月使費... 但佢地批的就係每月固定... 咁無可能每月的使費都一模一樣嘛... 清潔用品呢d... 1-2個月買一次好正常呀... 但又無可能一個月買哂... 另一個月乜都唔使買呀... 咁就一定攞個平均數架啦...

queenielamok · 发表于 30-9-2010 14:27:14

265# bb_q_888

macauranger 兄佢收入咁高... 出入的地方同我地又唔同... 咁又無可能要佢同我地d 赤貧階層一樣咁少生活開支嘛... 咁佢批高d 都合理的...

bb_q_888 · 发表于 30-9-2010 14:31:05

本帖最後由 bb_q_888 於 2010-9-30 14:37 編輯

266# queenielamok

個故事應係你岩,我記左錯.:P :$

"1-2個月買一次好正常呀... 但又無可能一個月買哂... 另一個月乜都唔使買呀... 咁就一定攞個平均數架啦..."

不過個解釋權係外判度.....你都知,你講野唔岩聽,佢地直頭當聽唔到.

雖然故事有錯....但"生活費都不變"個個月都應一樣,上月有收入,下月無....

咁下月唔通唔洗生活費?

外判搵籍口,迫人還多錢d先係真.

bb_q_888 · 发表于 30-9-2010 14:40:33

270# macauranger

上得庭....就去到好盡,假若傾得掂無人想咁做.

我地傾計就簡單,但煩惱卻是當事人.

queenielamok · 发表于 30-9-2010 14:50:31

上得庭....就去到好盡,假若傾得掂無人想咁做.

我地傾計就簡單,但煩惱卻是當事人.
bb_q_888 發表於 2010-9-30 14:40

你講中我心中所想了...
宜家響呢度講... 真係好輕鬆...
但如果真係搞上去... 我雖然唔係話怕.. 但就真係千萬的唔想囉... 係真係好煩惱的... 始終連帶著有太多隱憂... 好似份工... 實無硬... 無左都算... 但之後點呢？... 係咪咁易話拎幾個月綜援就即批呢？... 咁失業期間日子點過呢？... 搵到工但如果仲未上庭... 咁佢地會唔會又通知我新公司呢？... 上庭係咪一次就ok呢？...

我一個女人仔... 你都米話唔擔心囉...

queenielamok · 发表于 30-9-2010 16:21:59

274# macauranger

頭先已打左俾主任問下佢上司有無咩建議啦...

結果...

同我地預期一樣... 都係.................... 幫我唔到......... 只有法院先可以做中間人角色...

但佢都講解左D野俾我知...

1. 搞上庭只係我同外判雙方要求法院重新審閱資料... 唔一定會通知僱主的...

2. 只係當外判行使佢扣押薪金的權利時... 先會通知僱主直接將我份糧交俾外判... 由外判扣錢後出糧俾我... 但主任話正常來講外判好少會咁做... 因為咁會影響我份工... 到時失業佢都一樣無錢收... (我話個外判之前已經同我講話會hold 我戶口扣錢... 佢話佢地只係巡例講我知可以咁做... 但好少會行呢一步)

3. 我 / 外判都可以向法院要求重新審理我的收入/開支/還錢方案... 去到高院出面係有一個counter 專係幫我地呢d 無律師代辦的人做申請的... 之後排期 & 上庭...

4. 現階段佢建議我盡力還得幾多就還幾多先... 還唔到就直接寫封解釋信俾外判... 解釋點解還唔到... 等佢再搵我傾... 傾唔掂先等外判申請上庭...

301 · 发表于 30-9-2010 16:38:54

276# queenielamok

加油!
萬一大家企硬至法院審理呢一步,
反而看好你一方.

感覺上個官都會稍企你邊.
你覺得會嗎?

相反,
外判一定唔鍾意開庭,
除了有損佢寶號外,
到時被判分分鐘仲衰,
佢心諗早知讓步好過.;P

queenielamok · 发表于 30-9-2010 17:04:12

277# 301

多謝你地的安慰說話呀...

講真... 其實我自己都覺得... 上到庭... 我的贏面都唔係細的...

只係... 現階段我唔想由我去入紙申請... 因為未知佢之前講咁多野係兇我/靠嚇定係點...
我想知道如果我真係還唔足佢地會點...
我想睇下佢地仲會唔會主動搵我傾...
我想睇下我地再係咁拉鋸落去佢地會唔會主動提出上庭...
或者到佢地逼我到再一次無路可走時... 我先會行呢一步...

咁樣... 好唔好呢...

lok196305 · 发表于 30-9-2010 18:03:52

278# queenielamok

時間可以解决一切...等等啦!自己覺得唔合理既野點解要妥協呀?等佢出信咪法庭見囉~橫掂產都破得咯仲有乜野好驚呢?佢係告你先再算啦!

lulumason · 发表于 30-9-2010 22:38:07

如果他還凌駕於法例叫他去做罷你是被動他是主動若他有理你就輸若你有理他卜街 i support u

firehorse · 发表于 30-9-2010 22:50:37

278# queenielamok

Queenie

看完你的posts，我好同情你，感嘆啲所謂專業人士，為咗盈利，可以去到咁盡。坦白講，啲乜師物師，以前冇破處呢啲cases做，咪一樣揾唔少錢。好似宜家你呢個case，你都係要求24個月灘還，同12個月冇乜分別吖？啲錢佢哋遲早都收到咖啦。你個外判又唔會收少咗，真係令人費解點解佢哋咁都唔就吓你。我就比你幸運，因我係主任跟嘅，頒令至今半年，我從未開過債權人會議，亦未同主任談過生活費。

我想問吓你，你之前話，轉你去外判嗰2個債權人，係你欠最小錢嘅，係大banks定係細banks(唔洗講名)？?因為我覺得，對佢哋真係冇乜數，就如你還嘅錢，減去外判收取嘅comission，跟住就去最大債權人....如此類推。所以你自己有冇想吓，點解佢哋會轉你去指定殺手度？會唔會係你還未申破前，你已經黑佢哋憎？

祝你好運，支持你繼續抗爭。

lalaeveryday · 发表于 1-10-2010 09:34:54

276# queenielamok

加油!
萬一大家企硬至法院審理呢一步,
反而看好你一方.

感覺上個官都會稍企你邊.
你覺得會嗎?

相反,
外判一定唔鍾意開庭,
除了有損佢寶號外,
到時被判分分鐘仲衰,
佢心諗早知讓步好過.;P ...
301 發表於 2010-9-30 16:38

但我想猪, 以前有無白痴外判曾經唔識死做過D種野的CASE?

lulumason · 发表于 1-10-2010 13:44:13

278# queenielamok
我提議妳每個月照還錢(外判要妳還個數)，至於之前七個月果筆，妳就照分24期還，然後每個月通知返外判妳只有能力還咁多，等到外判頂唔順做嘢，如果佢hold妳account，就即刻唔撈，反之結果可能係 ...
macauranger 發表於 2010-10-1 11:59

Agreed good solution

queenielamok · 发表于 1-10-2010 17:31:49

278# queenielamok
我提議妳每個月照還錢(外判要妳還個數)，至於之前七個月果筆，妳就照分24期還，然後每個月通知返外判妳只有能力還咁多，等到外判頂唔順做嘢，如果佢hold妳account，就即刻唔撈，反之結果可能係不了了之。試就算外判最後真係告上發庭，妳都証明倒妳係有心還錢但還唔倒咁多。我覺得呢個方法比較溫和。macauranger 發表於 2010-10-1 11:59

呢個都係我原先的想法... 但琴晚同朋友傾開... 佢地反而叫我每月照還... 但之前果筆就唔好還住... 仲叫我做主動... 向法院入紙... 佢意思係話...
1. 如果我還少少... 咁我又無簽野... 間pk 都唔知當唔當我係有還... 有還又還唔哂... 會覺得我唔合作... 而且佢話... 如果我每個月都還到三兩百蚊... 咁反而俾間pk覺得我係仲可以有錢留到...
2. 如果等佢頂唔順先由佢入紙... 咁就俾官覺得係我唔合作導致外判入紙... 反而由我入紙... 個官就會覺得係我真係無能力... 但有心還... 想主動搵個大家都接受的還款額...

佢咁講完又好似幾有道理... 搞到我都唔知點好...

queenielamok · 发表于 1-10-2010 17:33:04

282# lalaeveryday
破產須知案例就有個咁嘅case，大致係破產人月入九萬幾，除掉所有支出，每個月只可還一萬多D，外判要佢還四萬幾，搞到上庭，結果外判敗訴！ ...
macauranger 發表於 2010-10-1 12:03

我反而想知... 其實有邊d 案例係由破產人主動入紙要求法院重審的...

bb_q_888 · 发表于 1-10-2010 20:26:59

本帖最後由 bb_q_888 於 2010-10-1 20:32 編輯

呢個都係我原先的想法... 但琴晚同朋友傾開... 佢地反而叫我每月照還...
但之前果筆就唔好還住... 仲叫我做主動... 向法院入紙... 佢意思係話...
1. 如果我還少少... 咁我又無簽野... 間pk 都唔知當唔當我係有還... 有還又還唔哂...
會覺得我唔合作... 而且佢話... 如果我每個月都還到三兩百蚊... 咁反而俾間pk覺得我係仲可以有錢留到...

2. 如果等佢頂唔順先由佢入紙... 咁就俾官覺得係我唔合作導致外判入紙...
反而由我入紙... 個官就會覺得係我真係無能力... 但有心還... 想主動搵個大家都接受的還款額...

佢咁講完又好似幾有道理... 搞到我都唔知點好...queenielamok 發表於 2010-10-1 17:31

覺得你朋友講岩,不過我有更進一步諗法,你都盡哂努力都講唔掂數,
你臨向法院入紙前,再同外判傾多次,白紙黑字寫清楚要求,同你每月可以接受還款額.....
最後表明傾唔掂就入紙等判.

你驚外判玩野,咪開庭問下個官,如果外判通知你公司,而無左份工....呢筆錢係咪唔洗還?
因為佢地之前威嚇你.....

題外話: 我又問下你....咁樣開庭要比幾錢?你知到未?

boro211 · 发表于 1-10-2010 20:27:23

278# queenielamok
我提議妳每個月照還錢(外判要妳還個數)，至於之前七個月果筆，妳就照分24期還，然後每個月通知返外判妳只有能力還咁多，等到外判頂唔順做嘢，如果佢hold妳account，就即刻唔撈，反之結果可能係 ...
macauranger 發表於 2010-10-1 11:59

我都認同師兄的建議，起碼証明你有心還，只係分12期你真係還唔到。其實一直都係一個月還多幾百蚊既事(correct me if i'm wrong)，如果好似你朋友話果24期既錢都唔還就真係唔合作喇。坦白講，普通人有積蓄，幾百可以係好細數目，但對我地就好重要，唔夠就係唔夠，所以你宜家先咁努力爭取唧，係咪﹖

我諗你入24期個數好外判就會發現個數同佢地要求既唔同，佢地都應該會主動搵你，到時你咪同佢講，宜家你真係唔係唔還，只係期數要求長D，如果佢地都係唔OK，而你又唔妥協，咁佢地應該都會搵官判。你同佢地講，係咪真係要咁大件事，準備咁多文件就係為左要你一個月還多幾百，如果係既，先再同佢地法庭解決啦...

bb_q_888 · 发表于 1-10-2010 21:40:34

本帖最後由 bb_q_888 於 2010-10-1 21:42 編輯

292# macauranger 保障自己永遠都係要問清楚,如你簽紙答應外判還錢.

如果4年破期,你都未還哂(如之後失業)....外判唔會同意你解破.

你要知你無錢你既事,佢地只係想收錢咋! 你想解破就要比錢. (何況呢個企得咁硬,更不可不防)

假若有d咁事發生,唔通到時再開庭?

希望當事人再去傾多次....有轉機,就唔洗開庭咁煩.

lulumason · 发表于 1-10-2010 23:09:12

本帖最後由 lulumason 於 2010-10-1 23:19 編輯

請不要怪我直言其實你不必同佢咬你話比佢聽你每月只可能還咁多耍與不要我都照入比佢看他点做被動總好過主動如他說你不合作噤就睇天点判官点判不要再為此煩惱比心機揾錢生活罷正所謂賴死唔理看他点交待不要浪費時問同他爭咬你賴行行他心便急因要交代放心去做如果你不怕捱 8 years law If i am wrong pls state

lalaeveryday · 发表于 2-10-2010 08:51:50

282# lalaeveryday
破產須知案例就有個咁嘅case，大致係破產人月入九萬幾，除掉所有支出，每個月只可還一萬多D，外判要佢還四萬幾，搞到上庭，結果外判敗訴！ ...
macauranger 發表於 2010-10-1 12:03

:lol 咁果件外判有無被要求比上庭的所有費用??:lol

		自动登录	找回密码
密码			註冊