破產後半邊業權問題

samam

01年有病失業要攪破產, 半邊居屋被破署Hold咗, 由於聯名契老婆名下仲有一半, 所以唔使瞓街, 呢兩年共寄咗兩封信俾我老婆, 又打電話問佢有冇意思買埋我果半份, 話愈早買愈有利, 因為層樓仲有七十幾萬未供, 破署話拖得耐對我地唔著數, 就算第日想買番嘅時候, d債權人可以有權加番晒咁多年嘅利息上去, 同埋如果層樓到若干年後供甩咗, 債權人揸住成半市值嘅樓價, 同佢議價就難度大好多, 唔知各位有何見解請分享一下, 謝謝。

goinghome1121

咁好似買左佢好D喎, 你而家係咪唔洗供得你老婆供樓?

温sir

呢個問題以前都討論過，但近來都好少相關討論，以下是舊帖轉貼過來，但資料可能過時，參考一下吧

破產管理處要求破產者的配偶，買入破產者的半份業權，有否開價呢？
如果銀碼不大，我建議接受。我知道有一個類似的例子，破產管理處的開價祇是五千元，這位破產者的家人當然立即應允！其實破產管理處的目標並不是以市價賣樓，他們祇是希望解決了這個業權問題，免得妨礙他們處理破產者的檔案。能取回多少樓款？清還多少債務？對破產管理處來說根本全無意義！最重要是完成手頭上的工作，所以是有機會以不太高的價錢回購破產者的半分業權的。

假設破產管理處開的價太高不能接受，其實配偶一方是可以選擇拒絕的！他絕對有權拒絕購買而保持現狀，破產管理處是無權處理非破產者的財產。即是破產者的半份業權歸破產管理處監管，但另外半份業權是配偶的私產，破產管理處不能強制售賣或沒收！破產管理處祇能夠控制或出售他管理的半份業權，而半份物業業權，在市場上是無法出售的，因為業權不完整，是不會有人願意購買的！這是為甚麼破產管理處要配偶買入全部業權的原因，因為除了他外無人會買入！所以這個主動權在配偶手上。

配偶就算拒絕買入另外半份業權，仍然可以如常居於上址，破產管理處並無權力收樓或要你遷出！祇是當然亦無法賣樓，因業權問題未解決破產管理處會將這個物業釘契！所以祇能自住！

bb_q_888

我相信破署講既是事實,不過你又要諗下買左你又可以住邊?
假設你出去租屋,租金又會否比供款高?
現時買屋是否要先補地價?
所以我結論加番晒咁多年嘅利息上,最多咪樓價值一半,絕對不可能超越一半,(留意是否用長命契免麻煩)
而且樓價高企,回購也不是時機.不如儲筆錢等機會....等轉機.
以上只是個人意見,只供參考.

去 免費法律諮詢計劃  問下,保障下自己.

01.....另外你是否已解破?

dopod123

只要價錢合理而你又負擔到當然買番啦唔冼考慮

我都想外判主動同我傾丶而佢講話嘅都正確架

samam

温sir 发表于 15-3-2012 09:41
呢個問題以前都討論過，但近來都好少相關討論，以下是舊帖轉貼過來，但資料可能過時，參考一下吧

破產管理 ...

謝謝溫Sir、goinghome1121、bb_q_888、opod123,  我03年申請破產, 已經係07年解破, 我之前都有睇過呢個舊帖, 所以初時都抱少少幻想, 想覆一個我們能夠付出的回購價俾破署, 但手頭上的現金真係唔多, 最多出到5萬, 所以一直冇答覆俾佢, 加上而家層居屋樓價近年炒到市價約220萬, 反變成將個議價成功率拉得更遠, 以呢個市值, 我估計破署實唔會平得去邊, 如果覆呢個回購價, 破署可能覺得我係混吉, 所以就連呢一步我地都未敢行出, 我欠幾間銀行透支數約35萬破債, 現時未供樓會餘數約74萬, 仲有15年要供, 而家靠我d仔女俾錢家用及供樓, 老婆要照顧中風的我同埋打理屋企, 雖然一日我地照供樓, 破署都唔會迫我地走, 但係若果有一日, 我同老婆或其中一個身故, 可能處理業權問題上就會比較麻煩, 所以都係一個煩惱結。   

bb_q_888

samam 发表于 15-3-2012 14:19
謝謝溫Sir、goinghome1121、bb_q_888、opod123,  我03年申請破產, 已經係07年解破, 我之前都有睇過呢個舊 ...

不如試下問價,其實我都知你回購可能不大,
但最重知佢地個計法,咁你先知....一半大約幾錢?

就算買返都要有個目標,仲要問下仔女意見.

samam

bb_q_888 发表于 15-3-2012 17:39
不如試下問價,其實我都知你回購可能不大,
但最重知佢地個計法,咁你先知....一半大約幾錢?

多謝你關心, 現實歸現實, 相信短期都唔可以做出這個回購行動住, 起碼要顧生活及供樓問題, 或會參考你建議遲d試下回覆破署問下價, 等佢地開個價先, 希望有奇蹟啦:loveliness:

dopod123

samam 发表于 16-3-2012 02:48
多謝你關心, 現實歸現實, 相信短期都唔可以做出這個回購行動住, 起碼要顧生活及供樓問題, 或會參考你建議 ...

其實另一份業權,可先立平安紙,居未補價的還是錄表先可買.你現況可出5萬就同破署出5萬.
唔得唔會有事,

bb_q_888

dopod123 发表于 16-3-2012 14:10
其實另一份業權,可先立平安紙,居未補價的還是錄表先可買.你現況可出5萬就同破署出5萬.
唔得唔會有事, ...

居未補價的還是錄表先可買.....其實佢咁樣係回購業權,
同出售係有分別,所以就唔洗補地價....

你係咪咁既意思?

samam

dopod123 发表于 16-3-2012 14:10
其實另一份業權,可先立平安紙,居未補價的還是錄表先可買.你現況可出5萬就同破署出5萬.
唔得唔會有事, ...

謝謝dopod123, 我層居屋破產前已經供甩, 因為套現搞生意同銀行翻按90萬, 銀行要先補地價才可做翻按, 所以而家層樓按係連埋地價去供款的, 白錄表都可以買。

(最後補充) 今日決定書面回覆破署回購價3萬, 佢地唔肯我都冇錢同佢傾了 :(

dopod123

3萬好呀{:4_208:}那samam有咩結果希望你都回來報告一下過程和情況.

不雖謝謝呢到都是同是天涯人,有時間多啲上來交流或分享一下經驗,謝謝你:handshake

samam

dopod123 发表于 16-3-2012 17:46
3萬好呀那samam有咩結果希望你都回來報告一下過程和情況.

不雖謝謝呢到都是同是天涯人,有時間多 ...

一定一定, 有消息會第一時間匯報, 同大家分享及聆聽各位同路人寶貴意見, 人生總有痛苦低谷之時, 但天總不會有絕人之路, 希望大家俾信心走出困境, 互相勉勵:victory: