考慮緊破產 有D問題想大家幫幫手唔該

ponypopo

1) 小弟7月失業, 於是走法律在8月提早拎返強積金, 唔多只得5萬, 隨後3,4個月用於還錢 (8千/mouth) 同生活費 用哂
  如果我E+破產算唔算合理解釋? 會唔會告我轉移資產?
2) 另外8月份係一張信用卡提取左6千元出黎,一樣會唔會告我?
3) 如果真係破產, 我E+住朋友租返黎個單位(租約得我朋友個名), 我每月俾返3千佢, 包住同水電煤咁
唔知有無得計埋落生活費度呢? 因為無任何証明, 叫朋友寫D証明唔知得唔得呢?
4) 小弟剛於11月搵到份工得7千(中銀auto pay, 無差中銀錢), 我想知解凍信係入紙後就可以申請定破產令後先申請得? 需時幾耐? 其他我想知一出糧即刻搞可唔可以係下次出糧前用得返? 因為一定唔俾得公司知, 如果HOLD住出唔到問起就死得

唔好意思咁多問題, 麻煩大家盡力幫一幫手, 唔該!!

smallcat

1) 小弟7月失業, 於是走法律在8月提早拎返強積金, 唔多只得5萬, 隨後3,4個月用於還錢 (8千/mouth) 同生活費 用哂
  如果我E+破產算唔算合理解釋? 會唔會告我轉移資產?---> 但強積金係移民或有病或特殊情況先可以拿, 你走法律拿走其實已經變左有D問題出現, 不過, 呢樣唔做都做左
反而先唔好理破產, 你拿來作使用還錢可以解釋, 問題反而係走法律拿左強積金就會有問題

2) 另外8月份係一張信用卡提取左6千元出黎,一樣會唔會告我?
---> 唔會, 6千蚊唔係乜大數, 6萬你就要驚

3) 如果真係破產, 我E+住朋友租返黎個單位(租約得我朋友個名), 我每月俾返3千佢, 包住同水電煤咁
唔知有無得計埋落生活費度呢? 因為無任何証明, 叫朋友寫D証明唔知得唔得呢?
----> 可以叫朋友寫, 及在佢同意下租, 同寫租單比你, 但變左你朋友係租上租, 反而你無問題佢有D問題, 但羅輯上係可以的當然可以計入生活費, 因為你租屋都是生活費, 水電煤你可以在租金外分擔都得, 當然要你朋友同意喇, 及在租單收據寫上, 或去書局買張租約唔打厘印都ok, 但要寫得清楚同合理!

4) 小弟剛於11月搵到份工得7千(中銀auto pay, 無差中銀錢), 我想知解凍信係入紙後就可以申請定破產令後先申請得? 需時幾耐? 其他我想知一出糧即刻搞可唔可以係下次出糧前用得返? 因為一定唔俾得公司知, 如果HOLD住出唔到問起就死得
---> 入紙後可叫律師做, 自己做都得 (律師要收錢), 或者等到你收到破署信再問主任或外判也可以, 臨時解凍戶口唔使等破令出的, 需時幾耐睇你用乜方法, 呢個網都於有好多關於解凍戶口的資料, 師兄可以得閒睇下
你臨時解凍成功就可以, 要瞞住公司係可以但唔係容易, 所以, 呢個問題你要在攪申破時問清楚律師, 咁就會攪掂, 理論上問題不大  破產既原意係你有錢要還, 唔係唔比你出糧餓死你 :handshake

:handshake:lol

siesiuy

4) 小弟剛於11月搵到份工得7千(中銀auto pay, 無差中銀錢), 我想知解凍信係入紙後就可以申請定破產令後先申請得? 需時幾耐? 其他我想知一出糧即刻搞可唔可以係下次出糧前用得返? 因為一定唔俾得公司知, 如果HOLD住出唔到問起就死得
如果揾律師做是要收錢的. 但如果一出糧即申破大概要排期一個月你時間上可能比較緊張.
有一些銀行不會一入紙就凍結户口的. 你或可考慮轉去這些銀行出糧.

ponypopo

smallcat 发表于 27-12-2011 22:38
1) 小弟7月失業, 於是走法律在8月提早拎返強積金, 唔多只得5萬, 隨後3,4個月用於還錢 (8千/mouth) 同生活費 ...

thanks smallcat兄, siesiuy兄

強積金問題唔做都做左, 如果真係告我都無計
我係用離開香港做理油申請提早拎返強積金,
聽人講積金局好難搵到充足証據告我,
不過點都好都係果句, 唔做都做左><
好後悔果陣搞ed小動作而唔去搞破產

我都聽過有一些銀行不會一入紙就凍結户口
不過財務公司之前已經打黎公司煩
上司都估到有D野
如果無啦啦轉銀行仲要細銀行
我怕唔係咁易解釋
臨時解凍真係一個月內未必搞得掂?

ponypopo

原本諗住積金局告我我就話離開香港後趺左又好俾人打劫又好搵個理油話D錢無哂所以迫住返香港
唔知如果破產後話D錢用哂黎還錢
破產局同積金局會唔會互相通知
從而告我呢?
我打電話問過D搞破產GE津師同顧問公司
佢地話無問題好多人都係咁做過
我怕佢地係為左做成生意先咁講
唉好煩AR

siesiuy

我知道明愛有這方面的免費律師咨詢服務, 應該會提供比較客觀的建議.
你不請教下他們的專業意見.

siesiuy

ponypopo 发表于 28-12-2011 08:38
原本諗住積金局告我我就話離開香港後趺左又好俾人打劫又好搵個理油話D錢無哂所以迫住返香港
唔知如果破產後 ...

如果諗住用這些藉口我建議你要小心考慮.
最怕對方會要求你提供証明.

siesiuy

ponypopo 发表于 28-12-2011 08:38
原本諗住積金局告我我就話離開香港後趺左又好俾人打劫又好搵個理油話D錢無哂所以迫住返香港
唔知如果破產後 ...

如果諗住用這些藉口我建議你要小心考慮.
最怕對方會要求你提供証明.

lok196305

正如事主所講,唔做都做咗,果斷的,唔好諗咁多~

以上各項應該唔會對你申請破產有影響的~

siesiuy

lok196305 发表于 28-12-2011 10:49
正如事主所講,唔做都做咗,果斷的,唔好諗咁多~

以上各項應該唔會對你申請破產有影響的~ ...

如果欠債己經是難以清還, 真係要果斷的, 早一點申破好過.
基本上法庭唔會拒絕你破産申請的. (除非有嚴重的行為失當).
以你的提取強積金的銀碼再維持幾個月的支出, 我相信不難解畫.
出糧户口是技術上的問題, 因一入紙申破後. 你要預個多月時間.
雖然可揾律師申請立即解凍. (但要用 2,3仟真係要諗值唔值).
驚俾人告風險雖然有, 但機會不大.

smallcat

ponypopo 发表于 28-12-2011 08:38
原本諗住積金局告我我就話離開香港後趺左又好俾人打劫又好搵個理油話D錢無哂所以迫住返香港
唔知如果破產後 ...

如果律師同顧問都話之前有人做過, 應該係真的, 而且你係用來維持生活費, 當然, 積金局有權告你但你係細case, 又老破左, 告你都無乜用, 唔做都做左, 唯有去面對, 所以, 你去攪老破記住發問晒你既問題, 寫好張紙問律師. :handshake

301

:o
考慮緊.....最好盡快決定咯.
樓主都話"有財務公司來煩"....
起碼超一期無供啦.

或已決定左嗎?:P

**各會員已熱心解答清楚哩.

wahtung

ponypopo 发表于 28-12-2011 08:38
原本諗住積金局告我我就話離開香港後趺左又好俾人打劫又好搵個理油話D錢無哂所以迫住返香港
唔知如果破產後 ...

我想律師行及顧問公司都不是因想做成生意先咁講,況且樓主老强金都是維持失業時生活及還錢之用,及款額都不是好大,告的機會應該不會好大的,而現時老强金取款的情況都被受好多人爭議,係帶有好多灰色地帶的。
樓主現時應該即時果斷面對,唔好再拖,因你都說財仔已有追數行動,因再拖會受好多精神上的壓力:handshakeGOOD LUCK！

ponypopo

唔該哂上面咁多位!!真心多謝你地
去過好多地方都無咩人咁熱心解答我D問題
基本上已經得到哂答案
MPF果5萬作掂D數應該問題不大, 積金局都未必告我,告都無計搞左破產先算
我會再去明愛問清楚D
我決定搞破產啦
再一次唔該哂咁多位!!

smallcat

ponypopo 发表于 28-12-2011 19:15
唔該哂上面咁多位!!真心多謝你地
去過好多地方都無咩人咁熱心解答我D問題
基本上已經得到哂答案

祝你順利 :handshake:D

wahtung

ponypopo 发表于 28-12-2011 19:15
唔該哂上面咁多位!!真心多謝你地
去過好多地方都無咩人咁熱心解答我D問題
基本上已經得到哂答案

樓主唔使咁客氣,積極面對,祝你順順利利:handshake

bb_q_888

ponypopo 发表于 28-12-2011 08:38
原本諗住積金局告我我就話離開香港後趺左又好俾人打劫又好搵個理油話D錢無哂所以迫住返香港
唔知如果破產後 ...

講大話絕對唔好,當初你用咩理申請"強積金"就你既方法/方向解釋,
(例如用醫生紙申請咪話用左睇病.生活費)
理由要自己諗....我地唔可以教人講大話.
破署只要你証明到你無錢,石頭揸不出血....就算查你,都要你有錢為前提,
你的"強積金"只要你解釋到用哂去邊(証明你無收起),基本唔會有事.
就算你有錯,都唔關破署事,因為你已盡力還錢.....還錢 (8千/mouth)

我個人認為就算你還錢(找咭數),都算係生活費一部份,問題應不大.
希望你早日過關,他朝海闊天空.

ranger

其實你有單據証明你個5萬強積金你用來還mini pay同埋合理生活費應該解得通,至於出糧方面,可否同公司講出一期支票可唔可以,如果ok,你就即刻去x隆銀行開個戶口入票出糧,我之前都係咁樣的,因為由去律師行攪老破計起至法庭頒令都唔駛40日,當然攪老破時要預備齊所需文件及最近兩個月銀行statement,最update強積金供款record,僱員合約,身份証副本,水,電,煤及租單,朝早上律師行,下午5點都可有破產no.第二日已可以fax比銀行及財仔.希望這些資料對你有用,再唔明可以上來再請教,這裡的師兄師姐會很樂於回答的,祝順利

ponypopo

re bbq板主
我係用永久離開香港做理油申請提早拎返強積金
我諗唔係咁易解釋到
我當然明白唔應該講大話
但係唔知有無D建議可以俾下我呢?

re ranger
我諗唔係咁方便同公司講出支票
就算講都未必得
多謝你回覆我, 唔該哂!!

lok196305

係得呢度既~每人都有唔同前因或故事,自己的事當然由自己决定,其它人只能給予見議,并非一定可以照單全收的,你既然可以决定咁做,就無須理會咁多什么解釋喇,呢樣并非局外人可理解的