|
|
我搵到份新工, 問左係autopay出糧, 而我依家既工就係現金票出糧,
所以就冇銀行戶口...依家轉工就要搵外判殺手出封開戶信.
但有幾個問題想請教下大家, 麻煩大家幫幫手!
新既工作冇僱員合約, 我又唔想比新公司知道我破左產,
請問外判出開戶信係咪一定要睇合約/公司信呢?
我想開匯x銀行戶口, 我破產前都冇欠佢地錢,
但佢又好似要$5000先可以開到,
請問成功開一個唔洗$5000既戶口機會大唔大?
其實我之前都有一個匯x戶口, 但因為我係現金票出糧,
外判就唔比我用呢個戶口, 之前去銀行都問過戶口仲可唔可以用,
佢叫我拎返本簿仔去就冇問題, 咁其實..係咪仲用得?
如果我同外判講, 解凍返呢個戶口比我用, 咁樣又得唔得呢?
唔好意思問左咁多, 因為今次係破產後第一次轉工, 出糧又係一個切身問題,
所以想搞清楚, 費事到時一舊舊...出唔到糧就慘了~謝謝大家... |
|