居屋另一業主欠債問題

flyer888 · 发表于 29-5-2011 23:41:43

hi,
我想請教一下各位, 因為我同我阿哥共同擁有一個聯名居屋(已供斷, 未補地價). 佢因為好賭成性, 欠下很多財仔既數, 間屋都俾幾間財仔釘左契
之前一路都係收到D財仔寄俾佢既收數信, 不過最近間唔中收到D寄俾我既信, 入面話我阿哥欠債要我聯絡佢地有野相討(我估係叫我幫我阿哥還錢瓜)
但係事實上佢D債根本無可能還得完, 因為還左佢仍然會去賭, 之後又繼續借...

層樓係我父母留俾我地既, 我係唔會搬走亦唔會賣. 不過我想知如果佢俾人申請破產, 法庭會唔會有權封我樓唔俾我住架?
如果佢俾人申請破產咁個破產官會點樣聯絡我同我傾買返佢個半份業權?
因為我平時返工返到好夜, d信都係佢收, 如果我唔係查田土廳根本唔知間屋俾財仔釘左契同埋有幾次俾人告既記錄(有D好似order absolute 既記錄)
其實我可唔可以請律師申請禁制令等D財仔無我同我阿哥一齊同意之下就落到釘契令呢?
而家層樓已經有成6-7間財仔釘契, 其實佢地仲借錢俾我阿哥真係唔怕血本無歸咩...:L

thx

mochida_elt · 发表于 29-5-2011 23:59:31

1# flyer888

你冇提及你與阿哥以邊種業權形式共同持有該單位。無法完全了解你既情況。

不過，假使你阿哥破產，都唔會有人可以封你屋。因為你仍然有一半(我估)業權，換句話講，唔會因你阿哥欠債而有人走來侵占你既財產。而如果佢真係破產，破署係「有機會」叫你出錢買埋你阿哥既業權。而且「通常」係用一個低於市價既價錢。

唯一既問題就係釘契。不過照你咁講，你阿哥借錢時已經用佢既業權做抵押，所以佢還唔到錢時財仔先可以釘契。所以你亦唔可以申請禁制令，因為業權係你兩個共同持有。

坦白講，釘契對你地影響不大，可以講話係財仔手續上做下，因為你地未補地價，根本賣唔到。

flyer888 · 发表于 30-5-2011 00:05:11

2# mochida_elt

thx ching
如果我無記錯, 應該係屬於長命契個種.
如果我想保護我個業權(in case 我比佢早過身), 我可唔可以用平安紙or 遺囑指定我業權既繼承人等佢無得拎埋我個份?

mochida_elt · 发表于 30-5-2011 00:16:31

3# flyer888

咁就壞消息了，長命契就如其名，邊個長名邊個有。而且不能以遺囑轉移業權。任何一方死後，業權自動歸另一方擁有，不需繼承。

如果間屋未釘契，係可以去土地註冊署做一份唔記得咩咩瓜分協議，可以令到長命契失效，變成遺產，但一定要所有業權持有人簽名。不過而家你阿哥唔知抵押左俾幾多間財仔，最好都係向佢了解一下。

flyer888 · 发表于 30-5-2011 00:43:39

4# mochida_elt

oh~ 原來如此
咁如果佢早死過我, 係咪即係層樓會自動變返我一個人擁有? 咁針對佢既釘契咪會自動失效架?
但係如果佢破左產佢個業權咪會收歸破產署,咁理論上破產署係唔會死架wor, 即係層樓係我死後就會收歸破產署? :Q

admin · 发表于 30-5-2011 02:50:17

Q9. 如果物業是聯名擁有，是否所有業主同意才可申請貸款?

是，聯名物業必須得到所有業主同意才可申請貸款。康業信貸快遞的貸款申請十分簡便，於申請時可由其中一位業主 / 受託人辦理申請手續﹔於簽署正式貸款合約時，所有聯名物業之業主則必須親身出席以完成貸款手續。

http://www.konew.com/qa.php

現時一般香港樓契中，業權共有一般分為兩種，1）聯權共有，俗稱「長命契」（ Joint Tenancy）；2）分權共有 ( Tenancy in Common）。

不論聯權共有或分權共有，單位可由兩人或以上持有。

聯權共有即指任何一方的業權人離逝後，業權自動轉移予另一名業權持有人。分權共有即指業權是可分割的，單位由各持有人主各佔某一個比例。

若是與朋友合資，特別人數眾多，建議使用分權共有方式，可按各人出資比例，攤分物業權益。

分權共有的物業，持有人可獨自處理所持份額的業權，包括出售權益，但在實際情況下，亦要取得其他持有人同意。

http://www.panasian.com.hk/mi_5.asp

點解可以借到錢？

mochida_elt · 发表于 30-5-2011 08:09:29

5# flyer888

如果你阿哥冇抵押個業權俾人，佢過身，就係自動俾晒你。問題係佢而家抵押左俾人，而佢又無還錢，即係財仔都可能會充公佢抵押品，不過因為你都有業權，唔可以趕你走變現個單位既資產，所以就釘契。封左佢唔俾你地做交易。

至於你問，財仔/破署唔會死，如果你過左身個物業會唔會俾晒佢地，我唔識答你，唔好意思。

你不妨問下你阿哥，睇睇佢到底咩環境，了解清楚好過估估下。

beleba · 发表于 30-5-2011 10:42:49

5# flyer888

如果你阿哥冇抵押個業權俾人，佢過身，就係自動俾晒你。問題係佢而家抵押左俾人，而佢又無還錢，即係財仔都可能會充公佢抵押品，不過因為你都有業權，唔可以趕你走變現個單位既資產，所以就釘契。封 ...
mochida_elt 發表於 2011-5-30 08:09

有啲疑問, 樓主阿哥向財仔借錢, 用居屋作抵押, 而物業係聯名, 是否雖業權指有人都簽紙, 借貨合約才有效
是但一方不知情, 能釘契嗎?

mickey7100 · 发表于 30-5-2011 15:52:42

有啲疑問, 樓主阿哥向財仔借錢, 用居屋作抵押, 而物業係聯名, 是否雖業權指有人都簽紙, 借貨合約才有效
是但一方不知情, 能釘契嗎?
beleba 發表於 2011-5-30 10:42

我睇完都係有呢個疑問,因我之前同前夫聯名,但亦同樣試過問咩業個啲財務,但佢地都講明聯名一定要2個人簽哂名先得,點解可以得佢阿哥一個簽名都借到?

admin · 发表于 30-5-2011 22:44:22

我睇完都係有呢個疑問,因我之前同前夫聯名,但亦同樣試過問咩業個啲財務,但佢地都講明聯名一定要2個人簽哂名先得,點解可以得佢阿哥一個簽名都借到? ...
mickey7100 發表於 2011-5-30 15:52

恐怕不是正財仔。

flyer888 · 发表于 30-5-2011 22:53:04

多謝咁多位既回覆, 其實我本身都有哩個疑問, 我咩文件都無簽過, 但係佢又真係借到錢wor
抵押時要雙方簽名係咪唔一定要當面簽? 佢可能根本係冒認我簽名或者自己整張授權信瓜
我有問過D律師樓既免費熱線, 有D話其中一個業主可以抵押屬於自己的物業份數, 有D話唔得, 可以告佢佢地令佢撤銷釘契wor...
都唔知邊個講既先係真, 我平時又好忙, 真係無時間攪哩D野, 如果唔係都唔使拖足5年

flyer888 · 发表于 30-5-2011 22:53:47

10# admin

i think so.... 佢地D名我都未聽過, 有D公司成立少於半年tim...

admin · 发表于 31-5-2011 00:03:00

10# admin

i think so.... 佢地D名我都未聽過, 有D公司成立少於半年tim...
flyer888 發表於 2011-5-30 22:53

你唔好同佢地傾住。

佢地會引你認頭。咁就真係要賣樓。

先搞清楚成個 case，層樓係米長命契。個財仔係米有牌。問你大佬，羅份借貨 contract。

如果真係流的，就搵定議員同報警(要羅證據先，例如份 contract)，取消釘契因為個借貨 contract 根本不成立。

不過我估，你點都要解決你兄弟。因為有一次就有第二次！

admin · 发表于 31-5-2011 00:05:17

多謝咁多位既回覆, 其實我本身都有哩個疑問, 我咩文件都無簽過, 但係佢又真係借到錢wor
抵押時要雙方簽名係咪唔一定要當面簽? 佢可能根本係冒認我簽名或者自己整張授權信瓜
我有問過D律師樓既免費熱線, 有D話其中一 ...
flyer888 發表於 2011-5-30 22:53

無記錯的話，所有關於樓的買賣，借貨必需要有文件。

flyer888 · 发表于 31-5-2011 20:27:05

睇返記錄, 層樓係joint tenant 長命契, 咁理論上真係要2位業主都簽名同意先可以抵押ga bor
但係我問佢點解仲抵押到, 佢只係話人地係抵押佢自己個份, 我叫佢拎d 貸款合約來睇佢就死都唔肯俾
唉, 唔通真係走去告佢咩:dizzy:

admin · 发表于 1-6-2011 01:15:44

睇返記錄, 層樓係joint tenant 長命契, 咁理論上真係要2位業主都簽名同意先可以抵押ga bor
但係我問佢點解仲抵押到, 佢只係話人地係抵押佢自己個份, 我叫佢拎d 貸款合約來睇佢就死都唔肯俾
唉, 唔通真係走去告佢咩:d ...
flyer888 發表於 2011-5-31 20:27

點解唔告？

咁你層樓永遠被人釘契。

mickey7100 · 发表于 1-6-2011 11:15:43

咁好大機會有人假冒簽名,同你阿哥講如果佢唔攞啲文件俾你睇你就報警,因你懷疑有人冒簽.{:4_180:}
另我好耐之前問過房署你既問題,佢地答基本上破署係唔可以迫你賣你個半份業權,但你預咗會成日煩你,但若你堅持唔賣真係耐你唔可既.{:4_209:}

admin · 发表于 1-6-2011 11:26:36

咁好大機會有人假冒簽名,同你阿哥講如果佢唔攞啲文件俾你睇你就報警,因你懷疑有人冒簽.{:4_180:}
另我好耐之前問過房署你既問題,佢地答基本上破署係唔可以迫你賣你個半份業權,但你預咗會成日煩你,但若你堅持唔賣真 ...
mickey7100 發表於 2011-6-1 11:15

我個人意見樓主其實好不智。

咁情形，
1. 其家無解決問題。
2. 大哥仍然會賭。
3. 佢仍然不停受滋擾。
4. 就算當樓主接受到，唔好唔記得，一個爛賭的人，當受到教唆，或者佢覺得窮途沒路，可能做出一D傷害樓主的事。
就算唔係大哥做，如果佢欠的例如某D黑財，佢地都會有其動機去做。

diyhard2002 · 发表于 1-6-2011 17:42:17

18# admin

absolutely agree admi年 point

flyer888 · 发表于 1-6-2011 21:35:53

其實如果要告佢我應該幾年前做左, 但係始終做唔出, 可能我份人太怕事, 對佢欠債既野一直都係實行駝鳥政策
係佢岩岩欠債時基本上日日都有財仔打俾我, 開頭真係驚會有咩事, 不過日子耐左已經習以為常. 而家連D財仔都費事再打俾我
最近連上門貼街招都無埋, 只係得閑寄下追數信就算, 我阿哥又話佢會改, 唔再賭...感覺上好似形狀有所好轉
唉, 佢咁講又唯有信住先啦....

另外有樣野想請教下, 唔知有無人試過俾財仔上公司追數架? 雖然我唔係欠債人又唔係擔保人, 但係之前都有間財仔打我公司電話恐嚇我話會上黎公司追數wor
攪到我call埋實Q, 點知佢地又無黎wor...真不該

		自动登录	找回密码
密码			註冊