|
|
本帖最後由 bb969 於 2011-4-27 20:57 編輯
今日終於去攪, 諗住搵番最出名個間穩陣D
全程其實問題不大, 不過當去到生活開支就出問題
1)供養父母方面, 父母都冇工作同住, 兩個人加埋先3000係咪正常? 佢話係定左! 按道理我一個人食飯都比3000, 唔通佢地一人食一半? 其實我係預4000, 有冇人試過批4000父母?
2)住屋方面, 間屋係父+兄名, 仍有按揭, 我話可唔可以話要比租, 佢就話唔可以, 親屬唔應該收租, 但係我諗諗下, 間屋仲要供, 我有份住點解唔可以負擔部分供款/屋租?最大問題係如果阿哥話要收租, 唔比租就趕我走乜唔得架咩?
3)水電煤管理費佢就話可以我負責, 乜唔係要同屋企人平均分咩?
4)最令我覺得不爽係,要我出聲佢先話可以寫埋電話上網費....
最後計出黎嘅支出多過收入少少, 我覺得係佢用我搵幾多而先入為主同我計生活費, 但係我份工應該好快會加人工, 我唔想到時先再嘈去加, 以上其實係佢啱定係我錯呢? |
|