|
|
我破左產一年幾,在而家公司做左三年,但公司年年凍薪,出面通脹又好厲害,搞到我好想轉工,
但其實我每月都要還錢俾外判,屋企人就覺得我就算轉工搵多左都係要還出來,
不如忍埋兩年幾喇,唔好搞咁多野,但我自己又覺得過左破產期先轉工,
人地都會睇我上一份搵幾多來參考俾幾多人工我,如果我一直唔轉份人工好D既工,
可能影響到我解破後都搵得唔高人工,因為眼看同我同期出來做野既同學個個都高人工過我10-20%,
令我有呢個考慮,想問下各位過來人既意見:
1. 你們在破產期內,有沒有自己辭過職再搵工,通常係咩原因令你想咁做,可以分享下嗎?
2. 如果我真係遞信辭職,我係咪在遞信當日就應通知外判,還是到真的離職日才通知外判?
3. 如果自己離職,通知外判時,需要有合理原因嗎?
4.當我離職後,再搵到新工,要再重新開戶嗎?還是可用回上一份工出糧果個戶口?上一份工出糧果個會被凍結嗎?
5.當我轉新工後,如人工真的加多了,需要再約時間上去重新傾生活費嗎?同埋可否過了試用期先傾?(驚不方便請假去傾)
希望你們可以俾D意見我喇,我明白有時自己做過既野,就要負返責任,俾人約束四年生活都預左,
但我真係想好好規劃下解破後既生活,想盡量將對解破後既生活帶來既影響減低,THANKS... |
|