找回密码
 註冊
查看: 5391|回复: 28

分享上庭經歷

[复制链接]
发表于 27-10-2010 01:02:35 | 显示全部楼层 |阅读模式
本帖最後由 mochida_elt 於 2010-10-27 01:06 編輯

話說小弟今日第二次去上庭(之前又係因為一d文件問題押後一星期),有一d所見所聞好想同大家講下。因為我搵過下舊文都好似唔覺有類似既分享。

一. 應該十點半開庭,但搞到差唔多十一點個官先走出來(下面會講點解)。然後該裁判官一如以往咁叫走晒d有問題既呈請人,之後佢竟然用左30幾分鐘發表左一番講話/演說!! 立場中肯,內容有用,用詞恰當,我見在坐不少人士一路聽一路大力點頭。如果呈請人冇上黎破聯,又冇搵顧問,聽佢講完就真係上左寶貴既一課!!我盡自己記憶能力,將一部份小弟認為的金句在此分享。以下藍色字為該裁判官的說話,其餘為小弟之補充或想法。

     a. 你地有好多人都可能會覺得,本席而家頒佈左你破產,事情就已經解決左。我話俾你地知,唔係。事情而家先至係開始。的而且確,可能會冇人追你,不過你而家,由呢一刻開始,你既一蚊一毫都唔係你既。係署長(破署署長)既。

     b. 如果大家係好合作既,破產期最少係4年。4年之後就真係可以一筆勾消。

     c. 今年可能社會環境好左,一個月有大概800個case(破產申請),之前差唔多有1000個case。咁計一計,署長睇住既case,當4年之後解除破產,咁而家署長都有大大話話40000幾個case。咁如果我要呃佢係咪好易? 我話俾你知,署長對住咁多case,佢又點會唔識搵出一d有問題既case?

     d. 如果你係都要唔供款(生活費以外要還的錢),你要呃署長,你就搵埋你老闆囉。唔報稅,避稅。不過我提醒你地,避稅係刑事既,你地而家破產只係民事o者,唔使坐監既。刑事就可能要喇。

     e. 8年有幾耐? 我而家問你,2002年發生過咩事你答唔答得出? 而或者咁講,如果你而家有個bb,8年之後佢就讀緊小學; 讀緊小學既,8年之後佢就讀緊中學;讀緊中學既,8年之後佢就讀緊大學; 讀緊大學既,8年之後佢就讀完master。大家都係成年人,咁你地明喇呵?

     f. 如果你地同署長o係日常生活既開支上有分岐,分岐係可能有既,你地千祈千祈千祈,記住係千祈千祈千祈唔好簽任何野。大家都係成年人,你唔好到時先同法庭講,我以為署長叫我簽我就要簽嘛。如果你認為唔妥當既,帶返黎法庭,我地會幫你去計你既開支。係點計呢? 由你起身開始計,你用幾多牙膏,一個月用幾多支,幾多錢一支牙膏,一個月又用幾多支牙刷......

     其實法官大人都仲講左好多有用既資訊,不過同我地既破產需知差唔多我就唔打喇。
     
    二. 跟住講埋點解遲左開庭,話說全部人都入晒去之後,書記叫所有搵顧問填表既人出去排隊,人人要填多張form,內容係顧問名稱,電話,收左幾多錢,仲要俾埋顧問既咭片。我第一次上庭既時候冇既,係今次先有登記,唔知係咪針對d顧問呢?? 而且個官既口氣都好似好唔妥d顧問咁,節錄如下:

    o個d俾錢人幫你填表既人,有可能o個d人幫你亂填一通,你要上黎幾次不特止,填到錯晒搞到署長覺得你有問題,主動調查你。有d咩事上黎,延長你破產期......你係成年人,填份表你都要假手於人,咁証明你有幾負責任。

     講真,我都唔多喜歡d顧問,我見坐我隔離位先生,今日填佢俾左$7000手續費{:4_201:} 係真唔係啊??!?!?!

     另,我認得有一個人,我上一次上庭佢都有份,不過又係因為文件問題今日又上,到左今日,佢竟然又俾人叫左出去,又要等下個禮拜.......即係前後最少上三次庭......但佢係有顧問ga喎....你話死未,我自己搞都快過佢{:4_179:}

     分享到呢度。{:4_177:}

评分

参与人数 3城市人氣 +200 城市金錢 +200 城市魁力 +200 城市權力 +100 收起 理由
roy + 100 + 100 + 100 + 100 多謝分享
admin + 100 我很贊同
301 + 100 + 100 多謝分享 !

查看全部评分

发表于 27-10-2010 02:34:08 | 显示全部楼层
1# mochida_elt

我覺得你個堂法官講得好有味道!我上庭個次個官講兩三句就完事,你地今天開始就係破民,你地要帶齊文件,破民有責任依四年!
发表于 27-10-2010 04:16:00 | 显示全部楼层
謝謝你的分享 很有味度 我是用律師上庭 一次攪掂 所以唔知官会有這麽多肺府之言 認真多謝分享
发表于 27-10-2010 13:06:40 | 显示全部楼层
1# mochida_elt

多謝分享,送分.
:victory:

現今申破係同以前好大分別咯.

我自己申破自己上庭又試過;
揾律師代辦免上庭又試過.
:Q
真係人一世物一世.
:curse:
希望續有分享及交流.....:handshake
发表于 27-10-2010 13:49:49 | 显示全部楼层
我雖然無上庭,但有上破產聯盟....而家都學識唔少.:handshake
 楼主| 发表于 27-10-2010 18:19:02 | 显示全部楼层
4# 301


多謝301大人~:loveliness:

又話說今日一次過完成解涷同交文件...

去解涷時,HXBC竟然同我講話: 先生,我而家睇唔到你個戶口有hold到喎,不過我都會幫你fax封信去後勤既同事,話俾佢地知呢個戶口要繼續用。咁我又問佢,online banking o個d用得冇問題ga呵? 佢話,應該冇問題既,你如果用唔到再返黎搵我地...

各位師兄師姐,咁我係咪即係解涷左呀? 我係去總行搞既。不過又好奇怪,我一個星期之前都仲可以打到簿,破署主任話我應該打唔到...咁其實係咪銀行冇涷結到我個account?

到交文件時,個律師樓既人好搞笑,講野好似數白欖咁,一路講唔停,問我野又唔俾我解釋,話:「我只係問你係定唔係/有定冇」.....笑死我。
发表于 27-10-2010 19:07:14 | 显示全部楼层
話說小弟今日第二次去上庭(之前又係因為一d文件問題押後一星期),有一d所見所聞好想同大家講下。因為我搵過下舊文都好似唔覺有類似既分享。

一. 應該十點半開庭,但搞到差唔多十一點個官先走出來(下面會講點解)。然 ...
mochida_elt 發表於 2010-10-27 01:02


我都係自己上庭及申破, 所以你講D野我都好有....感覺{:4_192:}

我第一次給了一個比較年輕的 法官, 佢都係 遲到半個鐘左右, 而又係好     有道德   的 說了30分鐘以上的   人生問題{:4_201:}

而我第一次因為填錯野, 所以須要 再上庭一次. 第二次, 就由一個比較 老的法官, 都算準時及做野好利落, 一個字可以形容佢 - 爽 ! 唔夠30分鐘KO了9成CASE!
 楼主| 发表于 27-10-2010 19:43:07 | 显示全部楼层
7# lalaeveryday


點解我要出個post呢?

就因為我覺得佢講既所有野係中立既,所謂「堅守法律精神!!」。佢又唔會幫住破署,或債權人,又會提醒你要點點點。令小弟不其然心存一點尊敬。

比起一d好快搞掂既官,佢的確係用左好多時間,又或者有好多人唔想聽佢up野。不過,法官講既野真係會幫到好多唔知頭唔知路既人囉(最起碼我上黎破聯咁耐都唔知,法庭計生活費係由起身刷牙開始計;P ),所以我覺得呢個法官好好人。
发表于 27-10-2010 20:06:50 | 显示全部楼层
小弟從未打過呢幾個字.....................真心多謝分享
发表于 27-10-2010 20:11:37 | 显示全部楼层
抄樓上.....  多謝真心分享 ~
发表于 27-10-2010 21:37:19 | 显示全部楼层
真係多謝分享:victory:
发表于 28-10-2010 12:36:21 | 显示全部楼层
「 f. 如果你地同署長o係日常生活既開支上有分岐,分岐係可能有既,你地千祈千祈千祈,記住係千祈千祈千祈唔好簽任何野。大家都係成年人,你唔好到時先同法庭講,我以為署長叫我簽我就要簽嘛。如果你認為唔妥當既,帶返黎法庭,我地會幫你去計你既開支。係點計呢? 由你起身開始計,你用幾多牙膏,一個月用幾多支,幾多錢一支牙膏,一個月又用幾多支牙刷......」
呢個point佢講得好正{:4_186:}
 楼主| 发表于 28-10-2010 16:57:28 | 显示全部楼层
12# mickey7100



「 f. 如果你地同署長o係日常生活既開支上有分岐,分岐係可能有既,你地千祈千祈千祈,記住係千祈千祈千祈唔好簽任何野。大家都係成年人,你唔好到時先同法庭講,我以為署長叫我簽我就要簽嘛。如果你認為唔妥當既,帶返黎法庭,我地會幫你去計你既開支。係點計呢? 由你起身開始計,你用幾多牙膏,一個月用幾多支,幾多錢一支牙膏,一個月又用幾多支牙刷......」

我覺得呢個point勁d喎~~我印象好深,一個字都冇多冇少~;P
发表于 28-10-2010 22:33:31 | 显示全部楼层
點解樓主上庭個法官同我7月頒令果官講D野禁似既, 可能係同一個人, 多謝分享...
 楼主| 发表于 28-10-2010 22:35:08 | 显示全部楼层
14# superlemon911


唔出奇~香港唔係有好多個法官o者~~:lol
发表于 28-10-2010 22:47:21 | 显示全部楼层
多謝分享:victory:
 楼主| 发表于 28-10-2010 22:55:07 | 显示全部楼层
多謝各位師兄師姐~版主~

多分享實為論壇既原動力~~:victory:
发表于 30-10-2010 10:50:18 | 显示全部楼层
我是律師攪的,但看了此文章,真是上了重要的一課,謝謝!
发表于 31-10-2010 19:07:14 | 显示全部楼层
多謝分享,遲D會搬去破產需知.
发表于 8-1-2011 22:04:32 | 显示全部楼层
咁即係破產應自己申請, 唔好找顧問或律師行, 是嗎?
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 21-11-2026 06:37 , Processed in 0.045021 second(s), 17 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表